Artikulua

Nolako zerga-kalifikazioa dauka funtzionamenduan dagoen negozio baten errentamenduak (tabernak…)?

Zergadunak lortutako etekinak kapital higigarriaren etekinak dira eta zerga-oinarri orokorrean sartu behar dira.

Negozio baten errentamendua izateko hauxe gertatu behar da: errentariak lokalaz gainera bertan ezarritako negozioa edo industria jaso behar du, eta kontratuaren xedea ez dira soilik bertan aipatzen diren ondasunak, baizik eta bizitza propioa duen ondare-unitate bat, berehala ustiatu daitekeena, edo ustiatu ahal izateko administrazio-izapide batzuk baino falta ez dituena.

Errentamenduaren etekina ezin da izan negatiboa.

ERRENTAREN ZIRRIBORROA ALDATU BEHAR DUZU?

Beharrezko dokumentazioa

Zure errenta zirriborroan agertzen diren datuekin desadostasunik badago, datu berriak justifikatzen dituzten egiaztagirien arabera aldatu ahal izango dituzu.

Egiaztagiriak gorde eta aurkeztu egin beharko dituzu, eskatzen zaizkizunean. Dena dela, aitorpena aurkeztean erantsi ahal izango dituzu, edo ondoren Bizkaiko Foru Aldundiaren egoitza elektronikoaren bidez.