Zer informazio behar duzu?
Joan bulegora zirriborroan egin behar dituzun aldaketak egiaztatzen dituzten dokumentuekin, horiek egiaztatu ahal izateko.
- Ohiko etxebizitza alokatzea:
- Alokatzen duzun etxebizitzari buruzko datuak
- Maizterraren datuak, alokatutako higiezinaren helbidea, alokairuaren urteko zenbatekoa.
- Datuak egiaztatzeko dokumentazioa, jasota ez badaude edo aldatu nahi badituzu:
- Hala badagokio, higiezina eskuratzeko inbertitutako besteren kapitalen (maileguak) interesen egiaztagiria baino ez duzu aurkeztu behar.
- Bestelako higiezinak alokatzea (lokalak, lurrak...):
- Alokatzen dituzun beste higiezin batzuei buruzko datuak (lokalak, udarako edo sasoirako etxebizitzak, lursailak, etab.)
- Maizterraren datuak, alokatutako higiezinaren helbidea, alokairuaren urteko zenbatekoa, gastu kengarriak, alokairu-beherapenak.
- Datuak egiaztatzeko dokumentazioa, jasota ez badaude edo aldatu nahi ez badituzu:
- Errendimendua lortzeko beharrezkoak diren gastuak, hala nola OHZren kuota, lokalaren aseguruaren primak, higiezinaren erosketa finantzatzeko eskatutako maileguaren interesak, errentan hartutako higiezinak birgaitzeko edo hobetzeko obren fakturak, amortizazio-gastua kalkulatzeko erosketa-kostua egiaztatzen duen eskritura edo agiria, alokairua jaisteko akordioa (hala badagokio).
- Gastuak, oro har, kengarriak dira soilik higiezina errentan dagoen neurrian (adibidez: hiru hilabete errentan emanda, hiru hilabeteko interesak onartuko lirateke).
