ERRENTA: AURREZTEKO MODUAK Aurrezki Sistematikoko Plan Indibidualen erreskatea (PIAS)

Biziarteko errenta aseguratuak eratzean agerian jartzen diren etekinak salbuetsita egongo dira, urrengo betekizunak betetzen badira:

• Prima gisa ordaindutako urteko gehieneko muga 8.000€ izango da.
• Kontratu horietan metatutako primen zenbateko osoa ezin izango da 240.000€ baino handiagoa izan.
• Ordaindutako lehenengo primak 10 urteko antzinatasuna izan behar du biziarteko errenta eratzen den unean. 2016-01-01etik aurrera, epe hori 5 urtera murriztuko da.

Biziarteko errenta berehalako biziarteko errenta gisa tributatuko da, aurrezkiaren zerga-oinarrian kapital higigarriaren etekin gisa txertatuko da (Salbuetsita dagoena atzerapena da). Pertsona Fisikoen Errentaren gaineko Zergari buruzko 13/2013 Foru Arauko laugarren xedapen gehigarrian arautzen dira plan horiek.