Dibidenduen kasuan, kapital higigarriaren etekin gisa tributatzen da, eta aurrezkiaren oinarrian sartzen dira. Urteko 1.500 euroko salbuespena dute.
Akzioen (burtsan kotizatu zein ez) harpidetza-eskubideak eskualdatzeagatik lortutako zenbatekoa ondare irabazitzat-hartuko da eskualdatzailearentzat, eskualdaketa gertatzen den zergaldian. (2017ko urtarrilaren 1etik aurrera, eskualdaketa hori dela-eta atxikipena aplikatuko da).
Azken urteetan, sozietate askok dibidendu malgua eskaini dute. Dibidenduak zuzenean banatu beharrean, kapital-zabalkuntza egiten dute, eta akziodunek aukera dute akzio berriak erosteko edo beren eskubideak saltzeko, merkatuan edo enpresa jaulkitzaileari berari, aurrez finkatutako prezioan.
Esleipen-eskubideen titularrek akzio berriak harpidetu ditzakete:
- Askatutako akzioak izango lirateke, errentaren lorpena ez dakartzatenak; hala ere, etorkizuneko eskualdaketei begira, eskuraketa balioa, emandako akzioena zein jatorrizko akzioena, kostua guztira titulu kopuruaren artean banatzetik lortuko da, titulu zaharrak zein dagozkien askatutakoak. Erabat askatutako akzioen eskuraketa data jatorrizko akzioei dagokiena izango da.
- Eskubidea merkatuan eskualdatzea: Balore horien gaineko harpidetza-eskubideak eskualdatuz lortutako zenbatekoa ondare-irabazitzat hartuko da eskualdatzailearentzat, eskualdaketa gauzatzen den zergaldian. (2017ko urtarrilaren 1etik aurrera, eskualdaketa hori dela-eta atxikipena aplikatuko da).
- Eskubideak konpainia berari eskualdatzea: prezioa aldez aurretik finkatuta dago eta zerga-tratamendua 2. puntukoa ez beste bat da, eta edozein entitate-motaren funts propioetan parte hartzetik lortutako etekin gisa kalifikatuko da, eta, beraz, atxikipena aplikatuko zaio.
