Lineaz kanpo zaude. Orriaren bertsio hau irakurtzeko soilik da.
600 EREDUA: ETXEBIZITZAK EZ DIREN HIGIEZINAK (lokalak, garaje solteak, trasteleku solteak, lursailak, etab). KOEren mendekoak.
Eragiketaren deskribapenean, egintzaren edo kontratuaren xedeari dagokion kodea adieraziko da (600 ereduaren jarraibideen orrian zerrendatuta).
Kode Zibilaren 609. artikuluak ondorengo hau ezartzen du: Jabetza eskuratzen da okupazioaren bidez. Ondasunen gaineko jabetza eta beste eskubide errealak eskuratu eta eskualdatzen dira legearen bidez, dohaintzaren bidez, testamentuzko nahiz testamenturik gabeko oinordetzaren bidez eta, zenbait kontraturen ondorioz, tradizio bidez. Haiek eskura daitezke, orobat, preskripzioaren bidez
.
Okupazioaren bitartez jaberik ez duten ondasunak eskuratzen dira, adibidez ehiza edo arrantza daitezkeen animaliak, altxor ezkutuak eta bertan behera utzitako gauza higigarriak.
Egintza honen bitartez pertsona batek (dohaintza emailea) beste bati (dohaintza hartzailea) ondasun edo eskubide bat ematen dio trukean ezer ere jaso barik.
Baldintzak
Bizkaian bi dira oinordetza arautzen duten legezko testuak, betiere eragilearen auzotasuna kontuan hartuz zentzen den momentuan:
Kode Zibilak ondokoetan eraentzen du: Balmaseda, Bermeo, Durango, Ermua, Gernika-Lumo, Lanestosa, Lekeitio, Markina-Xemein, Ondarroa, Otxandio, Portugalete eta Plentzian, Urduñan eta Bilbon.
Kode Zibilak tituluaren eta moduaren teoriari jarraitzen dio eta horrek berekin dakar titulu balioduna nahikoa ez izatea eskualdaketa egin dela ulertzeko; izan ere, horrez gain, saldutako gauzaren tradizioa edo ematea egon behar da. Eman dela ulertzen da eroslearen esku eta jabetzan jartzen denean.
Legezko presuntzioa (KZren 1462.2 artikulua): Salmenta eskritura publikoaren bidez egiten denean, baliokideak izango dira eskritura egitea eta kontratuaren objektu den gauza ematea, baldin eta eskritura horrek aurkakoa erakutsi edo ondorioztatzen ez badu argi eta garbi.
Bizkaiko Foru Auzitegi Ekonomiko Administratiboak zenbait ebazpenetan xedatu du ondare eskualdaketen gaineko zergaren zerga egitatea ez dela kontratuak amaitzea edo sinatzea, baizik eta ondasun bat ondare batetik beste batera igarotzea; beraz, eskualdaketarik ez badago, ez dago zerga egitaterik. Kode Zibilaren 609 eta 1095. artikuluek ezarritakoarekin bat etorriz, eskualdaketa dagoen ala ez zehazteak berekin dakar ez bakarrik titulua (kontratua), baizik eta modua (tradizioa), hau da, ez bakarrik ituna, baizik eta ematea ere.
Salerosketak dokumentu pribatuetan: hirugarren baten aurrean noiz sorrarazten ditu eraginak kontratu pribatu batek?
Salmenta publikoa; halakoetan ondasun higigarria edo higiezina eskaintzarik onena egiten duenari ematen zaio.
Trukaketan, pertsona batek beste bati ondasun bat ematen dio beste ondasun edo eskubide baten truke, ondasun edo eskubide hori berdina edo desberdina izan arren. Higiezina trukatuz gero, higiezin bat ematen da beste eskubide baten truke edo ondasun higigarri edo higiezin baten truke.
Trukaketak. Ondasun edo eskubideen trukaketetan, trukatzaile bakoitzak eskuratzen duenaren balio egiaztatuaren arabera ordainduko du zerga, aitortutako kopurua handiagoa denean izan ezik, eta eskuratutako ondasun edo eskubideen izaerari (higikorra edo higiezina) dagokion karga-tasa aplikatuko da.
Demagun Mirenek Plentziako etxebizitza trukatzen duela Jonekin eta trukean, Jonen Castroko etxebizitza jasotzen duela. Zenbat zergapeko egitate sortzen dira?
Bi zergapeko egitate sortzen dira, kostu bidezko ondare-eskualdaketei lotutakoak, eskritura berean eta data berean:
Zein da Ogasun eskumenduna?
Nor da subjektu pasiboa?
Zein da zerga-oinarria?
Higiezin bakoitzaren balio erreala. Plentziako etxebizitza dela eta, Jonek esleitu beharreko gutxieneko balioa balia dezake.
Zenbatekoa da zerga-tasa?
Anderrek Getxon dagoen etxebizitza bat Asierrek Arrigorriagan duen pabiloi batekin trukatzen du. Zenbat zergapeko egitate sortzen dira?
2 zergapeko egitate sortzen dira Kostu bidezko Ondare Eskualdaketen modalitatean, eskritura publiko berarekin eta egun berean:
Zein da ogasun eskuduna?
Bizkaiko Foru Ogasuna, bai Getxoko etxebizitza eskualdatzeko, bai Arrigorriagako pabiloia eskualdatzeko.
Nor da subjektu pasiboa?
Zein da zerga-oinarria?
Zerga-oinarria higiezin bakoitzaren Balio Erreala da, eta biek Gutxieneko Balio Egozgarria aukeratu ahal izango dute.
Zein da zerga-tasa?
Adibidea:
Demagun Jonek Mikel semeari lagatzen diola Bilboko etxebizitzaren jabetza osoa, urtean ordaindu beharreko 6.000 euroko biziarteko pentsio baten trukean. lagapen horretan, hiru egitate zergapegarri sortzen dira. Jonek 60 urte dauzka. Bilboko etxebizitzaren balio erreala 250.000 eurokoa da.
Gehienez 3 zergapeko egitate sortzen dira.
Zerga-oinarria kalkulatzeko (1/2011 Foru Arauaren 12.2.f artikulua), urteko pentsioa kapitalizatu behar da diruaren legezko interes-tasaren arabera, eta biziarteko edo aldi baterako gozamen-arauak aplikatu behar zaizkio.
Gozamenaren kopurua kalkulatzeko hurrengo formula erabiltzen da: 89 – 60 = %29
150.000 x %29 = 43.500
Kasu honetan, balioen arteko aldea (250.000 – 43.500 = 206.500) zergapekoa da aitarengandik semearenganako dohaintza gisa, baina kuota osoa kalkulatzeko, 100eko 1,5eko tasa finkoa aplikatuko zaio zerga-oinarriari ahaidetasuna dela eta.
Nola zergapetzen da ondasun higiezin baten enkante bidezko esleipena?
Enkante publikoz edo notario, epaiketa zein administrazio bidezko enkanteetan egindako eskualdaketei dagokienez, errematearen prezioa eta esleipen-hartzailearen konturako kargen zenbatekoa izango da zergaren oinarria.
X jaunak BBK-k Y jaunari bahitutako etxebizitza baten enkante publikoan parte hartu du. Etxebizitzari esleitu beharreko gutxieneko balioa 215.680 eurokoa da. X jaunak ondasun higiezina eskuratu du 150.000 euroko errematearen prezioan.
Hirugarrenen aurrean noiz sorrarazten ditu eraginak kontratu pribatu batek?
Kontratu pribatuei dagokienez, Kode Zibilaren 1227. artikulua aplikatu beharra dago; artikulu horrek honako hauxe ezartzen du: Agiri pribatuaren data hirugarrenei begira zenbatuko da, agiria erregistro publiko batera erantsi edo bertan inskribatu den egunetik; agiria sinatzen duten pertsonetatik edozein hiltzen denetik; edo, agiria funtzionario publikoari eman bazaio horrek duen ogibidearengatik, agiria funtzionario horri zein egunetan eman eta egun horretatik.
Aurreko artikuluan ezarritako kasuetan, titulurako data zehatza daukagu eta hori ez dator bat agiriaren datarekin, baizik eta zendutakoen hiltze datarekin, erregistro batean inskribatzeko datarekin edo funtzionario publiko bati eman zaion datarekin; alabaina, ez daukagu edukiaren edo entregaren berririk, bertan legezko presuntziorik ez dagoelako, eskritura publikoekin gertatzen denaz bestaldera.
Dokumentu pribatuen preskripzio ondorioetarako, ezarrita dago (1/2011 Foru Arauaren 66. artikulua) pribatuen data aurkezten diren egunekoa dela, baldin eta Kode Zibilaren 1227. artikuluan ezarritako zirkunstantzietariko bat gertatzen ez bada; kasu horretan data horretatik aurrera zenbatuko da.
Oro har, KOEren mendekoak dira partikularrek saltzen dituztenak eta sustatzaileak ez diren BEZen subjektu pasiboek saltzen dituztenak (hau da, bigarren eskualdaketan saltzen direnak).
Zerga tasak:
4/2012 Jarraibidea (112 KB). Lehenengo 6.2
Ondare Eskualdaketa Onerosoei lotutako Eragiketa
Egintzaren edo kontratuaren xedea adieraziko da, dagokion kodearekin (jarraibideen orrian zerrendatuta).
Kodeak:
Subjektu pasiboa: eskuratzailea.
Eskualdatzailea: saltzailea.
ZO: gutxieneko balio egozgarria –GBE– hautazkoa (ikusi GBEari buruzko fitxategia)
Zerga tasa:
BEZari lotutako eragiketa
Egintzaren edo kontratuaren xedea adieraziko da, dagokion kodearekin (jarraibideen orrian zerrendatuta).
Zein zerga ordaindu behar du babes publikoko etxebizitzen eskualdaketak?
Babes publikoko etxebizitzen lehen eskualdaketa denean, zergapetu beharreko eskualdaketa izango da, BEZ zerga ordaintzetik ez-salbuetsitakoa, eta EJDen mailakako kuota ordaintzetik salbuetsitakoa (1/2011 Foru Arauaren 58.18 artikulua).
Bigarren eskualdaketa denean, zergaren kostu bidezko ondare-eskualdaketen zioz ordaindu beharko du, ondoko kasuetan izan ezean:
Loturak |
Bikoteak bere egoera arau dezake, baldin eta dagoeneko 3 urteak igaro ez badira, hau da, PFEZn ohiko bizilekua etengabeko egoitza izateko kontuan hartzen den 3 urteko epea amaitu ez bada.
Hiru urte horiek igaro badira, etxebizitzak baldintza guztiak bete ditu eta ezin da ezer arautu; kasu horretan, salerosketa berriari % 4a aplikatuko litzaioke.
Baina epe hori igaro ez bada, egin daiteke. Familia horri dagokionez, 2 urte bakarrik igaro dira eta, orduan, 2014ko egoera arautu eta % 2,5eko tasa aplikatu ahal izango luke; hots, tasa txikiena 2016. urtean aplikatu nahi izanez gero, 2014ko aitorpena aldatu beharko luke eta % 4ko tasari dagozkion zergak ordaindu.
Horrez gain, Errentaren gaineko Zergari dagokionez ere arautu beharko luke familiak bere egoera.
Ondare Eskualdaketen eta Egintza Juridiko Dokumentatuen gaineko FA, 13. art. (224 KB)
2014. urtean aurkeztutako aitorpenari autolikidazio osagarria aurkeztu beharko litzaioke (600 eredua).
1/2011 Foru Arauan etxebizitza terminoa agertzen zaigu zenbait alditan. Funtsean hiru dira aurki ditzakegun etxebizitzak:
Etxebizitzak eskualdatzea, oro har, garaje-plazak barne, gehienez ere bi unitaterekin eta eranskinak, eraikin berean kokatuta egonik, batera eskualdatzen badira, % 4ko zerga ordainduko du.
Era berean, eskubide errealen eraketa eta lagapena, bermekoak izan ezik, oro har etxebizitzen gainekoak badira, garaje-plazak barne, gehienez ere bi unitate eta eranskinak, eraikin berean kokatuak, batera eskualdatzen badira, bai eta kostu bidez eskualdatzen badira baserriaren jabari osoa edo biziarteko gozamena eta haren jabetzak, Euskal Zuzenbide Zibilean araututako tronkaleko senideen alde egiaztatzen badira, % 4ko zerga ordaindu beharko dute.
Ez dira etxebizitzen eranskintzat hartzen negozio-lokalak, nahiz eta etxebizitzarekin batera eskualdatu.
OEZ-EJDtik salbuetsita egongo dira honako eragiketa hauek: Behin betiko kalifikazioa lortu ondoren, babes publikoko etxebizitzen lehen eskualdaketa formalizatzeko egiletsitako eskritura publikoak, EJDen gaineko kargari dagokionez.
Babes publikoko etxebizitzaren kontzeptuaren barruan sartuko dira, soil-soilik, etxebizitzak eta horiei atxikitako eranskinak.
Ohiko etxebizitza ezinbesteko beharkizuna da kostu bidezko ondare eskualdaketaren (KBOE) modalitatean tasa murriztua aplikatzeko eta ohiko etxebizitzaren eskuraketarako zuzendutako mailegu baten bermean osatutako hipoteketan salbuespena egoteko.
Ohiko etxebizitzatzat hartzen da PFEZren 13/2013 Foru Arauaren 87. artikuluan horrelaxe definitzen dena:
Kostu bidezko ondare-eskualdaketen mendeko eragiketa:
Honelako eskualdaketak Eskualdaketa Atalak kudeatzen ditu (ez Ibilgailuen Atalak).
Ondare Eskualdaketen gaineko Zerga likidatu behar da 600 eredua aurkeztuta.
Kostu bidezko ondare-eskualdaketen mendeko eragiketa.
Bai, BEZ zergaren edo OEZ zergaren eraginpekoak izan daitezke.
Arau orokorra: baloreen kostu bidezko eskualdaketa-eragiketak salbuetsita daude BEZ eta OEZ zergak ordaintzetik.
Zerga-itzurpenaren aurkako arauak: baloreen eskualdaketa arau orokorraren salbuespenetik kanpo geratzen da eta, hortaz, kostu bidezko ondare eskualdaketen ziozko zerga ordaindu behar du OEZ-EJD zergari dagokionez:
Ondoko eskualdaketak ere ez dira aurreko salbuespenetik baztertzen eta, beraz, zerga ordaintzetik salbuetsita daude:
Ez, ez dira parekoak. Beraz, ezin zaie aplikatu balioen eskualdaketarako araututa dagoen salbuespena.
Kostubidezko ondare eskualdaketen mende egongo da eta %7an edo %4an zergapetuko da, saltzen dena higiezina edo bestelako ondasun edo eskubidea izatearen arabera.
Zerga oinarria: eskualdatutako ondasunen balio erreala (3/1989 Foru Araua-ren 10. artikulua - Foru Arau berriaren 12. artikulua). Hau da, ondasun erkidegoaren ondasun eta eskubideen balio erreala, eskualdatu den portzentajeari aplikatuta.
Eskualdaketa hau %4ko edo %6ko tasaren mende legoke, ondasun erkidegoa osatzen duten ondasunen izaera higikorra edo higiezina izatearen arabera, aurreko kasuan bezala. Gainera, sozietate eragiketa bat egin daiteke (4/2012 Jarraibidea, 4. eta 11. puntuak)
Adibidez, bi erkide bakarrik badira eta haietako batek bere zatia besteari saltzen badio, eskualdaketa %4an egingo da, eta ondasun erkidegoa desegingo da. Horrela, Sozietate Eragiketen mendeko eragiketa bat egingo da, sozietatearen desegite-likidazio kontzeptupean, eta hori erkidegoak une horretan dauzkan ondasun eta eskubideen %1ean zergapetuko da.
Erkidea badoa eta gainerakoek beraren zatia partekatzen dute. Ez da preziorik ageri. Dohaintza bat litzateke hori; dohaintzetara joatea ez badute, prezioa jarri beharko diote.
Gainera, bi erkidego bakarrik badira eta batak besteari bere zatia uzten badio, Dohaintzetara joan ez ezik, Sozietate Eragiketen mendeko eragiketa gertatuko da, sozietatea desegin-likidatu egingo delako.
Dohaintzen mende geratuko litzateke, aurreko kasuan bezala.
Mozkinak kalkulatzeko portzentajeak aldatzea, baina Ondasun-Erkidegoko partaidetzaren portzentajea aldatu gabe.
Adibidez, bi erkidek (Ak eta Bk) ondasun erkidego baten %50na daukate. Erdibana daukate, baina aurten Ak inoren kontura lan egin du; beraz, ez du klaserik eman.
Horregatik, erabaki dute aurten Bk mozkinen %90 bereganatuko dituela eta Ak %10. Halere, oraindik ere akademiaren %50 Arena da eta beste %50 Brena.
Haiek, nahi badute, adostu ahal dute, mozkinak banatzerakoan, bakoitzak erkidegoan dauzkan ondasunen portzentajeaz gain beste faktore batzuk kontuan izatea, adibidez, bakoitzak egin duen lan pertsonala. Arazoa errentan izango dute.
Gure zergarako, erkidegoaren portzentajeak aldatzen ez diren heinean, ez dago modalitatekoetako batean ere.
1. BEZa ordaindu behar duten etxebizitzak, BEZik gabe (1. entrega, sustatzaileak errentan ematen duena)
2. 1. puntua betetzen ez duten eta ondare-eskualdaketen mende dauden etxebizitzak.
2011/63 FD OE-EJD Araudiaren 10. art. Errentamenduak.
| Zerga-oinarria: Hileko batez besteko errentaren zenbatekoa | Zerga kuota |
| Tartea, eurotan | Euro |
| 0,00 - 300,00 | 43,25 |
| 300,01 - 900,00 | 130,00 |
| 900,01 - hortik gora | 1,50 10 euro edo zatikiko |
3. Lokala (errentamendu EZ finantzarioa)
Errentamendua zein erosteko aukera zergapetuak dira eta ez dira salbuetsi gabeak BEZari dagokionez. Beraz, EJD zerga ordainduko behar dute eskritura publikoan dokumentatzen badira.
Eragiketaren deskribapena: Egintzaren edo kontratuaren xedea adieraziko da, dagokion kodearekin (jarraibideen orrian zerrendatuta).
Subjektu pasiboa: errentaria.
Eskualdatzailea: errentatzailea.
Zerga oinarria: bietan handiena, aukerarako itundutako prezioa, edo ondasunaren balio egiaztatuaren %5.
Zerga tasa:
%4ko zerga ordaintzen dutenek, erosteko aukera gauzatzean % 2,5eko tasa murriztua aplikatzeko aurreikusitako baldintzak betetzen badituzte (2011/1 FAren OEZ-AJD 13.c) art.) itzulketa eska dezakete, % 4 eta % 2,5 tasan ordaindutakoaren arteko aldeagatik.
Errentamendurako eta erosteko aukerarako dokumentazio komuna: alokairu kontratua (jatorrizkoa eta fotokopia)
2. orria: ez dago aurkeztu beharrik.
1/2011 Foru Araua, Ondare Eskualdaketen gaineko Zergari buruzkoa. 9.1 eta 58.15
600 eredua
Mailegu-kontratuan parte hartzen duen pertsona bakoitzak inprimaki bat aurkeztu behar du, irabazpidezko araubide ekonomikoan dauden senar-emazteak direnean izan ezik; kasu horretan, ezkontideetako bat baino ez da jaso behar kontratuan.
Eredua betetzeko jarraibideak:
Mailegu-kontratua: kopiarekin batera aurkeztu
Gutxieneko baldintzak:
mailegu jasotzen duten pertsonen egoitza fiskala Bizkaian egotea.
Dokumentuaren barruan: kontratuan parte hartzen duten personen identifikazioa, NAN zenbakiak eta helbideak, mailegatzen den diru-kopurua, itzultzeko epea, interés-tasa (interesik ez bada eskatzen, agirian adierazi), eta, azkenik, data eta parte hartzen duten guztien sinadurak.
Hurrengo orrian izapide honen buruzko informazio osoa duzu:
Nola zergapetzen da ondare eskualdaketa eta EJDaren gaineko zergan partikularren arteko mailegua?
Internetez, Egoitza electronikan identifikatu eta sartzeko sistemen bidez (Bak, BakQ, NAN elektronikoa, etab.) .
Izapiderako zuzeneko sarbidea ("Giltza" atalean identifikatu ondoren, izapidea egin ahal izateko orrira sartuko da zuzenean)
Errentaren gaineko aitorpenean kenkaria eskuratu ahal izateko, hurrengoak ekarri behar dira:
Aintzat hartzeko, mailegua eratu, eta hurrengo 30 egun baliodunen barruan, zera aurkeztu behar da:
Bi kasuetan, eragiketa salbuetsita dago.
Oraindik amortizatu gabeko zorra daukan hipoteka-karga duen higiezin baten dohaintza da. Dohaintza modala sortzeko, beharrezko da dohaintza-hartzaileak ordaintzeko dagoen zorra bere gain hartzea edo horretan subrogatzea.
Araudia:
Zergak EJD bidez ordaintzen dira baldin eta fidantza eratu duena BEZaren subjektu pasiboa bada. BEZaren subjektu pasibo baten eratu badu, inskribatu ezin dela eta EJDren kargapean ez dagoela ulertuko da.
Maileguarekin batera Abala edo Fidantza eratzeagatik ez da zergarik ordaindu behar (maileguaren eraketa gisa soilik aurkezten da). Mailegu baten bermea izango den hipoteka, bahi edo antikresiaren fidantzak eta eskubideak eratzen direnean, maileguagatik soilik ordainduko da zerga, baldin eta bermea mailegua ematen den aldi berean eratzen bada, edo mailegua ematen denean bermea jarriko dela aurrez ikusita badago.
Araubidea:
Kostu bidezko ondare-eskualdaketen mendeko eragiketa, hura osatzen duena BEZaren subjektu pasiboa ez denean.
Araudia:
Mailegu baten nobazioa, abal-emaileak sartuta, jatorrizko maileguan egongo ez balira, edota jatorrizko abal-emaileen ordez beste batzuk jartzea, kostu bidezko ondare-eskualdaketen pean dagoen jarduera da, fidantza-eraketa bezala, betiere abal-emailea pertsona fisikoa bada.
Kode Zibileko 467. artikulua: Gozamenak besteren ondasunak gozatzeko eskubidea ematen du. Haien forma eta substantzia gorde beharra ezartzen du, salbu eta haien eraketa-tituluak edo legeak besterik baimentzen badute.
Gozameneko eskubide erreal baten eraketaren bidez, jabetza osoa zatitzen da: gozamenean eta jabetza soilean zatituko da.
Gozamenak gozamendunari ematen dio gozamena erabiltzeko eta gozatzeko eskubidea, gainerakoen aurrean. Ez du edukitza ematen, jabe bakarra denak gordetzen baitu. Hau da ia ondasunaren jabea, erabilerarik gabe, gozamendunari lagata.
Zein negozio juridiko motagatik sor daiteke jabetza osoaren zatikatzea jabetza soilean eta gozamenean?
Zatikatze hori eta finkapena, behin gozamena iraungi ostean, doako edo kostubidezko zenbait negozio juridikoren eraginez sor daiteke:
Doakoak:
Kostubidezkoak:
ordaina errenta gisako aldizkako zenbateko bat den kasu guztietan gertatzen da (BEZari FA 5. art.) eta higiezinak: etxebizitzak, horien eranskinak barne; landa-finkak, abeltzaintza independentera zuzendutako eraikinak izan ezik.
2. a Kostu bidezko ondare-eskualdaketak, gozamena kostu bidez eratzen den gainerako kasuetan, baldin eta::
Higiezinen kasuan, BEZen mende eta BEZetik salbuetsita (BEZari FA 20 BAT 23 art.) egongo dira (20 BI art.) ondorengo higiezin moten gaineko gozamenaren eraketa: etxebizitzak, horien eranskinak barne; landa-finkak, abeltzaintza independentera zuzendutako eraikinak izan ezik.
Araubidea:
24ko 1/2011 FA 12.2.a art. hirugarren paragrafoa zehaztutakoaren arabera, pertsona juridiko baten alde eratutako gozamena 30 urte baino gehiagorako edo zehaztu gabeko epealdi baterako ezarriko balitz, zerga arloari lotuta, baldintza erabakigarriaren mende egongo den jabetza osoaren eskualdaketa gisa hartuko litzateke.
Justifikazioa Kode Zibilaren 515. artikuluan jasotako debekuan datza, herri baten edo Korporazio edo Sozietate baten aldeko gozamena 30 urte baino gehiagorako ezin dela eratu baitago zehaztuta.
Arau zibilek ez dituzte ezartzen jabetza osoan gozamena eta jabetza soila adierazten duten portzentajeen kalkulurako erregelak baina bai, ordea, Ondare Eskualdaketen gaineko Zerga, Oinordetzen gaineko Zergak eta antzeko arau fiskalek.
2011/63 OE-EJD Araudiren 6. art.
Aldi baterako gozamena zortzi urte eta erdirako, eslei daitekeen gutxieneko balioa 100.000 eurokoa daukan lonja bati dagokiona. Zein da zerga-oinarria?
Ondasunaren balioaren % 2 urte bakoitzeko, gutxienez % 2 eta gehienez % 70.
100.000 euroren % 16. Zortzi urte horiek aldi baterako gozamenaren % 2rekin biderkatuta kalkulatzen da (urte batera iristen ez den epealdia ez da zenbaten).
Gozamenari dagokion portzentajea kalkulatuko dugu formula honetan oinarrituta:
(89 – gozamendunaren adina gozamena eratzerako unean) %
% 70eko muga maximoarekin eta % 10eko gutxienekoarekin.
Mariak (60 urte) 100.000 euroko balioa duen etxebizitza baten biziarteko gozamena heredatzen du.
Biziarteko gozamenaren balioa hau izango litzateke:
84 urteko pertsona baten aldeko biziarteko gozamena eratzen da 500.000 euroko balioa duen etxebizitza baten gainean.
Gozamenaren balioa: % 89-84: 5, baina 1/2011 Foru Arauak gutxienekoa % 10ean finkatzen du.
El usufructo se valora aplicando las reglas del usufructo temporal o vitalicio, aquél que le atribuya mayor valor.
Gozamena gazteenaren adina kontuan hartuta balioesten da. Gozamendunak, kasu horietan, gozamenaren zerga egitatearen subjektu pasibo solidarioak dira, banandutako likidazioak gauzatu beharrik izan gabe. Gozamendunetako bat hiltzean, gainerakoei dagokien gehitzeak ez dakar inolako likidaziorik. Azken gozamenduna hiltzen denean, jabetza soilaren likidazioa gozamenaren balio osoari dagokion bateratzearen ondorioz gauzatu behar da.
Ak Bren eta Cren alde biziarteko gozamen bateratua eratu du 2010ean, bizirik dagoen gozamendunaren aldeko gehitzearekin. Bk 50 urte ditu eta Ck 55, zergaren eraketa eta sortzapen datan.
Kalkulua:
Gozamenaren balioa: 89-50 = % 49.
Jabetza soilaren balioa: 100-49 = % 51.
C 2012an hilko balitz, ez litzateke inolako likidaziorik egongo.
B 2020an hilko balitz, une horretan jabe soilak bere jabetzari kentzen zaion % 49 finkatuko luke, higiezinak 2020an daukan benetako balioan oinarrituta.
2011/63 OE-EJD Araudiren 7. art.
Gozamena gazteenaren adina kontuan hartuta balioesten da. Eskubidearen egikaritzari ekin dion gozamendunari soilik gauzatzen zaio likidazioa. Lehen gozamenduna hiltzen denean, berriz kalkulatu beharko da gozamenaren balioa, data horretan oinordeko gozamendunak daukan adina kontuan hartuta, eta balioa hasierakoa baino txikiagoa bada, jabe soilak autolikidatu egin beharko du domeinuaren finkapen partziala, alde horri dagokionez. Azken gozamenduna hiltzen denean, jabe soilak gainontzekoa finkatuko du.
Ak Bren eta Cren aldeko biziarteko oinordetza gozamena finkatu du 2010ean. Bk 50 urte ditu eta Ck 55, zergaren eraketa eta sortzapen datan.
Kalkulua:
Gozamenaren balioa: 89-50 = % 49.
Jabetza soilaren balioa: 100-49 = % 51.
C 2020an hilko balitz, une horretan berriz kalkulatu beharko litzateke gozamenaren balioa, gozamendunak une horretan daukan adinaren arabera.
Gozamenaren balioa: 89 – 60 = %29.
Jabetza soilaren balioa: 100 – 29 = % 71. Jabariaren finkatze partziala sortzen da jabe soilari lotuta, jabetza soilaren balioa handitzearen ondorioz. 71 – 51 = % 20.
B 2030ean hilko balitz: une horretan, jabe soilak bere jabetzari falta zaion % 29 finkatuko luke data horretan higiezinak daukan balio errealari dagokionez.
2011/63 OE-EJD Araudiren 7. art.
4. puntua bezalakoa.
Jabetza soila kalkulatzeko, kontuan izan behar da jabetza osoaren balioa % 100 dela, eta, beraz, jabetza soilaren balioa % 100 horri aurreko arauen arabera kalkulatutako gozamenaren balioa kentzearen emaitza izango da.
ALDI BATERAKO GOZAMEN ESKUBIDEA
10 urte eta 11 hilabeteko epealdirako, Xen alde, 10.000 euroko balioa daukan higiezin bati dagokionez.
Urte bakoitzeko ondasunaren balioaren % 2 kalkulatzen da, gutxienez 2 eta gehienez % 70.
BIZIARTEKO GOZAMENA
Julianek, 40 urte, eta bere amak, Teresak, 69 urte, etxebizitza bat erosten dute. Julianek jabetza soila eskuratzen du, eta amak biziarteko gozamena. Ordaindu duten prezioa 300.000,00 €-koa da. Etxebizitzaren gutxieneko balioa 200.000,00 €-koa da.
Suposatzen dugu Teresa hil egiten dela eta, beraz, Julian eraikinaren jabe bihurtzen da. Teresa hil zen egunean, higiezinak 250.000,00 euroko gutxieneko balioa du.
Amaren biziarteko gozamenaren balioa % 20 da. Zure semeak 250.000 €-ko % 20 ordainduko du, jabetza soila eskuratzeagatik.
GOZAMEN MISTOA
35 urteko Mikelek 25 urteko gozamen-eskubidea du, gozamenduna (Mikel) lehenago 200.000 €-ko VMA duen higiezin baten gainean hiltzen denean izan ezik.
Gozamen mistoa, bi balio hauetatik handiena hartzen da:
GOZAMEN MISTOA
Mirenek, 60 urterekin, 500.000 €-ko biziarteko gozamena du Ingurumen Sailburuordetzako etxebizitza baten gainean, baina gozamenaren iraupena ezin da 25 urtetik gorakoa izan.
Gozamen mistoa da, eta biziarteko gozamenaren eta aldi baterakoaren arteko balio handienarekin likidatzen da:
| Motak | Kalkulua | Gutxieneko muga | Gehieneko muga | Subjektu pasiboa | Zerga oinarria | Tasa |
|---|---|---|---|---|---|---|
| Aldi baterakoa | % 2 urte bakoitzeko | %2 | %70 | Gozamenduna | Gozamena eratuko den higiezinaren balio errealari aurreko kalkuluen emaitza aplikatuko zaio. |
Ondasun higiezinen gainean:
Ondasun higigarrien gainean: % 4 |
| Biziartekoa | 89 – gozamendunaren adina eratze-datan | %10 | %70 | |||
| Mistoa |
Bi hauetatik handiena:
|
|||||
| Baterakoa | 89 – gozamendun gazteenaren adina. | |||||
| Segidakoa | 89 – gozamendun gazteenaren adina. |
| Motak | Noiz gertatzen da? | Subjectu Pasiboa | Zerga Oinarria | Tasa |
|---|---|---|---|---|
| Aldi baterakoa | Eratu zen epea igarotzen denean. | Jabe soila | Finkapen-datan higiezinak daukan balio errealari, eraketa-datan kalkulatutako gozamenaren portzentajea aplikatzen zaio. |
Ondasun higiezinen gainean:
Ondasun higigarrien gainean: % 4 |
| Biziartekoa | Gozamenduna hiltzen denean. | |||
| Mistoa | Gozamenduna hiltzen denean, epea igaro baino lehen gertatzen bada. | |||
| Baterakoa | Azken gozamenduna hil arte ez dago finkapenik. | |||
| Segidakoa | Segidako gozamendunak hiltzen direnean finkapen partzialak egiten dira, gozamen berrirako kalkulatutako balioa txikiagoa bada. |
Esleitu beharreko gutxieneko balioa Bizkaiko Foru Aldundiko teknikariek higiezin bakoitzari ezarritako balioa da, merkatuko prezioak (aurretiazko azterketaren bidez) eta higiezinari dagozkion beste koefiziente batzuk (azalera, erabilerak, antzinatasuna…) aintzat hartuta.
Edozein interesdunek jakin dezake esleitu beharreko gutxieneko balioa. Izan ere, balio automatizatu eta publikoa da, eta ezin da horren aurkako errekurtsorik jarri; errekurtsoa aurkez daiteke, ordea, balio horretatik ondorioztatzen diren administrazio-egintzen aurka.
Balio hori ezarrita dagoenean, lehentasunezko bidea da balioa egiaztatzeko Ondare Eskualdaketen eta Egintza Juridiko Dokumentatuen gaineko Zerga
Gutxieneko balio eratxikigarria kalkulatzeko aplikatu beharreko arau teknikoak hiri-ondasun higiezinak zerga ondorioetarako balioztatzeko arau teknikoak onetsi dituen 163/2013 Foru Dekretuan (302 KB) ezarri dira (BAO, maiatzaren 8koa).
163/2013 Foru Dekretuko 2. artikuluan xedatuta dago:
Merkatu-azterketen xedea higiezinen merkatuko datu ekonomikoak bildu, ikertu eta analizatzea da; azterketok balioko dute, hain zuzen, aurreko artikuluan aipatutako arau teknikoak aplikatzeko oinarri gisa.
Azterketa horiek Ogasun eta Finantzen foru diputatuaren agindu bidez onetsiko dira, eta egiten diren urtearen hurrengo urteko urtarrilaren batetik izango dira aplikatzekoak, foru dekretu honen bigarren xedapen gehigarrian xedatutakoan izan ezik.
Zerga Oinarria eskualdatzen den ondasun edo eskubidearen balio erreala da (1/2011 FAren 12. art.)
Balioaren egiaztapena:
Administrazioak esku izango du eskualdatutako ondasunen eta eskubideen, sozietate eragiketaren edo egintza juridiko dokumentatuaren balio erreala egiaztatzeko (1/2011 FAren 60. artikulua).
Egiaztatzeko bitartekoak
(1/2011 FAren 60.2 artikulua)
Egiaztapena Zergei buruzko 2/2005 FA Orokorraren 55.1 art. ezarritako baliabideen bitartez egingo da:
Egiaztatze bitarteko hauei, OE-EJD Arauak bi eransten dizkie (60. artikulua):
Zer gertatzen da interesdunak aitortutako balioa egiaztapenaren ondoriozko balioa baino handiagoa bada?
interesdunek eskualdatutako ondasunen balio errealtzat eratxiki beharreko gutxieneko balioa zehazteko arau teknikoak aplikatuz sortzen denaren berdina edo beste balio bat handiagoa adierazten badute, ez da beste egiaztapenik egin beharko.
Zein da Administrazioaren konpromisoa autolikidazioa egiteko oinarriaren balioa esleitu beharreko gutxieneko balioa bada?
Kostu bidezko ondare-eskualdaketen modalitatean, 1/2011 Foru Arauaren 60. art. 2. eta 3. paragrafoetan xedatutakoaren ondorioetarako, higiezinari gutxieneko balio egozgarria zehazteko arauak aplikatu behar zaizkion kasuetan, baina katastroko zenbaki finkorik ez izateagatik hura zehaztu ezin denean, ez da baloreak egiaztatzeko prozedurarik egingo interesdunak 600 ereduan aitortutako balioa salmenta-prezioaren % 75a edo handiagoa bada.
Irizpide honetan xedatutakoa aplikatu ahal izateko, aurkeztutako autolikidazioan jaso beharko da higiezin horrek ez duela katastroko balio finkorik.
Esate baterako, balioaren egiaztapena egin da eskuratu ez den higiezin baten gainean, eskuratze-ehunekoa %20koa da eta likidazioan %100eko eskuratze-balioa agertzen da…
Hainbat aukera daude; banan-banan xehetuko ditugu:
Balioa egiaztatzeko egintzan (BEE) finkatutako balorazioa soilik aurkaratu.
Kasu berezia: BEE aurkaratu baina balorazioaren kontra PTK aurkezteko eskubidea gordeta.
Berraztertzeko (aukerako) errekurtsoa aurkeztu likidazioaren kontra.
FAEAri administrazioarekiko diru-erreklamazioa aurkeztu likidazioaren kontra.
Bai, Administrazioak eskualdatutako ondasun eta eskubideen balio erreala egiaztatu ahal izango du, baita sozietate-eragiketarena edo egintza juridiko dokumentatuarena ere (1/2011 FAren 60.1 art.).
(1/2011 FA 60.2 art.) Egiaztapena Zergei buruzko 2/2005 FAren 55.1. art. ezarritako baliabideen bitartez egingo da:
Egiaztapen-bide horiei guztiei, OE-EJDen Zergari buruzko Arauak beste 2 gehitzen dizkie (60. art.):
Kontraesanezko aditu-tasazioaren eskaera aurkeztuz gero, likidazioaren betearazpena etengo da, zenbatekoa zein den kontuan hartu gabe eta abalik behar izateke.
Horretarako, administrazio adituak egindako irizpen-txostena beharrezkoa da, baldin eta balioaren egiaztapena beste bideren batez egin bada.
Peritu-tasazio kontrajarriaren prozedura balioa egiaztatzeko egintzaren (BEE) ondoriozko balorazioa aurkaratzeko idazkia aurkeztutakoan hasten da.
Kontuan eduki behar da PTKren prozedurak bi muga ezartzen dizkiola balorazioari: beheko muga autolikidazioan aitortutako balioa da eta goiko muga BEEn finkatutako balioa (gutxieneko balio eratxikigarria).
PROZESUA
Espedientea Administrazioari bidali beraren perituek balorazio berria ezar dezaten:
BEEn balorazioa ezartzen da (GBE) foru dekretu batean ezarritako irizpideak eta koefizienteak aplikatuta (irizpide eta koefiziente horiek urtero eguneratzen dira foru agindu bidez).
BEEren aurkarapena aurkeztutakoan Administrazioak bere teknikarien (perituen) esku jartzen du espedientea eta PTKren prozedura hasten da. Zergapekoari jakinarazten zaio prozedura hori hasi dela.
Administrazioaren perituen balorazioa jakinarazi zergapekoari.
Perituen irizpena (balorazioa) jakinarazi ondoren zergapekoak 2 hileko epealdia dauka honetarako (batzuetan lehenengo egiaztapenerako perituen irizpena erabiltzen da; hala bada, irizpena berriz jakinarazi behar da):
Zergapekoak atzera egiten badu, PTKren prozedura amaitutzat jotzen da eta likidazioa egiten da zerga-oinarritzat kopuru hauetatik txikiena hartuta: perituen irizpenean ezarritako balioa (aitortutako balioa baino gehiago izanez gero) eta gutxieneko balio eratxikigarria.
Tasazioa baloratu beharreko ondasunarekin bat datorren titulua daukan peritu batek egin behar du. Perituaren gastuak zergapekoak ordaindu behar ditu.
Barrukoa: tasazio bat alderdiaren peritu-tasaziotzat onartzeko bi baldintza bete behar dira:
Hau gertatuz gero (3A), ez dago zertan izendatu beste peritu bat: behin betikotzat hartzen da zergapekoaren perituaren balorazioa eta PTK amaitutzat jotzen da. Balorazio hori likidazio osagarrirako zerga-oinarritzat hartzen da, baldin eta ez bada egiaztatuko balioa (GBE) baino gehiago, ez autolikidazioan aitortutako balioa baino gutxiago.
Hau gertatuz gero (3B), beste peritu batengana jo behar da. Gero beste peritu bat izendatu dela jakinarazten da eta beraren ordainsarien berri ematen da. 15 eguneko epealdia dago ordainsarien kopurua jartzeko. Bi aukera daude:
Hori eginez gero, PTKren prozedura amaitutzat jotzen da eta Administrazioaren perituak finkatutako balioa hartzen da aintzat, baldin eta ez bada egiaztatuko balioa (GBE) baino gehiago, ez aitortutako balioa baino gutxiago..
Hirugarren perituak bi hilabeteko epealdia dauka balorazioetako bat berresteko edo beste balorazio bat egiteko.
Hirugarren perituaren balorazioa zergapekoari jakinaraziko zaio.
Balorazio hori balio errealtzat hartuko da eta bera izango da zerga-oinarria, baldin eta ez bada egiaztatuko balioa (GBE) baino gehiago, ez hasieran aitortutako balioa baino gutxiago. Horrela PTKren prozedura amaituko da.
Hirugarren perituaren ordainsariak noren kontura diren erabakitzeko irizpide hauek aplikatu behar dira:
Nola izendatzen da hirugarren peritua eta nolakoak dira beraren ordainsariak?
Hirugarren peritua izendatzeko modua Zergak kudeatzeko araudia ezarri duen 112/2009 Foru Dekretuko 97.3 art. zehaztu da; hona:
Hirugarren peritu batzuk izendatzeko, Ogasun zuzendari orokorrak elkargo, elkarte edo lanbide korporazio ezberdinei –legeak onartzen dituenak– eskatuko die, urrian eta gutxienez 5 urtetik behin, hirugarren peritu gisa jarduteko prest dauden elkargokide edo elkartekideen zerrenda bidal dezatela.
Azaroa amaitu aurretik zerrenda aurkeztuta, zerrenda bakoitzeko elkargokide bat aukeratuko da abenduan zozketa publiko bidez. Hortik aurrera, hurrengo 5 ekitaldietan eta zozketa berri bat egin arte, izendapena hurrenkera korrelatibo bidez egingo da, ondasunen izaera eta baloratu beharreko eskubideak aintzat hartuta.
Ondasunen izaeragatik edo baloratu beharreko eskubideengatik profesionalen elkargo, elkarte edo korporazio gaiturik egongo ez balitz, edo hirugarren peritu modura jarduteko prest dagoen profesionalik egongo ez balitz, kasuan kasuko erregistro ofizialean inskribatutako tasazio sozietatea izendatuko da.
Ordainsariak direla eta, hara zer dioen foru dekretu bereko 97.4 artikuluak:
Zerga Administrazioak ordainsari estandarrak ezarri ahalko ditu Zergei buruzko Foru Arau Orokorreko 128.3 artikuluan aurreikusitakoari jarraiki izendatu behar diren hirugarren perituentzat.
Gaur egun perituen ordainsariak 2372/2009 FORU AGINDUAk finkatzen ditu; agindu horren bidez peritu-tasazio kontrajarrietan esku hartzeko izendatutako gainerako perituen ogibidesariak, haien gainean eratu diren ondasun edo eskubideei dagozkienak, ezarri dira.
Nork ordaindu behar ditu hirugarren perituaren ordainsariak?
Zergadunak aitortutako balioaren eta hirugarren adituaren tasazioaren arteko aldea egiaztatu behar da.
Bost urterik behin, urrian, Zuzendari Nagusiak zerrendak eskatuko dizkie profesionalen elkargoei.
Abenduan, berriz, jendaurreko zozketa bidez, zerrenda bakoitzeko elkargokide bat hautatuko da eta gero korrelaziozko hurrenkeran izendatuko dira hurrengo bost ekitaldietan.
Hirugarren aditurik eskatu behar izatekotan, Eskualdaketen Atalak izendatuko du aditua zerrendako txandari jarraiki. Hala, elkargo egokiarekin harremanetan jarriko da eta ordaindu beharrezko ordainsarien zenbatekoaren berri emango du, zenbateko hori estandarizatuta dago eta.
Adituaren irizpenari jarraiki egindako likidazioak ondoko oinarrietako bat izan behar du:
Adituak izendapena onartu ondoren, subjektu pasiboari jakinaraziko zaio, eta horrek 15 eguneko epea izango du ordainsarien gordailua egiteko (V-41).
Hirugarren adituaren ordainsarien gordailua egin ezean, Administrazioak ezarritako adituaren tasazioa ONARTUKO DA eta ezin izango da kontraesanezko aditu-tasazioa eskatzeko beste prozedura bat hasi.
Ordainsarien zenbatekoa eurotan ezarriko da, honela: 400eko zenbatekoari gehitu beharko zaio baloreak egiaztatzeko prozeduran Zerga Administrazioaren adituak ezarritako balioespena erregistroko finka bakarra osatzen duten ondasun higiezinei edo aurkezpen-espedienteari lotutako ondasun higigarri edo eskubideei dagokienez zati 1.400eko zenbatekoaren emaitza.
Zerga Administrazioaren adituak emandako irizpenarekin bat, balioespena 3.780.000 eurotik gorakoa denean, aurreko paragrafoan aipatutako formularen bidez kalkulatutako ordainsarien zenbatekoari gehitu beharko zaio soberakina bider 0,0002ko zenbatekoaren emaitza. Nolanahi ere, ordainsarien gehieneko muga 4.000 euroko izango da.
Kontraesanezko peritu-tasazioaren amaierak sorrarazten duen likidazioaren aurkako errekurtsoa jar daiteke?
Bai, berraztertzeko errekurtsoa jarri edo erreklamazio ekonomiko administratiboa aurkez daiteke balorazioaren baino gai desberdiña izatekotan.
Adibidez, hartzen da balorazioaren %100 eta %15 baino ez du erosi.
Balioaren egiaztapenaren ondoriozko likidazio osagarriarekin batera berandutze-korrituak aplikatzen dira, hain zuzen ere ordaindu gabeko zatiak autolikidazioa aurkezteko epealdia amaitu denetik likidazio erabakia eman arte sortutakoak (Zergei buruzko 2/2005 Foru Arau Orokorra, 26.5 artikulua).
Balorazioa aurkaratzen bada (peritu-tasazio kontrajarriaren prozedura) edo berraztertzeko errekurtsoa edo administrazioarekiko diru-erreklamazioa aurkezten bada, honela sortuko dira berandutze-korrituak:
korrituak autolikidazioa aurkezteko epealdia amaitzen denetik ezespen erabakia eman arte sortzen dira (Zergei buruzko 2/2005 Foru Arau Orokorra, 26.6 artikulua, hirugarren idatz-zatia).Balorazioa aurkaratzen bada (PTK), egiaztapenaren ondorioz balioa berresteak (hiri-ondasun higiezinen kasuan gutxieneko balio eratxikigarria) ezespena ekarriko du.
Hau da, azken kopurua autolikidazioan ezarritakoaren eta balioaren egiaztapenaren ondoriozko likidazio osagarrian ezarritakoaren bitartean finkatzen bada.
Korrituak autolikidazioa aurkezteko epealdia amaitzen denetik likidazio erabakia (egiaztapenaren ondoriozko likidazio osagarria) eman arte sortzen dira. Balorazioa aurkaratzen bada (PTK), egiaztapenaren ondorioz balioa ez berresteak (hiri-ondasun higiezinen kasuan gutxieneko balio eratxikigarria) baiespen partziala ekarriko du.
Ez da sortzen berandutze-korriturik, autolikidazioa ondo egin dela berretsi da eta.
Diruaren legezko interesa eta berandutze-interesa
Prozedura amaitutakoan aurretik ezer ordaindu den egiaztatu behar da eta zergapekoak zenbat ordaindu behar duen zehaztu:
Ondare-eskualdaketen modalitateari lotutako eragiketa
600 eredua
A, B eta C jaunek ondoko higiezinen heren bana dute:
Jabekidetza zabaltzeko eskritura egin dute eta honako adjudikazio hauek egiten dituzte industri pabilioiaren izaera banaezina argudiatuz:
Erkidego hau ez da enpresakoa eta jabekidetzaren iraungipena dokumentatutako egintza juridikoen arian ariko kuotari lotuta dago, 3/1989 FAren 29.2. artikuluak ezarritako beharkizunak bete behar direla eta (FA berriaren 44. artikulua); gauzak horrela, Ak, Bk eta Ck beharrezko autolikidazioa bete behar izango dute (600. eredua), egintza juridiko dokumentatuen (EJD) modalitatean, honako autolikidazio hauek eginez:
Gainera, Ak 400.000 euroko adjudikazio gaindikina dauka erkidegoan duen kuotaren aldean; hala eta guztiz ere, gaindikin hori ez dago lotuta eta, horregatik, ez du autolikidaziorik aurkeztu behar izango kontzeptu hori dela eta.
Suposa dezagun orain Ak Zamudioko industri pabilioia ez ezik Santurtziko orubea ere hartzen duela, Ari eta Bri beharrezko konpentsazioak ordainduz. Lehen bezala, bada, Ak eta Bk EJDri dagokion autolikidazioa egin beharko dute (600. eredua); bakoitzak berea:
Gainera, Ak KBOEren modalitateari dagokion autolikidazioa aurkeztu behar izango du, adjudikazio gaindikina dela eta.
Zein izango da gaindikin horren zerga oinarria? Gaindikin horren kopurua 600.000 eurokoa da, erkidegoan zeukan partaidetza kuota 400.000 eurokoa baitzen; hala eta guztiz ere, zerga oinarria Santurtziko orubeari dagozkion 200.000 eurokoa izango da, Zamudioko pabilioiari aplikatu behar baitzaio ez dagoela lotuta KZren 1062. artikuluaren zatigabeziagatik.
Irabazpidezko elkartearen likidaziotik eratorritako adjudikazio gaindikinak.
OEZ eta EJDei buruzko 3/1989 Foru Arauaren 43.I.B.3. artikuluak (FA berriaren 58.3. artikulua) ezartzen du ezkontideek ezkontza elkarteari egindako ondasun ekarpen eta eskubideak salbuetsita egongo direla, bai eta elkartea desegitean egiaztatzen diren adjudikazioak eta arrazoi horregatik ezkontideei egindako eskualdaketak ere.
Salbuespen hori zabaltzen da ezkontza desegitearen edo araubide ekonomikoa aldatzearen ondare eragina diren ondasun adjudikazioetatik eratorritako adjudikazio gaindikinetara, baldin eta ezkontide bati ezkontza elkartearen ondasunak adjudikatu behar bazaizkio. Aurreko paragrafoek aipatzen dituzten kasutan berdin jokatuko da egitatezko bikoteak arautzen dituen maiatzaren 7ko 2/2003 Legeak ezarritakoarekin bat eratutako egitatezko bikoteetako kideak egindako ekarpen, adjudikazio eta eskualdaketei dagokienez.
Eman dezagun Ak eta Bk osatutako ezkontzari irabazpidez dagozkiola honako 4 ondasun higiezin:
Likidazioan Ak bere buruari adjudikatzen dio Bilboko etxebizitza 600.000 euroren truke eta Bk gainerako ondasunak hartzen ditu 400.000 euroko balioaren truke. Gauzak horrela, ezkontza elkartearen likidazioan egindako adjudikazioengatik 600. eredua salbuetsi modura aurkeztu behar izango dute 43.I.B.3. artikulua dela bide. Aren gainerako adjudikazio gaindikinari dagokionez, ez da lotuta geratuko KZren 1062. artikulua aplikatu behar delako.
Ak eta Bk osatutako ezkontzak eskritura publikoa egin du ezkontza hori desegiteko; era berean, ondasunen erabateko banaketa araubidea ezarri dute, ezkontzaren aurreko araubide ekonomikoa likidatuz.
Irabazpidezko honako ondasun hauek dituzte:
Hipoteka mailegua, 200.000,00
Irabazpidezko ondare garbia 128.000,00 eurokoa da; hori dela eta, ezkontide bakoitzari 64.0000 euro dagozkio. Gauzak horrela, Ak aktiboaren eta pasiboaren %100rekin geratu da eta Bri 64.000,00 euro eman dizkio eskudirutan konpentsazio gisa.
Ak zergaren EJDen modalitateagatiko autolikidazio salbuetsia (arian ariko kuota) aurkeztu du, baina zergak ordaindu beharko lituzke KBOEko kuota dela eta?
Ikusi beharra dago zein ondasunen gainean ezar dezakegun gaindikina:
Eskerrik asko zure balorazioa partekatzeagatik, honek zure esperientzia hobetzen laguntzen digu.
Maiz egiten diren galderak
Laguntza gehiago behar duzu?
