ERRENTA: AURREKO EKITALDIETAKO GALEREN ETA/EDO ETEKINEN KONPENTSAZIOA 65 urtetik gorakoek aurreko ekitaldietan biziarteko errenta aseguratuetan berrinbertitutako kopuruak

65 urtetik gorako zergadunek ondare-elementuak eskualdatzeagatik agerian geratzen diren ondare-irabaziak salbuetsita egongo dira, baldin eta eskualdaketaren bidez lortutako zenbateko osoa haien aldeko biziarteko errenta aseguratu bat eratzeko erabiltzen badute, sei hilabeteko epean, erregelamendu bidez ezarritako baldintzetan.

Gehienez ere 240.000 euro erabili ahal izango dira horrela biziarteko errentak eratzeko. Berrinbertitutako zenbatekoa eskualdaketan jasotakoaren guztizkoa baino gutxiago bada, berrinbertitutako kopuruari dagokion lortutako ondarezko irabaziaren zati proportzionala baino ez da zergapetu gabe utziko. Eratutako biziarteko errentaren ondoriozko eskubide ekonomikoak guztiz edo partez aurreratzen badira, orduan, lortutako ondare-irabazia zergapetu egingo da.

240.000 euroko gehieneko muga hori banak aplikatzen da, baterako aitorpeneko kasuetan ere bai, eta kreditu fiskal baten moduan funtzionatzen du, hau da, agortuz doa zergadunak arrazoi hori dela-eta hurrengo ekitaldietan lortutako irabaziak salbuetsita uztea erabakitzen duen neurrian.

Salbuespen hau bateragarria da 13/2013 Foru Arauaren 42. artikuluaren c) letran araututakoarekin (65 urtetik gorako pertsonek ohiko etxebizitza kostu bidez eskualdatzea), bai eta foru arau beraren 49. artikuluan araututako salbuespenarekin ere (ohiko etxebizitza eskualdatzen den kasuetan berrinbertitzea)