Artikulua

Atal honetan, ekitaldian gizarte-aurreikuspeneko sistemei egin dituzun ekarpen pertsonalak egiaztatu, editatu edo gehitu ahal izango dituzu.
Erretiro-egoeran bazaude, desgaitasun psikikoa baduzu (%33tik %65era bitarteko ehunekoarekin) edo BGAE baten edo gizarte-aurreikuspeneko beste erakunde baten kapital gisako prestazio bat kobratu baduzu, "Desgaitasun-, erretiro- edo prestazio kapitalizatuko kasuetarako beharrezkoa den informazioa" azpiatalera jo behar duzu.
Aurreko ekitaldietatik murriztu gabeko soberakinak badituzu, azpiatal espezifiko bat daukazu, non jasota egongo diren.

Nola egiaztatu egindako ekarpenak eta kontribuzioak

‘Gizarte-aurreikuspeneko sistemetara egindako ekarpenak' azpiatalean, ekitaldian egindako ekarpen pertsonalak egiaztatu, gehitu edo editatu ahal izango dituzu. Egotzi zaizkizun enpresa-ekarpenak ere egiaztatu ahal izango dituzu, baina ezingo dituzu horien datuak aldatu. Ekitaldiko ekarpenen datuak 'Soldatak eta ordainsariak' atalean aldatu behar dituzu.

Informazio gehiago: gizarte-aurreikuspeneko sistemetarako ekarpenak

Desgaitasun psikikoa duten pertsonak, erretiro-egoeran dauden pertsonak edo BGAE baten edo beste aurreikuspen-sistema baten prestazio bat kapital gisa jaso dutenak

‘Desgaitasun, erretiro edo prestazio kapitalizatuko kasuetarako beharrezkoa den informazioa 'azpiatala bete behar duzu honako kasu hauetan:

Desgaitasuna:
- Desgaitasun psikikoa: eremu hau bete behar duzu, baldin eta % 33ko desgaitasuna edo handiagoa baina % 65etik beherakoa baduzu. Zure desgaitasun-ehunekoa % 65 edo handiagoa bada, ez da beharrezkoa eremua betetzea (datua datu pertsonaletan jasota dago).
- Desgaitasun fisikoa edo sentsoriala: ez da beharrezkoa eremua betetzea (datua datu pertsonaletan jasota dago).
- Argibide gehiago: desgaitasuna duten pertsonen aldeko ekarpenak:
  - Desgaitasuna duen aitortzaileak berak egindako ekarpenak,
  - Desgaitasuna duen pertsona aldeko ekarpenak.
Erretiroa.
- Adierazi zein urtetan jubilatu zinen behin betiko (ez duzu adierazi behar erretiro-egoeran zaudela, erretiroa malgua, aktiboa edo partziala bada).
- Argibide gehiago: erretiratuek egindako ekarpenen muga fiskalak.
Ekitaldiko prestazio kapitalizatua. Adieraziko duzu erretiroa edo borondatezko baja dela-eta kobratutako prestazio kapitalizatuaren zenbatekoa, prestazio hori % 100ean sartu ez bada zure aitorpenean, beste integrazio-ehuneko bat aplikatzeagatik (% 60, kasu).
Argibide gehiago: ekitaldian prestazio kapitalizatu bat kobratu bada, aplikatu daitekeen muga fiskala.

Aurreko ekitaldietako kopuruak, murrizketarik eragin ez dutenak

‘Aurreko ekitaldietako aplikatu gabeko zenbatekoak Gizarte-aurreikuspeneko sistemei egindako ekarpenen gaindikinak' azpiatalean, aurreko ekitaldietako gehiegizko ekarpenak eta/edo kontribuzioak egiaztatu, gehitu edo editatu ahal izango dituzu.

Informazio gehiago

NOLA ERANTSI DATUAK...	ERANTSI DOKUMENTAZIOA...	AURKEZTU AITORPENA...	IKUSI NIRE AITORPENA PDF FORMATUAN ?

Deitu, eta zure zalantzak argituko ditugu

946 125 500

Errenta webgunerako sarbidea

Aurrez aurreko arreta nahiago baduzu

Aurretiko hitzordua

ERRENTA ekarpenak EKARPENAK BGAE ETA GIZARTE-AURREIKUSPENEKO BESTE SISTEMA BATZUEI

NOLA ERANTSI DATUAK...

ERANTSI DOKUMENTAZIOA...

AURKEZTU AITORPENA...

IKUSI NIRE AITORPENA PDF FORMATUAN ?

Lagundu hobetzen

Nola baloratzen duzu artikuluaren erabilgarritasuna?