Artikulua · Autoservicio de clientes

Bizi- eta baliaezintasun-aseguru batzuen kapitalizaziotik eratorritako errentak (aurrezteko moduak), kontu korronteetako interesak, gordailuak aurretiaz ezereztea eta abar, zergaren aurrezki-oinarria osatzen duten kapital higigarriaren etekintzat jotzen dira (positiboak edo negatiboak).
Etekin negatiboak oinarri bera osatzen duten etekin positiboekin bakarrik konpentsatuko dira: ohiko etxebizitzaren errentamendua, kontu korronteen interesak, dibidenduak, bonuen etekinak, etab. (13/2013 Foru Arauak 28. xedapen gehigarrian ezartzen duen konpentsazio-araubide malgua izan ezik, mendeko finantza ekarpenei, lehentasuneko partaidetzei eta mendeko zorren errentari dagokienez)
Lehenengo, ekitaldi/urte berean agerian jartzen diren etekin positiboekin konpentsatuko dira, eta, konpentsazioaren ondorioz saldo negatiboa sortzen bada, saldo hori modu berean agerian jarritako saldo positiboarekin eta mota bereko etekinekin konpentsatu ahal izango da, hurrengo lau urteetan.

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Aurreko urteetako aurrezkiaren oinarrian konpentsatu gabeko etekin negatiboak izanez gero, atal hau egiaztatu beharko duzu, eta datuak zuzenak ez badira, aldatu.