Artikulua

ETXEBIZITZAREN ALOKAIRUA (errentatzaileak nola ordaintzen duen zerga eta maizterrak zenbat kentzen duen)

Berritasuna (2025/01/01etik aurrerako ondorioekin)

Etxebizitza-errentamenduan bakarrik egin dira aldaketak, ez bestelako higiezinetan (lonjak, garajeak, etab.) Renta

Ohiko etxebizitzaren errentamendua

Egotzi beharreko errendimenduaren kalkulua

"Ohiko etxebizitza" alokatzea (errentariaren behar iraunkorra):

Gastu kengarri gisa sartzen dira ez ordaintzeagatiko aseguru-primak (300 €-ko muga).
Hobari orokorra % 30era igoko da, eta % 70eko hobari berezia ezarriko da kasu batzuetan.
- Bizigune, ASAP edo antzekoetan integratutako etxebizitzak
- Tentsio-gunetan: lehen aldiz alokatutako etxebizitzak; azken 5 urteetan alokatu ez diren etxebizitzak; eta errentak erreferentziazko indizeetara edo bitartekaritza publikoko prezioetara mugatzen dituztenak.

Etxebizitza-errentamenduei aplikatu beharreko kuota (bizileku jarraitua)

Maizterren etxebizitza-premia iraunkorrak asetzea helburu duten etxebizitza-errentamenduek aurrezkiaren oinarrian ordaintzen dute zerga.

Aurrezki-errentan aplikatu beharreko tarifa aldatu da 2026ko urtarrilaren 1etik aurrera. Tarifa horretan honako hauek ordaintzen dituzte zergak: "bizileku jarraitua" duten etxebizitzen errentamenduak, aurrezkiaren etekinak (dibidenduak, kontuak, aseguruak...) eta aurrezkiaren oinarriaren ondare-irabaziak (higiezinen eskualdaketa, inbertsio-funtsak, akzioak...).

Kenkariak errentapeko etxebizitzan egindako obrengatik

Errentamenduaren xede den etxebizitza birgaitzeko ordaindutako zenbatekoen % 18eko kenkaria aplikatu ahal izango dute, urtean 3.000 euroko kenkari-mugarekin. Kenkari hori ez da aplikatuko sasoiko etxebizitzen edo pisu turistikoen errentamenduen kasuan.

Energia-eraginkortasuna hobetzeko eta etxebizitzetan energia berriztagarriak integratzeko obrengatiko kenkaria:

Berritasuna (2025/01/01etik aurrerako ondorioekin)

Ohiko etxebizitzan edo errentariaren etxebizitza-premia iraunkorra asetzea helburu nagusi duen etxebizitza gisa alokatuta duen bere titulartasuneko beste etxebizitza batean egindako obra eta/edo instalazioengatik ordaindutako zenbatekoen % 15eko kenkaria (20.000 euroko gehieneko oinarria urtean aitorpen bakoitzeko, aitorpen indibiduala edo bateratua izan), honako hauetarako:

berokuntza- eta hozte-eskaera murriztea
lehen mailako energia berriztaezinaren kontsumoa hobetzea
nagusiki bizitegi-erabilera duten eraikinen energia-eraginkortasuna hobetzeko egindako birgaitze energetikoko obrak.

Nola ordaintzen ditu sasoiko etxebizitzen errentamendua edo pisu turistikoak?

Gastu kengarriak finantzaketa-interes eta -gastuetara mugatzen dira (dirulaguntzak izan ezik).
Higiezin bakoitzak lortutako etekin osoen gaineko % 20ko hobaria ezartzen da.
Zergaren Oinarri Orokorrean zergak ordaintzen jarraitzen dute

Ohiko etxebizitza alokatzeagatiko kenkaria (maizterrarentzat)

Berritasuna (2025/01/01etik aurrerako ondorioekin)

Ohiko etxebizitza alokatzeagatiko kenkaria

2026ko urtarrilaren 1etik aurrera sinatutako edo luzatutako kontratuei dagokienez, ohiko etxebizitza alokatzeagatiko kenkaria honako hauek bakarrik aplikatu ahal izango dute: likidazio-oinarri orokorra, eta, hala badagokio, aurrezkiaren likidazio-oinarria, 68.000 eurokoa edo txikiagoa duten zergadunek. Muga hori araudi bidez aldatu ahal izango da etxebizitzaren merkatuan tentsio-egoerak gertatzen direnean (2026tik 2030era bitartean, biak barne, tentsio-egoerak gertatzen direla ulertuko da).
Ekitaldi batean kenkaria aplikatu ezin duten pertsonek, kuota nahikoa ez dutelako, kenkaria hurrengo eta ondorengo bost urteetako aitorpenetara eraman dezakete. Kenkariaren jatorrizko mugak eta baldintzak errespetatu behar dituzte, betiere ezarritako gehieneko epearen barruan.
Era berean, 2025-2029ko zergaldietan, aitorpena egin beharrik izan gabe aitorpena aurkeztu eta likidazioan kenkaria aplikatu ezin duten pertsonek, kuota nahikoa ez dutelako, kendu ezin izan duten zenbatekoa ordaintzeko eskubidea izango dute. Ordaindutako zenbatekoa, hala badagokio, kuotarik ez egoteagatik egon daitezkeen kenkari ordaingabeetatik deskontatuko da.

2/2025 Foru Arauaren berritasunak 2025 edo 2026tik aurrera higiezinen errentamenduari aplika dakizkiokeen zerga-berrikuntza nagusiak

Lagundu hobetzen

Nola baloratzen duzu artikuluaren erabilgarritasuna?