Errenta-zirriborroari datuak eman aurretik, balio hau kalkulatu behar dugu:
Kalkuluak egin ondoren, RentaWeb aplikazioan sartuko gara, eta datuak emango ditugu, honako kontzeptu hau duen erregistro bat gehituz: Ohiko etxebizitza alokatzeagatiko diru-sarrerak. Alokairuagatik jasotako urteko diru-sarrera osoak erregistratzeaz gain, dagokion hobaria adieraz dezakegu, baita eskatu den maileguaren interesak ere (gastu kengarri bakarra).
Erregistroa zirriborroan agertzen bada eta okerra bada, aldatu egin behar duzu, ekintzetan sakatuz (hiru puntuak) eta editatzeko aukera aukeratuz. Atal bat irekiko da aldaketa egin dezazun.
Pertsona batek baino gehiagok errentamenduengatik etekinak jasotzen badituzte, zergadunari dagozkion diru-sarrerak eta gastuak adierazi beharko dira.
Adibidez, alokairuagatiko diru-sarrerak 8.000 €badira eta higiezinaren jabeak bi edo % 50 badira, bakoitzak 4.000 €adierazi beharko ditu diru-sarrera gisa.
Adibidea: Ikerrek. urte osoan zehar, Carmen Sanchezi (maizterra) errentan eman dio etxebizitza bat ; azken horren ohiko etxebizitza izan da. Hileko alokairuaren zenbatekoa 500€ da.
Emandako adibiderako, errentaren zirriborroari datuak eman aurretik, honako balio hau kalkulatu behar dugu:
- Diru-sarrera osoak: aitortu beharreko alokairuagatiko diru-sarrerak: hileko alokairuaren zenbatekoa x hileko kuotak = 500 €x 12 = 6.000€ da.
- Etxebizitza erosteko, Ikerrek mailegu bat eskatu behar izan zion finantza-erakunde bati, eta mailegu horren bidez, 2.000 €ordaindu ditu interesengatik.
- Ikerrek gastutzat jo ditzake maileguen interesak. Horretarako, errenta-zirriborroari datua eman beharko dio.
