ESKUALDAKETAK: ERRENTAMENDUA

Sarrera
Errentamendua
Erosteko aukera
Urratsak eta epea

Sarrera
Hurrengoak bereizi behar ditugu:

1. BEZaren araberako etxebizitzak, hau da, lehenengoz entregatzen diren etxebizitzak eta sustatzaileak errentatzen dituenak.
   • Errentamendua BEZaren araberakoa izango da, nahiz eta etxebizitza bezala erabiltzeko errentamendua izan (BEZaren Foru Arauaren 20.23.b eta d artikulua).
   • Erosketa-aukera BEZaren araberakoa da.
   • Errendamenduak egintza juridiko dokumentatuen % 0,5 ordaindu beharko du, eskritura publikoan badago (% 0,5 hileko batez besteko errentaren gainean).
   • Erosketa-aukerak egintza juridiko dokumentatuen % 0,5 ordaindu beharko du, eskritura publikoan badago. Aukerarako hitzartutako prezioaren gainean egingo da.

2. 1. puntua betetzen ez duten etxebizitzak ondare eskualdaketaren araberakoak dira.

2.A) ERRENTAMENDUA: KOSTU BIDEZKO ONDARE ESKUALDAKETEN ARABERAKOA.

• Subjektu pasiboa: errentaria.
• Zerga-oinarria: hileko batez besteko errenta.
• Zerga-kuota hileko errentaren baitan dago.

Kuota hileko errentaren arabera

HILEKO ERRENTA	KUOTA
0,00-300,00	43,25 €
300,01-900,00	130 €
900,01etik aurrera	130 € + 1,50 euro 10 euroko edo horren zatiko

600 eredua:

• 600 eredua: etxebizitzaren errentamendua
• Argibideak

2.B) EROSTEKO AUKERA: KOSTU BIDEZKO ONDARE ESKUALDAKETEN ARABERAKOA.

• Subjektu pasiboa: errentaria.
• Zerga-oinarria: hauetako bietatik handiena: aukerarako hitzartutako prezioa edo ondasunean egiaztatutako balioaren % 5 (Gutxieneko Balio Egozgarria).
• Tasa: % 4 (% 2,5eko zergapetze-baldintzak betetzen badira, itzultzea eska daiteke) 4/2012 Jarraibidea

600 eredua

• 600 eredua: erosteko aukera

Bi kasuetan eman behar diren urratsak:

1. Bete 600 eredua eta emaitza ordaintzea bada, ordaindu finantza-erakunde kolaboratzailean.
2. Bilboko Bizkaiko Foru Ogasunean edo hipoteka-erregistroaren likidazio-bulegoetan (aurkezpen-tokia) eredua betea (eta ordainketa egina dagoela egiaztatuta) entregatzea, honako dokumentazioarekin batera:

   Errendamendu-kontratuaren edo eskritura publikoaren originala eta fotokopia, eragiketa dokumentatzeko. Errentarien eta errentatzaileen IFZren fotokopia, Bizkaian bizi ez badira.

Aurkezteko epea: Autolikidazioa, agiriekin batera, 30 egun baliodunen epean aurkeztuko da, egintza edo kontratua egiten denetik zenbatzen hasita. Dokumentu judizialak direnean, egintza edo kontratua ebazpen judiziala irmoa den egunean gauzatuko da.

Estekak:

• Informazio osoa
• 600 eredua

Derrigortasun telematikoa

• Jarraibide harturik bere xedapen gehigarri bakarraren lehen apartatuan ezartzen duena BFAren azaroaren 24ko 100/2020 Foru Dekretuak, zeinaren bidez aldatzen baita, Administrazio Elektronikoaren arloan, BLHko Zergak Kudeatzeko Erregelamendua, gestoriek eta notariotzek telematikoki aurkeztu beharko dute, nahitaez, poliza-agirien eta eskritura publikoen kasuan eta 2021eko urtarrilaren 1etik sortutako zerga-egitateei dagokienez, OE eta EJD zergaren 600 eredua.
• Halaber, nahitaezkoa izango da partikularren arteko mailegu-kontratuak telematikoki aurkeztea ("Giltza" atalean identifikatu ondoren, zuzenean sartuko da izapidea egin daitekeen orrian).