Artikulua · Autoservicio de clientes

Sariaren kasuan, aldaketa bat gertatzen da ondarean, eta horrek balio handiagoa izatea eragiten du. Beraz, ondare-irabazi bat da; gainera, zergaren oinarri orokorrera joango da, ez baitator zergapekoaren ondare-elementuen ezein eskualdatzetik.

Zerga-ordainketa berbera da saria gauzazkoa edo eskudirutan den.

Banku-erakundeetatik jasotzen diren opariak, —normalean produktuak kontratatzeagatik, nominak helbideratzeagatik... emandakoak–, eskatutako baldintzak betetzen dituzten pertsona guztiei ematen zaizkienak, gauzazko ordainsariak dira:, beraz, aurrezkiaren oinarriaren kapital higigarriaren etekin bat dira. Ez dira ondare-irabaziak.

Adibidea: Eperako ezarpen baten titularren arteko zozketa batean, pertsona batek 16.418,42 €-ko ibilgailu bat jaso du sari gisa. Jasanarazitako konturako sarrera: 3.283,68 € Matrikulatu gabe eta km-rik egin gabe kontzesionario bati eman dio, eta, haren truke, 10.217,21 € jaso ditu. Nola tributatu behar du?

Kasu horretan, bi eragiketa gertatzen dira:

jasotako sariak oinarri orokorraren ondare-irabazia sortzen du, 16.418,42 €-koa.
Ibilgailua kontsezionarioari eskualdatzeak aurrezkiaren oinarrian ondare-galera eragin du, 10.217,21 €-ren (salmenta-balioa) eta 16.418,42 €-ren (erosketa-balioa) arteko aldea dela-eta.

Irabazia ezin da konpentsatu galerarekin, oinarriak desberdinak baitira (oinarri orokorra eta aurrezkiaren oinarria).

ERRENTAREN ZIRRIBORROA ALDATU BEHAR DUZU?

Atal honetan, banku-produktuen titularren artean egindako zozketekin lotutako sariak agertzen dira, eta zergaren oinarri orokorraren barruan tributatuko dute.

Sariaren jatorria den finantza-produktuaren titularrari edo titularrei egotziko zaizkie.

Kasu honetan, banku-erakundearen egiaztagiria, jasotako sariaren balorazioa eta, hala badagokio, atxikipena edo konturako sarrera jasotzen dituena.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.