Errenta: ekarpenak BGAE-ei eta gizarte-aurreikuspeneko beste sistema batzuei

Era berean, badago finantza-muga gizarte-aurreikuspeneko sistemetako produktu jakin batzuetarako, hala nola pentsio-planetarako edo mutualitateetarako (BGAEtara egindako ekarpenek ez dute finantza-mugarik). 2024 ekitaldirako, arau orokor gisa finantza-muga hori 1.500 eurokoa da.
Beraz, 2024an 5.000 euroko ekarpen pertsonala egiten bada pentsio-plan batean, 1.500 euroko gehieneko murrizketa aplikatu ahal izango da. Gainera, 3.500 €-ko soberakina (5.000-1.500) ezin izango da hurrengo ekitaldietan murriztu. 

Murrizketek ezin dute likidazio-oinarria negatibo bihurtu. Hau da, gehienez baliogabetu arte murriztuko dute (zerga-oinarria beste muga bat da). 
Murriztu gabeko soberakinak hurrengo 5 ekitaldietan murriztu ahal izango dira, salbu eta soberakinak finantza-mugak gainditu dutelako edo erretiro-egoeran dagoelako gertatu bada.

 

Murriztu beharreko ekarpenen/kontribuzioen lehentasun-ordena hau da:

Ekarpenaren erregistroa gehitu ondoren, egiaztatzen baduzu ez dela murrizketarik aplikatu, agian murrizketa aplikatzeko nahikoa zerga-oinarri orokor ez izateagatik izango da. Zure zerga-oinarria egiaztatzeko, sartu behin-behineko likidazioaren simulazioan, pantaila nagusian ageri den estekaren bidez: 'Datu gehiago ikusi'.

Enpresa-ekarpenaren daturik ez badago edo datu horiek okerrak badira, datu horiek gehitu edo zuzendu ahal izango dituzu "soldatak, pentsioak eta antzekoak" atalean, "Gizarte Aurreikuspeneko Sistemetarako ekarpenak" kontzeptua hautatuz atal horren beheko aldean.