ERRENTA: IRABAZIAK ETA GALERAK

Estatuko Loteria eta Apustuen Estatu Sozietateak antolatzen dituen loteria eta apustuei (Lotería Nacional, Lotería Primitiva, Bonoloto, El Gordo de la Primitiva, Euro millones, La Quiniela, Quinigol, Lototurf eta Quíntuple Plus), autonomia-erkidegoetako organoek edo entitateek antolatzen dituztenei eta Europar Batasunak antolatutako izaera bereko loteria eta apustuei, bai eta Espainiako Gurutze Gorriak antolatutako zozketei eta Espainiako Itsuen Erakundeari baimendutako joko-modalitatekoei ere, % 20ko karga berezia ezarriko zaie. Karga hori sariak ordaintzen direnean sorraraziko da, eta, horrenbestez, ez dira sartu beharko PFEZaren autolikidazioan.

2020/1/1etik aurrera, 40.000 euroko edo hortik beherako zenbateko osoa duten sariak salbuetsita egongo dira (muga hori 20.000 eurokoa zen 2019/1/1etik 2019/12/31ra).

Bingoa, DYAren zozketa, kartelen lehiaketa bateko saria, online pokerra, kirol-apustuak, etab.(Estatuko Loterietan eta apustuetan sartuta ez dauden guztiak) direla eta, oinarri orokorreko irabazien eta galeren atalean tributatuko da.