Berehalako errentak, jaraunspen, legatu nahiz beste edonolako oinordetza-tituluren baten bidez eskuratu ez direnak.
Kasu honetan, kapitalaren etekina kalkulatzeko jasotako urterokoari ehuneko bat aplikatu beharko zaio, eta horrek zehazten digu jasotako errentaren zer zati den inbertsioaren berreskurapena eta zer zati den kapital higigarriaren etekina.
Biziarteko errentak
Biziarteko errentak aldez aurretik finkatutako eperik ez duten errentak dira, pertsona baten bizitzaren arabera eratzen direnak..
Kapital higigarriaren errendimendutzat hartuko da urte bakoitzean jasotako kopuruari honako ehuneko hauek aplikatzearen emaitza:(Urteko bakoitzari aplikatu beharreko ehunekoa errentariak errenta eratzeko unean duen adinaren araberakoa da, eta ez du aldaketarik jasango errentaren iraupenen osoan zehar)
- %40, jasotzaileak 40 urte baino gutxiago dituenean.
- %35, jasotzaileak 40 -49 urte dituenean.
- %28, jasotzaileak 50 - 59 urte dituenean.
- %24, jasotzaileak 60 - 65 urte dituenean.
- %20, jasotzaileak 66 -69 urte dituenean.
- %8, jasotzaileak 70 urte edo gehiago dituenean.
Adibidea. 65 urteko zergadun batek 20.000 euroko prima bakarreko erretiro-asegurua kontratatzen du, urtean 2.000 euroko biziarteko errenta gisa jasotzeko.
Kapital higigarriaren errendimendua: % 24* 2000 = 480 €
