Mikroenpresa, enpresa txiki edo enpresa ertaintzat hartzeko baldintzak betetzen ez dituzten sozietateen gaineko zergaren zergadunak, 2024/1/1etik aurrera sartu behar dira BATUZ sisteman.
Beste kasuetan, SZren zergadunak eta jarduera ekonomikoa duten pertsona fisikoak, eta EEAE-ak: Errenta-esleipenaren araubidean dauden entitateak(Ondasun-erkidegoak), sartzeko data aldatu egiten da jarduera motaren arabera.
Orri honetan, behin betiko ezartzedata, zerga-betebehar batzuetatik salbuesteko aukerak eta sisteman borondatez izena emateagatik dituzun abantailak kontsulta ditzakezu.
Batuz-i dagokion behin betiko ezarpen-data jakiteko, kontsultatu kalkulagailuan.
Zer da BATUZ?
BATUZ hiru elementuk osatzen dute:
ticketBAI fakturazioa bermatzen duen softwarea.
Eragiketa ekonomikoen erregistro-liburuak (EEEL) eraman beharra, Bizkaiko Foru Aldundiaren egoitza elektronikoaren bidez.
Zergadunari laguntzea, PFEZaren, SZren eta BEZaren aitorpenen zirriborroak haren esku jarriz.
Nortzuk daude behartuta BATUZ sistemara?
Honako pertsona eta erakunde hauek, betiere Bizkaiko Foru Ogasunaren araugintza-eskumenaren mende badaude:
NFIRPFren arabera jarduera ekonomikoak egiten dituzten pertsona fisiko eta nortasun juridikorik gabeko erakunde guztiak.
SZren zergadunak.
Establezimendu iraunkor bidez jarduten duten zergadun ez-egoiliarrek.
Hala ere, sistemak berak TicketBAItik eta EEELtik salbuesteko hainbat neurri ezartzen ditu zergadun jakin batzuentzat, eta zehatzago garatzen dira BAZTERTZEAK eta SALBUESTEAK atalean.
Ñabardurak:
Ondare-sozietateakbehartuta daude 2024/01/01ean (ez baitira mikroenpresa, enpresa ertain edo txikitzat hartzen)
SZtik guztiz edo partzialki salbuetsita dauden erakundeak eta 4/2019 Foru Arauari atxikitako irabazi-asmorik gabeko fundazio eta erakundeak ere behartuta daude BATUZera. Hala ere, azken horiek TicketBAI sistematik salbuetsita daude NFIVAren 20.Bat artikuluko 8, 11,12 13,14 eta 28 zenbakietatik salbuetsitako eragiketengatik.
Baliokidetasun-errekarguan dauden pertsonak edo eragiketa salbuetsiak bakarrik egiten dituzten pertsonak eta erakundeak ere behartuta daude TicketBAIra, nahiz eta BEZaren aitorpenak aurkezteko betebeharrik ez izan.
IBESri (Informazioa Berehala Emateko Sistema) lotutako zergadunek IBESren betebeharrak beteko dituzte TicketBAI sistema betez eta EEEL eramanez.
Eta orduan, IBES bete behar dut? Ez. Nahikoa da TicketBAI betetzea eta ez dute IBES-ren informazioa bidali beharko.
