Batuz Ordezko faktura zuzentzailea: Hartzailearen datuen zuzenketa Ordezko faktura zuzentzailea egiten duen arotzeria, jatorrizko fakturan oker sartutako hartzailearen datuak aldatzeko.

- IGORLEA: Zure identifikazio-datuak eta egin duzun azken fakturaren helbidea agertuko dira.
- HARTZAILEA: Zure datuak goiko barrako KUDEAKETA HARTZAILEAK eremuan sartu badituzu, aukeratu besterik ez duzu egin behar. Hartzailearen datuak automatikoki kargatuta egongo dira faktura "FAKTURAK KONTSULTATU" atalean hautatu baduzu.
Hartzailearen identifikazio-daturen bat aldatu nahi baduzu, bete ezazu dagokion laukia (IFZ, izena, helbidea...).

- Seriea: faktura zuzentzaileek aparteko serie batean joan behar dute, eta serie hori goitibeherako menutik aukeratzen da. Faktura zuzentzaileetarako serie espezifikorik sortu ez bada, aldez aurretik "Serie berria" botoia sakatuta sortu beharko da. Gure kasuan, serie bat sortuta daukagu, "DFB_2024 Zuz", eta hautatu egiten dugu.

- Faktura zuzentzailea: kodea eta mota hautatu beharko dituzu: gure kasuan, "Ordezko faktura (Gainerakoa)" aukera hautatuko dugu, eta "Ordezkoa" mota hautatuko dugu.

ldaketaren aurreko oinarri zuzenduari dagozkion datuak bete behar dituzu, bai eta aldaketaren aurreko kuota ere.n.

-Zuzendutako edo ordezkatutako fakturak: zuzenketa-prozesuan FAKTURAK KONTSULTATUZ sartuz gero, automatikoki agertuko da zuzentzeko hautatutako faktura; FAKTURA BERRIA + ZUZENKETA bidez sartuz gero, seriearen, zenbakiaren eta igorpen-dataren datuak eskuz sartu beharko dituzu, eta "Gehitu" botoia sakatu.

- Eragiketaren deskribapena: faktura jaulkitzeko kontzeptuaren deskribapen labur bat sartu behar duzu
- Eragiketa-data: eragiketa egiten den data eta fakturaren jaulkipen-data desberdinak badira soilik bete behar da.
- Xehetasun lerroa: ez da beharrezkoa aldatzea, baldin eta fakturaren atxikipena edo hartzailea bada zuzentzeko arrazoia.

- Oina: "Jasandako atxikipenarekin" laukitxoa markatu behar duzu eta jasandako atxikipen-oinarriaren ikonoa sakatu (xehetasun-lerroan erregistratutako datuak kargatuz), baita dagokion atxikipen-ehunekoa hautatu ere (gure adibidean, % 15eko atxikipena du). Atxikitako kantitatea zuzenean sartzeko aukera ere baduzu, "Sartu eskuz jasandako atxikipena" laukitxoa markatuz. - Oharrak: adierazi zure ustez zer ohar diren. Adibidez: ordaintzeko modua jar dezakezu, edo, BEZik gabe balego, salbuespenaren arrazoia.
- PFEZari buruzko informazioa (LROE 140): klik egin konboan zure jarduera hautatuz (bat baino gehiago izanez gero).
Ordezko faktura zuzentzailea "PFEZko sarreraren zenbatekoa" laukian egin bada, eskuz sartu beharko da faktura zuzentzailearen eta jatorrizkoaren arteko zerga-oinarriaren aldea, zeinu positibo edo negatiboarekin, dagokionaren arabera; hau da, faktura zuzentzailea ken hasierako faktura. Horrela, PFEZren diru-sarreretan bikoiztasunak gertatzea saihesten da

PFEZn zenbatu beharreko diru-sarrera BEZarena ez bada, klikatu BAIn eta adierazi zenbatekoa.
Erregistro-liburuan "kobrantza-irizpidea" aukeratu baduzu, klikatu atal honetako laukitxoan.