BATUZ: PROFESIONALA BEZIK GABE Software bermatzailerik gabe: alta ematea, aldatzea, baliogabetzea edo kontsultatzea

Fakturadun sarrera-erregistroa, software bermatzailerik gabe.

Adibidea: Irakaskuntzako profesionalak 1.000 euroko zerbitzua ematen die egoitza fiskala Burgosen duen enpresa eraikitzaile bateko langileei segurtasun-ikastaro baten truke (gai hori ikasketa-plan ofizial batean sartuta dago, eta ez du BEZik). Adibide honetan, Burgoseko enpresa ez dago behartuta faktura TicketBAIren bidez aurkeztera, eta, gainera, hartzailea izanik, faktura jaulki dezake fakturazio-erregelamenduaren 5. artikuluko baldintzak betetzen baditu.
Software bermatzailerik gabeko egindako fakturak fitxa hautatu behar duzu.

 Fakturaren identifikazio-datuak sartu behar dituzu. Hartzailearen datuak sartu, kasu honetan faktura egiten duen enpresarekin bat baitator; hautatu "Eragiketaren hartzaileak emandako faktura" botoia. Fakturaren banakapenean, "Salbuetsia" hautatu behar duzu, eta goitibeherakoan salbuespenaren arrazoia aukeratu.

Aukeratu zein jarduerari dagokion sarrera. Zenbatekoa eskuz sar daiteke, BEZaren zerga-oinarriaz bestelako PFEZko sarreren zenbatekoa laukitxoa markatuz eta kengarritik diferentzia horren arrazoia aukeratuz. Azkenik, GORDE sakatu.