Errentaren zirriborroari datuak eman aurretik, honako balio hauek kalkulatu behar ditugu:
Maileguaren interesak
Diru-sarrera osoak
Kalkuluak egin ondoren, ErrentaWeb aplikazioan sartuko gara eta datuak emango ditugu, honako kontzeptu hau jasotzen duen erregistro bat erantsita: ohiko etxebizitza alokatzeagatiko diru-sarrerak.
Pertsona batek baino gehiagok errentamenduengatik etekinak jasotzen baditu, zergadunari dagozkion diru-sarrerak eta gastuak adierazi beharko dira; adibidez, alokairuagatiko diru-sarrerak 8.000 €badira eta higiezinaren jabeak% 50 badira, bakoitzak 4.000 €adierazi beharko ditu diru-sarrera gisa. Gauza bera gastuekin.
Adibidea:Ikerrek 8 hilabetez Carmeni (maizterra) etxebizitza bat alokatu zion. Etxebizitzaren xedea errentariaren etxebizitza-premia iraunkorra asetzea da. Hileko alokairuaren zenbatekoa 500€ da.
Emandako adibiderako, honako hau kalkulatuko dugu:
Diru-sarrera osoak: 500 € x 8 hilabete = 4.000 €
Mailegu-interesak (Urteko interesak x (alokatutako egun-kopurua/urteko egun-kopurua)): 1.338,80 €
Errentapeko etxebizitza erosteko, Ikerrek mailegu bat eskatu zion finantza-erakunde bati, eta mailegu horren bidez, urte osoan, 2.000 € ordaindu ditu interesengatik. Urte osoan etxebizitza alokatuta egon ez denez, gastu gisa aitor daitezkeen maileguaren interesak etxebizitza alokatuta egon den urteko egun kopuruari dagozkionak izango dira.
Tutoretza-bideo honetan erregistroa nola bete adieraziko dizugu.
OHARRA: bideoak eta/edo adibideak ekitaldi honetarako baliagarriak dira (nahiz eta batzuk aurreko ekitaldiei buruzkoak izan
23. errenta kanpaina 2024ko apirilaren 10etik ekainaren 28ra
Aitorpena gure BULEGOETAN aurkeztu, astelehenetik ostiralera, 08:30etik 19:00etara
