web
Lineaz kanpo zaude. Orriaren bertsio hau irakurtzeko soilik da.
close

ERRENTA: KENKARIA desgaitasuna duen pertsonaren ondare babestuari egingako ekarpenenengatik

Zer ehuneko eta zer mugarekin deduzitu daiteke?
  • Desgaitasuna duten pertsonen ondare babestuari egindako ekarpenen % 30eko kenkaria (urtean 3.000 € gehienez).
  • Diruzko ekarpenak direla-eta ekarpena egin duenarentat ez dago ondare-irabazirik edo -galerarik.
Desgaitasuna duten pertsonek beren ondare babestuari dagozkion eskuraketak oinordetzen eta dohaintzen zergatik salbuetsita daude.
Zer desgaitasun-maila izan behar du ondare babestuaren titularra izan eta desgaitasuna duen pertsonak?
  • % 33ko edo hortik gorako desgaitasun PSIKIKOA.
  • % 65eko edo hortik gorako desgaitasun FISIKOA edo SENTSORIALA.
Nork aplikatu dezake desgaitasuna duen pertonaren ondare babestuari egindako ekarpenengatiko kenkaria?
  • Desgaitasuna duen pertsonarekin zuzeneko nahiz zeharkako ahaidetasun-harremana (laugarren ahaidetasun mailaraino)* duten zergadunek.
  • Desgaitasuna duen pertsonaren ezkontideak edo izatezko bikotekideak, edo desgaitasuna duen pertsona tutoretzapean edo harreran dutenek.
Desgaitasuna duen pertsonak berak ezin izango du inoiz kenkari hori aplikatu.
* 2022a baino lehenagoko ekitaldietarako, ahaidetasun-harremana hirugarren mailara artekoa zen, hori barne.
Zer betekizun formal bete behar dira desgaitasuna duen pertonaren ondare babestuari egindako ekarpenengatiko kenkaria aplikatzeko?
  1. 41/2003 Legearekin bat etorriz ondare babestua eratzea.
  2. Egindako ekarpenak eskritura publikoan edo ebazpen judizialean jasotzea (urteko ekarpen guztiak eskritura bakarrean bildu daitezke).
  3. Eta ondare babestuaren titularrak edo haren administratzaileak urtero 182 eredua aurkeztu behar du, urtarrilaren 1etik 31ra bitartean, eta bertan adierazi ondarearen osaera, jasotako ekarpenak eta egindako xedapenak.
Bateragarriak al dira desgaitasunagatiko kenkaria eta desgaitasuna duen pertsonaren ondare babesturako ekarpenen ziozko kenkaria?
Bai. Bateragarriak dira bi kenkariak.   

ERRENTA ZIRRIBORROA ALDATU BEHAR DUZU?

"Desgaitasuna duten pertsonen ondare babestuari egindako ekarpenengatik kenkaria" izeneko pantailan, desgaitasuna duten pertsonen ondare babestuari egindako ekarpenak egiaztatu, editatu edo gehitu ahal izango dira.
 
Beharrezko dokumentazioa
  • Ondare babestuaren eraketako dokumentu publikoa edo ebazpen judiziala, salbu eta aurreko urteetan aurkeztu bada.​
  • Zergaldian egindako ekarpenen dokumentu publikoa edo ebazpen judiziala.​
  • Dokumentazioa aurkezten duen pertsonaren eta desgaituaren arteko ahaidetasun-gradua edo -harremana egiaztatzen duen dokumentua, salbu eta aurreko urteetan aurkeztu bada eta ez bada aldaketarik gertatu.​
  • Onuradunaren desgaitasuna egiaztatzeko agiria, salbu eta aurreko urteetan aurkeztu bada eta ez bada aldaketarik gertatu.​
Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola ikusi dokumentu bakar batean nire adierazpen osoa?
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Deitu, eta zure zalantzak argituko ditugu
946 125 500
Errenta webgunerako sarbidea
 
Aurrez aurreko arreta nahiago baduzu 

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?