Artikulua · Autoservicio de clientes

Itzuli beharreko errenta bada, bankuko kontua nahitaezkoa da; beraz, eegiaztatu zure zirriborroaren banku-helbideratze kontua eta aldatu nahi baduzu, honako hauek hartu behar dituzu kontuan:

Kontuaren titularra izan behar zara (ez da nahikoa baimenduta egotea).
Kontuak IBAN nazionala izan behar du, atzerriko kontuek ez dute balio
Helbideratze kontua errentaren zirriborroan edo eskuineko telefonora deituta alda dezakezu.

Ordaindu beharreko errenta bada

Kontua jartzen ez baduzu, Bizkaiko Foru Aldundiaren EGOITZA elektronikotik kudeatu ahal izango duzu ordainketa (ordainketa-gutuna, txartela, banku elektronikoa, Bizum, etab.).
Zorra helbideratzeko kontu bat jartzen baduzu, kontua finantza-erakunde laguntzaile batena izan behar da.

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2005 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

Errentaren zirriborroa aurkeztu AURRETIK

Zure kontu-zenbakia alda dezakezu goiko barran klik eginez Datu pertsonal eta familiarretan, "Pertsonaren datuak editatu" botoian, orriaren amaieran dagoen "banku-helbideratzea" atalean.

Zirriborroa aurkeztu ONDOREN

www.ebizkaia.eus egoitza elektronikoaren bidez, identifikatu zure identifikazio elektronikoko bitartekoarekin. Sartu aurkeztutako errenta-aitorpenaren espedientean eta aukeratu "ordainketa kudeatu" jarduera. Zorra hautatu ondoren, eta ordainbideen artean, aukeratu "banku-helbideratzea" eta adierazi sartu beharreko errenta-aitorpena helbideratzeko banku-kontua.