ERRENTA: SOLDATAK, PENTSIOAK ETA ANTZEKOAK; ATZERAPENAK Aurrekontuan dirurik ez zegoelako kobratu ez ziren atzerapenak kobratzea

Dagokion ekitaldiko PFEZaren aitorpena aurkeztu ondoren ordaindu gabeko zenbatekoak jasotzen badira, zuzenketa-idazki bat aurkeztu beharko duzu egoitza elektronikoan, bi data hauen arteko epean: zenbatekoak jasotzen diren egunetik zerga honen aitorpenaren hurrengo epea amaitu bitartean.

Egin dituzun aldaketen errealitatea egiaztatzen duen dokumentazioa sartu beharko duzu.

Diru-sarrera horiek ez gehitzeak ez berekin ekarriko ez zigorrik, ez berandutze-interesik, ez inolako errekargurik.

Aurreko ekitaldiko aitorpenean zergadunak eskubidea du soilik ekitaldian jasotako kopuruak aitortzeko. Kasu honetan 15.000€.

Aurten kobratu gabe dagoen 5.000 euroko zenbatekoa kobratzen duenean, aurreko ekitaldiko zuzenketa-idazki bat aurkeztu beharko du Bizkaiko Foru Aldundiaren egoitza elektronikoan (atzerapen-interesik eta errekargurik gabe).

Zuzenketa-idazki hau aurkezteko epea hurrengo errenta aurkezteko borondatezko epea amaitzen denean bukatzen da.

Aurreko ekitaldiei lotutako zor galdagarriak badira, urte bakoitzeko autolikidazio osagarri bat aurkeztu beharko duzu, kobratu diren egunetik zerga horren autolikidaziorako hurrengo epearen amaierara bitartean.

Autolikidazioa aurkeztu ahal izango duzu:

• Emaitza sartu beharrekoa bada: edozein finantza-erakunde laguntzailetan.
• Emaitza itzuli beharrekoa bada: edozein finantza-erakunde laguntzailetan, Ogasuneko edozein bulegoko erregistroan eta Aldundiaren herritarren arretarako bulegoetako erregistroan.

Autolikidazio osagarri hau ezin da Internet bidez aurkeztu.