ERRENTA: AURREZKIA Obligazioak, bonoak eta bestelako etekinak

Foru-komunikazioko araubide ekonomikoan ezkonduta nago, eta, emaztearekin batera, aurrezki-kontu bat eta bonu batzuk ditut. Gainera, nire aitaren jarauntsian, akzio batzuk eskuratu ditut, eta aurrezki/erretiro plan bat berreskuratu dut, haren hartzailea, aseguratua eta onuraduna neu izanik. Nork aitortu behar ditu errentan?

Kapitalaren etekinak etekin horien jatorri diren ondare-elementuen, ondasunen edo eskubideen titular diren zergadunei eratxikiko zaizkie (kontuan hartuko dira aurkeztutako frogagirien arabera kasu bakoitzean aplika daitezkeen titulartasun juridikoari buruzko arauak; aplikatu behar dira ezkontzaren edo izatezko bikotearen araubide ekonomikoaren xedapen arautzaileetan jasotako ondasunen eta eskubideen titulartasun juridikoari buruzko arauak, baita familia kiden arteko ondare-harremanei kasu bakoitzean aplikatu beharreko legedi zibileko arauak ere).

Kasu honetan, aurrezki-kontuaren, aurrezki-planaren (aseguru bat da) eta bonoen etekinak % 50ean esleituko zaizkio ezkontide bakoitzari. Akzioen etekinak (ondasun pribatibo bat da, herentziaz jaso baita) haien titularrari esleituko zaizkio % 100ean.

Horretarako, Sozietateen gaineko Zergari buruzko Foru Arauaren 42. artikulura jo behar da; izan ere, 3. atalean ezartzen ditu lotutako pertsonatzat edo erakundetzat jotzen diren kasuak.

Gordailu, eperako ezarpen edo antzekoren bat behar baino lehen kitatuz gero, norberaren kapitala hirugarren batzuei lagata lortutako kapital higigarriaren etekintzat hartuko da ondoko kopuru hau, positiboa zein negatiboa: printzipalaren eta korrituen zioz jasotako zenbatekoari kitapen-komisioa kenduta geratzen den kopuruaren eta hasieran emandako kopuruaren arteko diferentzia.