- Zerga oinarria
- 600 Eredua
- Urratsak eta epea
Itsasontzien salerosketa ondare-eskualdaketen gaineko zergaren araberakoa da.
Zerga-tasa aplikagarria % 4koa da.
Zerga-oinarria: BAOk argitaratzen dituen taulatan ageri den salmentarako batez besteko prezio aplikagarria (kasu honetan ez da bestelako bitarteko bat erabiliz egiaztatuko) edo ordaindutako prezioa.
Garraio-bitartekoak balioztatzea.
1. adibidea: itsasontziarengatik 10.000 euroko prezioa ordaindu da. Taulatan batez besteko prezioa 12.000 eurokoa da.
- a) aukera: zerga-oinarri modura 10.000 euro jartzen badira, Ogasunak zerga 12.000 euroko balioaren gainean likidatuko du. Nolanahi ere, zergadunak likidazio horren aurka egin dezake (zergaren likidazioa jaso eta hilabeteren buruan).
- b) aukera: zerga oinarri bezala tauletako batez besteko prezioa (12.000 euro) jartzen bada, Ogasunak ez du balioa egiaztatuko eta zergadunak ezingo du balioztapenaren aurka egin (aurkeztutako autolikidazioan onartu du).
2. adibidea: itsasontziarengatik 12.000 euroko prezioa ordaindu da. Taulatan batez besteko prezioa 8.000 eurokoa da.
Zerga-oinarri bezala 8.000 euro jar daitezke eta Ogasunak ez ditu balioak egiaztatuko.
600 eredua betetzeko argibideak:
Zergaren araberako subjektu pasibo bakoitzeko eta zerga-egitate bakoitzeko autolikidazio-eredu bat aurkeztuko da. Eskualdaketa irabazpidezko ondasunen sozietatearen alde egiten bada, zerga-egitate bakoitzeko eredu bana beteko da. Egintzaren edo kontratuaren xedea adieraziko da, dagokion kodearekin batera (600 ereduko argibideen orriarekin bat).
Kostu bidezko ondare-eskualdaketen mendeko eragiketa:
- Eragiketaren deskribapena: Egintzaren edo kontratuaren xedea adieraziko da, dagokion kodearekin (jarraibideen orrian zerrendatuta).
- Ondasun higigarrien eskualdaketa: eragiketaren kodea (T20).
- Subjektu pasiboa: Eskuratzailea.
- Igorlea: Saltzailea.
- Zerga-oinarria: Prezioa (Administrazioak egiaztatu beharko du)
- Mota: % 4.
- 2. orria: Ez dago aurkeztu beharri
Eman beharreko urratsak eta epea:
- Bete 600 eredua eta ordaindu finantza-erakunde kolaboratzailean
- Bilboko Bizkaiko Foru Ogasunean edo hipoteka-erregistroaren likidazio-bulegoetan (aurkezpen-tokia) eredua betea (eta ordainketa egina dagoela egiaztatuta) entregatzea, honako dokumentazioarekin batera:
- Salerosketa-kontratuaren originala eta fotokopia, zergaren araberako egintza badu.
- Subjektu pasiboaren eta eskualdaketa egiten duten pertsonen IFZren fotokopia.
- Itsasontziaren dokumentazioari buruzko originala eta fotokopia.
- Merkataritza Nabigazioaren Zuzendaritza Nagusiaren mendeko Itsas Kapitaintzaren Matrikula Erregistroaren ziurtagiriaren originala eta fotokopia.
Aurkezteko epea: Autolikidazioa, agiriekin batera, 30 egun baliodunen epean aurkeztuko da, egintza edo kontratua egiten denetik zenbatzen hasita. Dokumentu judizialak direnean, egintza edo kontratua ebazpen judiziala irmoa den egunean gauzatuko da.
Estekak:
