Artikulua

Zer baldintza bete beharko ditu inbertsioak enpresa berritzaileetan akzioak edo partaidetzak harpidetu edo erosteagatiko kenkaria aplikatu ahal izateko?

Erakundea mikroenpresatzat, enpresa txikitzat edo enpresa ertaintzat hartu beharko da SZren ondorioetarako.
SA, SL. KOOP, SLL, eta partaidetza daukan urte guztietan negoziaziorako onartuta ez egotea.
Mikroenpresak edo ETEak berritzailetzat hartu behar dira, Batzordearen 2004ko ekainaren 17ko 651/14 (EB) Erregelamenduaren 2. artikuluaren 80. apartatuan xedatutakoaren arabera.
Akzioak edo partaidetzak eratzeko unean eskuratu beharko dira, edo, bestela, sozietatea eratu eta hurrengo zazpi urteetan egindako kapital-gehikuntzen bidez.
Zergadunaren eta hari lotutako pertsonen partaidetzak ezin du inoiz ere gainditu enpresaren kapital sozialaren edo boto-eskubidearen % 25.
Inbertsioak bost urte baino gehiago iraun beharko du zergadunaren ondarean.

Akzioen harpidetzagatiko edo enpresa berritzaileko partaidetzagatiko kenkariaren zenbatekoa eta mugak 2021. urtean eta aurrekoetan.

Zergadunek ekitaldian eskuratu edo harpidetu dituzten eta benetan ordaindu diren akzioen edo partaidetzen eskuraketa-baliotik % 20 kendu ahal izango dute.
Urtean gehienez kendu daitekeen zenbatekoa ezingo da izan oinarri likidagarri osoaren (orokorra gehi aurrizkia) % 15.
Muga hori gainditzeagatik kendu ez diren zenbatekoak kendu ahal izango dira, eta muga hori beteta, hurrengo bost urteetan amaitzen diren zergaldietako aitorpenetan.
Akzioen edo partaidetzen eskuraketa-balioak osatutako kenkariaren gehieneko muga ezingo da izan urteko 150.000 €-tik gorakoa.
Kenkariaren gehieneko oinarria edo likidazio-oinarriaren gaineko ehuneko 15eko muga gainditzeagatik kendu ez diren kopuruak hurrengo bost urteetako aitorpenetan aplika daitezke, muga berberak errespetatuz.

Akzioen harpidetzagatiko edo enpresa berritzaileko partaidetzagatiko kenkariaren zenbatekoa eta mugak 2022. urtean.

Zergadunek ekitaldian eskuratu edo harpidetu dituzten eta benetan ordaindu diren akzioen edo partaidetzen eskuraketa-baliotik % 35 kendu ahal izango dute.
Urtean gehienez kendu daitekeen zenbatekoa ezingo da izan oinarri likidagarri osoaren (orokorra gehi aurrizkia) % 20.
Kenkariaren gehieneko oinarria edo likidazio-oinarriaren gaineko ehuneko 20eko muga gainditzeagatik kendu ez diren kopuruak hurrengo bost urteetako aitorpenetan aplika daitezke, muga berberak errespetatuz.

Kenkari-ehunekoen eta gehieneko oinarrien orientazio-taula

Baldintzak	2018 eta 2019 Kenkariak	Gehieneko oinarriak 2018 eta 2019	Aparteko kenkariak 2020 eta 2021	Gehieneko oinarria 2020 eta 2021	Aparteko kenkariak 2022	Urteko gehieneko zenbatekoa 2022
Inbertsioa mikro edo ETEetan	---	---	%10	100.000	---	---
Inbertsioa mikro edo ETE sortu berrietan	%10	100.000	%15	150.000	%25	Oinarri likidagarri osoaren %20
Mikro edo ETE berritzaile sortu berrietan egindako inbertsioa	%20	150.000	%20	200.000	%35	Oinarri likidagarri osoaren %20
Zilarrezko ekonomiako Mikro edo ETE-tan egindako inbertsioa	---	---	---	---	%35	Oinarri likidagarri osoaren %20

Zergadunak aukeren araubideari heldu beharko al dio kenkari horiek aplikatzeko?

Kenkariak aplikatzea errenta-aitorpena aurkeztean baliatu beharreko aukera da.

ERRENTAREN ZIRRIBORROA ALDATU BEHAR DUZU?

Atal honetan, mikroenpresetan edo ETE berritzaileetan akzioak edo partaidetzak harpidetzeagatik edo eskuratzeagatik kenkariak aplikatzeko beharrezkoa den informazioa islatu ahal izango da.
Era berean, likidazio-oinarria nahikoa ez izateagatik aurreko ekitaldiei dagozkien eta kendu gabe dauden kopuruak ere jaso beharko dira.

Beharrezko dokumentazioa

PFEZari buruzko Foru Arauaren 90. artikuluan araututako kenkaria gauzatzeko, akzioak edo partaidetzak harpidetzen edo eskuratzen dituen entitateak emandako ziurtagiria lortu behar da, eskuraketaren edo harpidetzaren zergaldian erakunde horri eska dakizkiokeen baldintzak betetzen direla adieraziz.
Horrez gain, %20ko kenkarirako eskubidea ematen duten mikroenpresa, enpresa txiki edo ertainei dagokienez, erakundeak agiri bidez justifikatu behar du betetzen dituela Batzordearen 2014ko ekainaren 17ko 651/2014 (EB) Erregelamenduaren 2. artikuluaren 80. atalean ezarritako baldintzak. Erregelamendu horren bidez, zenbait laguntza-kategoria barne-merkatuarekin bateragarritzat jotzen dira Itunaren 107. eta 108. artikuluak aplikatuz (jada aztertu dira), eta adituek egiaztatuz.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, ondoren, Bizkaiko Foru Aldundiaren egoitza elektronikoaren bidez.