PFEZren aldaketak 2025eko ekitaldian Aurreko araudiarekiko alderaketa

83 bis artikulua 13/2013 Errentaren FA. Kenkaria adingabeak eta mendekotasun- edo desgaitasun-gradu jakin bat duten pertsonak zaintzeagatik.

Artikulua gehitzen da 2/2025 FAren arabera

2025eko urtarrilaren 1etik aurrerako ondorioekin

1. Pertsona jakin batzuk zaintzeko Gizarte Segurantzako Erregimen Orokorreko Etxeko Langileen Sistema Berezian afiliatutako langileak mugagabe kontratatzeagatik zenbatekoak ordaintzen dituzten zergadunek 250 euroko kenkaria aplikatu ahal izango dute zergaldi bakoitzeko.
Bi zergadunek edo gehiagok kenkari hori aplikatzeko eskubidea badute, zenbatekoa zati berdinetan hainbanatuko da.
2. Kenkaria aplikatu ahal izango da honako inguruabar hauetakoren bat gertatzen denean:
a) Zergaduna 12 urtetik beherako pertsona batekin edo batzuekin bizi bada, direla haren ondorengoak, adoptatuak, harreran hartutakoak edo tutoretzapean hartutakoak, eta foru-arau honen 79. artikuluan ezarritako kenkaria aplikatzeko eskubidea ematen duten bizikidetza- eta errenta-arloetako baldintzak betetzen badituzte.
b) Zergaduna pertsona hauetako batekin edo batzuekin bizitzea: ondorengoak, adoptatuak, harreran edo turoretzapean hartutakoak eta aurreko ahaideak, zuzeneko lerrokoak, odol-ahaidetasun edo ezkontza-ahaidetasun edo adopzio bidezkoak, bigarren gradura artekoak, betiere pertsona horiek %65eko edo hortik gorako desgaitasun-gradua badute, edo mendekotasun-egoera aitortua badute edozein gradutan, Autonomia pertsonala sustatzeari eta mendekotasun-egoeran dauden pertsonak zaintzeari buruzko abenduaren 14ko 39/2006 Legeak ezarritako mendekotasun-egoera baloratzeko baremoa onartzen duen otsailaren 11ko 174/2011 Errege Dekretuan ezarritakoari jarraikiz, eta foru-arau honen 79. eta 81. artikuluetan ezarrita dauden ondorengoengatiko edo aurreko ahaideengatiko kenkaria aplikatzeko eskubidea ematen duten bizikidetza- eta errenta-arloetako baldintzak betetzen badituzte.
c) Zergadunak edo haren ezkontideak edo izatezko bikotekideak aurreko b) letran aipatutako mendekotasun- edo desgaitasun-graduren bat aitortua izatea.
3. Artikulu honetan arautzen den kenkaria aplikatzeko, honako baldintza hauek bete behar dira:
a) Kontratazioa dela-eta zenbatekoak ordaintzen dituzten zergadunetako bat Gizarte Segurantzan alta emanda egotea familia-etxe baten titularra den enplegatzaile gisa, eta pertsona bati edo batzuei kontratu mugagabea egitea eta pertsona horiek direla-eta Gizarte Segurantzako Araubide Orokorreko Etxeko Langileen Sistema Berezian kotizatzea kenkaria aplikatu nahi den aldian.
Ondorio horietarako, aurreko baldintza betetzat joko da kontratazioa etxean laguntza eta zaintza pertsonaleko zerbitzuak ematen dituzten enpresen bitartez formalizatzen bada.
Kontratazioa egiten den edo lan-harremana amaitzen den zergaldian, kontratuaren gutxieneko iraupena 183 egun izango da.
b) Zergadunek eta, hala badagokio, haien ezkontideek edo izatezko bikoteek beren konturako edo besteren konturako jarduerak egin behar dituzte, zeinengatik ekitaldian lanaren edo jarduera ekonomikoen ziozko etekinak jasotzen baitituzte, salbu eta foru-arau honen 82. artikuluan ezarritako kenkaria aplikatzeko eskubidea ematen duen desgaitasun- edo mendekotasun-graduren bat aitortua badute.
4. Aurreko 1. apartatuan ezarritako kenkariaren zenbatekoa 500 euro izango da zergaldi bakoitzeko, zaintzailea aurreko 2. apartatuko b) eta c) letretan aipatzen diren pertsonak zaintzeko profesionala bada, erregelamendu bidez ezartzen diren baldintzetan

83 quater artikulua 13/2013 Errentaren FA. Kenkaria adingabeko ondorengoak edo adoptatuak zaintzeagatik lan-, enpresa- edo lanbide-jarduera gelditu edo utzi ondoren lan-merkatura itzultzeagatik.

Artikulua gehitzen da 2/2025 FAren arabera

2025eko urtarrilaren 1etik aurrerako ondorioekin

1. Gizonezko zergadunek, lau urtetik beherako adingabeko ondorengoak edo adoptatuak zaintzeagatik lan-, enpresa- edo lanbide-jarduera gelditu edo utzi ondoren lan-merkatura itzultzen diren ekitaldian, 200 eurorainoko kenkaria aplikatu ahal izango dute jaiotzagatiko edo adingabeak zaintzeagatiko baimen ordainduak eta legez aitortuak amaitzen direnetik lanera itzuli arte igarotzen den jardueraren geldiarazte- edo uzte-urte bakoitzeko, artikulu honetan aurreikusitako baldintzetan.
Era berean, kenkari hori aplikatu ahal izango da zergadunak bere lan-jardueran jarraitu badu, baldin eta aurreko paragrafoan aipatutako pertsonaren bat zaintzeagatiko lanaldi murriztuko modalitate bati heldu badio eta gehienez ere bere lanpostuko lanaldi osoari dagokion denboraren ehuneko 67 lan egin badu, betiere lanaldi osoa 
legez ezarritako lanaldiaren %50 baino txikiagoa ez bada. Kasu horietan, apartatu honen lehen paragrafoan aurreikusitako kenkaria hainbanatu egingo da aplikatzen den lanaldi-murrizketaren ehunekoaren arabera.
Kenkaria ehuneko 50 areagotuko da erditze edo adopzio anizkoitzen kasuan.
Kenkari hori aplikatzeko eskubidea bi gizonena bada, kenkariaren zenbatekoa zati berdinetan hainbanatuko da.
2. Kenkaria aplikatzeko, beharrezkoa izango da Gizarte Segurantzan alta emanda egotea, besteren konturako edo norberaren konturako langile gisa, kooperatibako bazkide langile gisa edo funtzionario gisa, gutxienez 9 hilabetez, jaiotza-dataren edo adopzioa formalizatu aurreko 18 hilabeteen barruan.
3. Jarduera gelditzeak edo uzteak edo lanaldi-murrizketak urte-zati bat bakarrik iraun badu, kenkariaren zenbatekoa proportzionala izango da urte-zati horrek urte osoaren gainean duen egun-kopuruaren arabera.
4. Artikulu honetan aurreikusitako kenkaria eta 83 bis artikuluan aurreikusitako kenkariak ezin dira batera aplikatu, baldin eta adingabe bera zaintzen bada, bat datozen egunetan.
5. Artikulu honen ondorioetarako, ondorengoen parekotzat joko dira adopzioa egiteko tutoretzaren, familia-harrera iraunkorraren edo zaintzaren bidez zergadunari lotutako pertsonak, baldin eta adingabeen babesaren arloko eskumena duen entitate publikoaren aurrean formalizatu bada tutoretza, harrera edo zaintza.
 

47/2014 FD. 66. ter artikulua Adingabeak zaindu ondoren lan-merkatura itzultzea

66. ter artikulua sartu da 133/2025 Foru Dekretuagatik, 2025-01-04tik aurrerako ondorioekin

1. Kenkaria aplikatze aldera 83 ter artikuluko 2. apartatuaren bigarren paragrafoan xedatutakoa bete egiten dela egiaztatzeko, beharrezkoa izango da Lanbide-Euskal Enplegu Zerbitzuan edo beste enplegu-zerbitzu publiko batzuetan enplegu- eta zerbitzu-eskatzaile gisa izena emanda egotearen ziurtagiria aurkeztea, lan-merkatura itzuli ondoren eta Enpleguari buruzko otsailaren 28ko 3/2023 Legean aurreikusitako jarduera-akordioa formalizatu ondoren.
2. Lan-merkatura itzultzeko baldintza ez betetzat joko da baldin eta, Lanbide-Euskal Enplegu Zerbitzuan edo beste enplegu-zerbitzu publiko batzuetan erregistratu ondoren, enplegu-zerbitzu publikoak edo erakunde laguntzaile batek egindako enplegu-eskaintza bati uko egiten bazaio, non eta ez den gertatzen Inklusiorako eta Diru-sarrerak Bermatzeko Euskal Sistemaren abenduaren 22ko 14/2022 Legearen 48. artikuluko 2. apartatuan aurreikusitako inguruabarretakoren bat.
Lan-merkatura itzultzeko baldintza betetzen ez bada, ordaindu egin beharko da behar ez bezala aplikatutako kenkarien zenbatekoa, hari dagozkion berandutze-interesekin batera. Zenbat ordainduko den kalkulatzeko, aplikatutako kenkarien zenbatekoa batuko zaio ez-betetzea gertatzen den zergaldiko kuota diferentzialari.

47/2014 FD. 66. bis artikulua Zaintzailea pertsonak zaintzeko profesionala dela egiaztatzea

Artikulu bat gehitzen da, 66 bis artikulua 133/2025 FDaren bidez eta 2025-01-01etik aurrerako ondorioekin
1. Zergari buruzko foru-arauaren 83 bis artikuluaren 4. apartatuan xedatutakoaren ondorioetarako, titulu edo ziurtagiri hauetakoren baten bidez euren gaitasunak egiaztatzen dituzten pertsonak joko dira artikulu horretan aurreikusitako mendekotasun- edo desgaitasun-graduetakoren bat aitortua duten pertsonak zaintzeko profesionaltzat:

a) Erizaintzako zaintza osagarrien teknikariaren titulua (apirilaren 7ko 546/1995 Errege Dekretuan arautua); haren baliokide diren klinikako teknikari laguntzailearen, psikiatriako teknikari laguntzailearen eta erizaintzako teknikari laguntzailearen tituluak (apirilaren 30eko 777/1998 Errege Dekretuan ezarriak), edo, hala badagokio, ondorio profesional berak dituen antzeko beste edozein titulu.

b) Mendekotasun-egoeran dauden pertsonei arreta emateko teknikariaren titulua (azaroaren 4ko 1593/2011 Errege Dekretuan arautua); haren baliokide den arreta soziosanitarioko teknikariaren titulua (maiatzaren 2ko 496/2003 Errege Dekretuak ezarria), edo, hala badagokio, ondorio profesional berak dituen antzeko beste edozein titulu.

c) Goi-mailako gizarteratze-teknikariaren titulua (uztailaren 13ko 1074/2012 Errege Dekretuan arautua); haren baliokide den goi-mailako gizarteratze-teknikariaren titulua (abenduaren 22ko 2061/1995 Errege Dekretuak ezarria), data hartan laguntzaile pertsonalen edo etxez etxeko laguntzaileen lanbide-kategorietan funtzio horiek egiten zituzten profesionalentzat.

d) Aurreko letretan aipatutakoak baino goragoko titulazioak, Osasun Zientzien, Hezkuntza Zientzien eta Gizarte Zientzien adarretakoak.

e) Mendeko pertsonei gizarte-erakundeetan arreta soziosanitarioa emateko profesionaltasun-ziurtagiria (abuztuaren 1eko 1379/2008 Errege Dekretuan arautua), edo, hala badagokio, ondorio profesional berak dituen antzeko beste edozein titulu.

f) Pertsonei etxean arreta soziosanitarioa emateko profesionaltasun-ziurtagiria (abuztuaren 1eko 1379/2008 Errege Dekretuak arautua); haren baliokide den etxez etxeko laguntzako laguntzaile zeregina betetzeko profesionaltasun-ziurtagiria (martxoaren 7ko 331/1997 Errege Dekretuak arautua), edo, hala badagokio, ondorio profesional berak dituen antzeko beste edozein titulu.

g) Ondorio profesional berekin argitaratzen den beste edozein ziurtagiri.

2. Hala ere, eskatutako titulazioa izan ezean, Eusko Jaurlaritzako edo beste autonomia-erkidego batzuetako enplegu eta gizarte-politiketako sailak emandako ziurtagirietakoren bat aurkeztu beharko da.

47/2014 FD 66. artikulua Desgaitasunaren edo mendekotasunaren gradua frogatzea

Aldatu egiten da 66. artikulua 133/2025 FDren bidez

Art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
66	1. Zergari buruzko foru-arauaren 23., 82.,83 bis, 86., 87. eta 87 bis artikuluetan aipatutako desgaitasuna Zerga Administrazioari frogatzeko Zuzenbidean onartutako frogabideak erabil daitezke. Hala ere, ondoko kasuetan pertsonaren legezko desgaitasuna frogatutzat joko da: a) Foru Aldundiko organo eskudunak, Adinekoen eta Gizarte Zerbitzuen Institutu Nazionalak edo kasuan kasuko autonomia erkidegoko organoak ziurtatzen duenean. Hori dela eta, ez da beharrezkoa ziurtagiriak horretarako berariaz eginak izatea; aitzitik, aipatutako organoek egindako beste edozein agirik ere balio du, baldin eta bertan argi eta garbi zehazten bada zenbatekoa den desgaitasunaren gradua eta nolako lotura duen zergari buruzko foru-arauaren 23., 82., 83 bis, 86., 87. eta 87 bis artikuluetan, hurrenez hurren, aipatutako baremoekin. b) Baldin eta Gizarte Segurantzak edo Klase Pasiboen Araubide Bereziak aitortutako prestazioa jasotzen bada ezintasun iraunkorragatik, hura aitortzeko zergari buruzko foru-arauaren 23., 82., 83 bis, 86., 87. eta 87 bis artikuluetan ezarritako desgaitasun-gradua eskatuz gero. Hain zuzen ere, honako hauei 100eko 33ko desgaitasuna edo handiagoa frogatutzat emango zaie: ezintasun iraunkor osoaren, erabateko ezintasun iraunkorraren edo baliaezintasun handiaren ziozko pentsioa aintzat etsita daukaten Gizarte Segurantzako pentsiodunak; zerbitzurako ezintasun iraunkorragatik edo baliaezintasunagatik erretiro pentsioa aintzat etsita daukaten klase pasiboetako pentsiodunak. Nolanahi ere, epaile batek pertsona bati ordezkapen-ahalmenak dituen kuradoretza ezartzen badio, zerga honi buruzko araudian 100eko 65eko desgaitasuna edo handiagoa daukaten pertsonez ezarritako xedapen bereziak aplikatuko dira. 2. Zergari buruzko foru-arauaren 82., 83 bis, 86., 87. eta 87 bis artikuluetan aipatzen den mendekotasuna onartuko zaie 2011ko otsailaren 11ko 174/2011 Errege Dekretuan ezarritakoaren arabera desgaitasuna aitortuta duten pertsonei (dekretu horren bidez, Autonomia pertsonala sustatzeari eta mendekotasun-egoeran dauden pertsonak zaintzeari buruzko 2006ko abenduaren 14ko 39/2006 Legeak mendekotasuna balioztatzeko ezarritako baremoa onetsi da). Mendekotasuna eta beraren gradua frogatzeko Bizkaiko Foru Aldundiko organo eskudunaren, Adinduen eta Gizarte Zerbitzuen Institutuaren edo autonomia-erkidego bakoitzean dagokion organoaren ziurtagiria aurkeztu behar da. Hori dela eta, ez da beharrezkoa ziurtagiriak horretarako berariaz eginak izatea; aitzitik, aipatutako organoek egindako beste edozein agirik ere balio du, baldin eta bertan argi eta garbi zehazten bada zein den desgaitasunaren gradua eta nolako lotura duen artikulu honetako 1. apartatuan aipatutako baremoekin. 3. Zergari buruzko foru-arauaren 23. artikuluko 3. apartatuan eta 82., 83 bis, 86., 87. eta 87 bis artikuluetan aipatzen diren kenkariak edo hobariak apli-katzeko ezinbestekoa da frogatzea Zergaren saltzapenaren egunean desgaitasuna edo mendekotasuna dakarten inguruabarrak gertatzen direla. Hala ere, desgaitasunak edo mendekotasunak berariaz adierazita badauka iraunkorra dela, edo Zergaren sortzapen-eguna beraren kalifikazioa baliozkoa den aldian barruan badago, ez da beharrezkoa izango desgaitasuna edo mendekotasuna frogatzen duen agiriaren erreferentzia sortzapen-eguna izatea.	1. Zergari buruzko Foru Arauko 23. eta 82. artikuluetan aipatutako desgaitasuna Zerga Administrazioari frogatzeko Zuzenbidean onartutako frogabideak erabil daitezke. Hala ere, ondoko kasuetan pertsonaren legezko desgaitasuna frogatutzat joko da: a) Foru Aldundiko organo eskudunak, Adinekoen eta Gizarte Zerbitzuen Institutu Nazionalak edo kasuan kasuko autonomia erkidegoko organoak ziurtatzen duenean. Hori dela eta, ez da beharrezkoa ziurtagiriak horretarako berariaz eginak izatea; aitzitik, aipatutako organoek egindako beste edozein agirik ere balio du, baldin eta bertan argi eta garbi zehazten bada zenbatekoa den desgaitasunaren gradua eta nolako lotura duen Zergari buruzko Foru Arauko 23. eta 84. artikuluetan, hurrenez hurren, aipatutako baremoekin. b) Baldin eta Gizarte Segurantzak edo Klase Pasiboen Araubide Bereziak aitortutako prestazioa jasotzen bada ezintasun iraunkorragatik, hura aitortzeko Zergaren Foru Arauaren 23. eta 82. artikuluetan ezarritako desgaitasun-gradua eskatuz gero. Hain zuzen ere, honako hauei 100eko 33ko desgaitasuna edo handiagoa frogatutzat emango zaie: ezintasun iraunkor osoaren, erabateko ezintasun iraunkorraren edo baliaezintasun handiaren ziozko pentsioa aintzatetsita daukaten Gizarte Segurantzako pentsiodunak; zerbitzurako ezintasun iraunkorragatik edo baliaezintasunagatik erretiro pentsioa aintzatetsita daukaten klase pasiboetako pentsiodunak. Nolanahi ere, epaile batek pertsona bati ordezkapen-ahalmenak dituen kuradoretza ezartzen badio, zerga honi buruzko araudian 100eko 65eko desgaitasuna edo handiagoa daukaten pertsonez ezarritako xedapen bereziak aplikatuko dira. 2. Zergari buruzko Foru Arauko 82. artikuluan aipatzen den mendekotasuna onartuko zaie 2011ko otsailaren 11ko 147/2011 Errege Dekretuan ezarritakoaren arabera desgaitasuna aitortuta duten pertsonei (dekretu horren bidez, Autonomia pertsonala sustatzeari eta mendetasun-egoeran dauden pertsonak zaintzeari buruzko 2006ko abenduaren 14ko 39/2006 Legeak mendekotasuna balioztatzeko ezarritako baremoa onetsi da). Mendekotasuna eta beraren gradua frogatzeko Bizkaiko Foru Aldundiko organo eskudunaren, Adinduen eta Gizarte Zerbitzuen Institutuaren edo autonomia-erkidego bakoitzean dagokion organoaren ziurtagiria aurkeztu behar da. Hori dela eta, ez da beharrezkoa ziurtagiriak horretarako berariaz eginak izatea; aitzitik, aipatutako organoek egindako beste edozein agirik ere balio du, baldin eta bertan argi eta garbi zehazten bada zein den desgaitasunaren gradua eta nolako lotura duen artikulu honetako 1. zenbakian aipatutako baremoekin. 3. Zergari buruzko Foru Arauko 23. artikuluko 3. idatz-zatian eta 82. artikuluan aipatzen diren kenkariak edo hobariak aplikatzeko ezinbestekoa da frogatzea Zergaren sortzapenaren egunean desgaitasuna edo mendekotasuna dakarten inguruabarrak gertatzen direla. Hala ere, desgaitasunak edo mendekotasunak berariaz adierazita badauka iraunkorra dela, edo Zergaren sortzapen-eguna beraren kalifikazioa baliozkoa den aldian barruan badago, ez da beharrezkoa izango desgaitasuna edo mendekotasuna frogatzen duen agiriaren erreferentzia sortzapen-eguna izatea.

83 quinquies artikulua 13/2013 Errentaren FA. Alarguntasunagatiko kenkaria.

Artikulua gehitzen da 2/2025 FAren arabera

2025eko urtarrilaren 1etik aurrerako ondorioekin

1. Zergadun alargun bakoitzari 200 euroko kenkaria aplikatuko zaio.
Kenkari hori aplikatzeko, zergadunak 20.000 euroko edo gutxiagoko zerga-oinarria izan behar du.
2. 20.000 eurotik gorako eta 30.000 eurotik beherako zerga-oinarria duten zergadunek 200 euroko kenkaria aplikatuko dute, honako hau kenduta: zerga-oinarriari 20.000 euro gutxitu eta ateratzen den zenbatekoa 0,0200ez biderkatuta lortzen den zenbatekoa.
3. Artikulu honen ondorioetarako, zerga-oinarritzat hartuko da foru arau honen 65. eta 66. artikuluetan aurreikusitako zerga-oinarri orokorrak eta aurrezkikoak batzearen emaitza. Zerga-oinarri orokorrak saldo negatiboa badu, zerotzat hartuko da aipatutako batuketaren ondorioetarako.
4. Kenkari hori bateraezina da foru arau honen 83. artikuluan aurreikusitako kenkariarekin.

83 ter artikulua 13/2013 Errentaren FA. Kenkaria adingabeak zaindu ondoren lan-merkatura itzultzeagatik

Artikulua gehitzen da 2/2025 FAren arabera

2025eko urtarrilaren 1etik aurrerako ondorioekin

1. Emakume zergadunek, adingabeko ondorengoak edo adoptatuak zaintzeagatik lan-, enpresa- edo lanbide-jarduera gelditu edo utzi ondoren, lan-merkatura itzultzen diren ekitaldian, 1.500 euroko kenkaria aplikatu ahal izango dute jaiotzagatiko edo adingabeak zaintzeagatiko baimen ordainduak eta legez aitortuak amaitzen direnetik 
lanera itzuli arte igarotzen den jardueraren geldiarazte- edo uzte-urte bakoitzeko.
Erditze edo adopzio anizkoitzen kasuan, kenkari hori 100eko 50 gehituko da.
2. Kenkaria aplikatzeko, honako baldintza hauek bete beharko dira:
a) Gizarte Segurantzan alta emanda egon izana, besteren konturako edo norberaren konturako langile gisa, kooperatibako bazkide langile gisa edo funtzionario gisa, gutxienez 9 hilabetez, jaiotzaren edo adopzioa formalizatu aurreko 18 hilabeteetan.
b) Jaiotzagatiko edo adingabeak zaintzeagatiko baimen ordainduak eta legez aitortuak amaitu ondorengo 12 hilabeteetan gutxienez jarduera ordaindurik ez egitea.
c) Lan-merkatura itzuli izana aurreko b) letran ezarritako 12 hilabeteko gutxieneko epea amaitzen denetik kenkaria aplikatzeko eskubidea sortzen duen adingabeak hiru urte betetzen dituen egunaren ondorengo 12 hilabeteetara bitarteko aldian.
Ondorio horietarako, Lanbide-Euskal Enplegu Zerbitzuan edo beste enplegu-zerbitzu publiko batzuetan enplegu- eta zerbitzu-eskatzaile gisa izena emanda dauden pertsonak ere lan-merkatura itzuli direla joko da, erregelamenduz ezartzen diren baldintzetan.
3. Orobat, aurreko apartatuko b) letran aipatzen den betekizuna betetzat joko da, zergadunak bere lan-jarduerarekin jarraitu badu letra horretan aipatzen den aldian, baina aldi horretan lanaldi murriztuko modalitate bati heldu badio eta gehienez ere bere lanpostuko lanaldi osoari dagokion denboraren ehuneko 67 lan egin badu.
Apartatu honetan adierazitako egoera gertatzen denean, zergaduna bere lanpostuko lanaldi osoari dagokion denboraren ehuneko 85 gutxienez egiten hasten denean ulertuko da zergaduna lan-merkatura itzuli dela, aurreko apartatuko c) letran aipatzen den moduan.
Halako kasuetan, artikulu honen 1. apartatuan ezarritako kenkaria hainbanatu egingo da aplikatzen den lanaldi-murrizketaren ehunekoaren arabera.
4. Jarduera gelditzea edo uztea urte-zati batean luzatu bada, kenkariaren zenbatekoa proportzionala izango da urte-zati horrek urte osoaren gainean duen egun-kopuruarekiko.
Guraso edo adoptatzaile bat baino gehiago bizi badira kenkaria aplikatzeko eskubidea sortzen duen adingabearekin, kenkaria erdibana zatituko da haietako bakoitzaren aitorpenean.
5. Lan-merkatura itzuli den zergaldian kuota osoa nahikoa ez izateagatik kendu ez diren zenbatekoak hurrengo bost zergaldietako aitorpenetan aplikatu ahal izango dira.
6. Artikulu honen ondorioetarako, ondorengoen parekotzat joko dira adopzioa egiteko tutoretzaren, familia-harrera iraunkorraren edo zaintzaren bidez zergadunari lotutako pertsonak, baldin eta adingabeen babesaren arloan eskumena duen entitate publikoaren aurrean formalizatu bada tutoretza, harrera edo zaintza.
 

80. artikulua 13/2013 Errentaren FA. Kenkaria ondorengoen mantenurako urtekoak ordaintzeagatik.

Berridatzi egiten da artikulua 2/2025 FAren arabera

80. Art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
	Epaileen erabakiz bigarren gradura arteko ondorengoen mantenurako urtekoak modu esklusiboan ordaintzen dituzten zergadunek kontzeptu horregatik ordaindutako kopuruen ehuneko 15eko kenkaria egiteko eskubidea dute. Ondorengo bakoitzeko muga hau aplikatuko da: aurreko artikuluaren 1. apartatuan ondorengo bakoitzarentzat ezartzen den kenkariaren ehuneko 30.	1. Epaileen erabakiz seme-alaben mantenurako urtekoa ordaintzen duten zergadunek kontzeptu horregatik ordaindutako kopuruen ehuneko 15eko kenkaria egiteko eskubidea dute. Seme-alaba bakoitzeko muga hau da: aurreko artikuluaren 1. zenbakian ondorengo bakoitzarentzat ezartzen den kenkariaren ehuneko 30.  2. Aurreko apartatuan aurreikusitakoa gorabehera, epaileen erabakiz seme- alaben gaineko zaintza eta babes partekatua adostu bada eta bi gurasoek egin behar badituzte ekarpenak beren seme-alaba komunen mantenurako urtekoan, zergaldian zehar zenbatekorik handiena ordaintzen duen gurasoak bakarrik aplikatuko du kenkaria, eta kenkariaren oinarria izango da hark egiten duen ekarpenaren zenbatekoari beste gurasoak egiten duen ekarpenaren zenbatekoa kentzetik ateratzen dena.  Zergaldian zehar bi gurasoek zenbateko bera ordaintzen badute urteko moduan, kenkaria ez da aplikatuko.

47/2014 FORU DEKRETUA. 68. Artikulua. Ohiko etxebizitza eskuratzea

Ezabatu egiten da 47/2014 PFEZ Erregelamenduaren 2. atala, eta idazketa berria ematen zaio 2. atal berriari, 116/2025 DFaren bidez.

68. Art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
2.	Baldin eta zergadunari egotzi ezin zaizkion salbuespenezko ingurua barrak direla-eta obrak ezin badira amaitu artikulu honen 1. apartatuko b) letran aipatzen den sei urteko epea igaro baino lehen, epe hori beste sei urtez luzatuko da. Kasu horietan hamabi hileko epealdia, aurreko artikuluko 2. paragrafoko lehenengo paragrafoan aipatzen dena, etxebizitza ematen den egunetik aurrera hasiko da zenbatzen. Hasierako epea bete ez den zergaldiko aitorpenarekin batera, zergadunak aurkeztu beharko ditu, bai etxebizitzan egin dituen inbertsioak egiaztatzen dituzten frogagiriak, bai jazotako inguruabarren frogagiriak (aipatutako gertaera horietakoren bat jazo balitz). Lehenengo paragrafoan ezarritako epearen luzapena behin-behinean onetsiko da, eta luzapena onartzeko eskatzen diren baldintzak bete beharko dira. Betekizun horiek Zerga-administrazioak egiaztatuko ditu. Apartatu honetan aipatzen diren kasuetan, zergadunak ez du inolako diru-sarrerarik egin beharko eraikuntza-obrak amaitzeko sei urteko epe orokorra ez betetzeagatik, salbu eta aurreko paragrafoan ezarritako egiaztapen administratibotik ondorioztatzen bada ez direla betetzen epe hori luzatzeko aipatutako betekizunak.	2. Epaileak onartutako konkurtsoaren ondorioz sustatzaileak ez baditu eraikuntza obrak lau urteko epealdian amaitzen (artikulu honetako 1. idatz-zatiko b) letra), edo ezin baditu etxebizitzak epealdi horretan eman, epealdia beste lau urte luzatuko da. Kasu horietan hamabi hileko epealdia, aurreko artikuluko 2. paragrafoko lehenengo paragrafoan aipatzen dena, etxebizitza ematen den egunetik aurrera hasiko da zenbatzen. Paragrafo honetan ezartzen den epealdia luzatzeak ondoreak sortu ditzan ezinbestekoa da zergadunak zergaldiko autolikidazioari, hau da, hasierako epealdia bete ez den zergaldikoari, etxebizitzan egindako inbertsioen frogagiriak eranstea, edo egoera horietarik bat gertatu dela frogatzen duen agiria. Idatz-zati honetako kasuetan zergadunak ez dauka dirurik sartu beharrik eraikuntza-obrak amaitzeko lau urteko epealdi orokorra ez betetzeagatik. 3. Zergadunari leporatu ezin zaizkion aparteko inguruabarrengatik obrak bertan behera utzi behar badira eta ondorioz ezin badira amaitu artikulu honetako 1. idatz-zatiko b) letran aipatzen den lau urteko epealdian, zergadunak epealdia luzatzeko eskatu ahal izango dio Zerga Administrazioari lau urteko epealdia amaitu ondoko hilean. Eskaeran epealdia zergatik ez den bete azaldu behar da, eta eraikuntza-obrak amaitzeko zenbat denbora beharko den zehaztu behar da (ezin da izan lau urte baino luzeagoa). Aurreko paragrafoan adierazitakoari dagokionez, zergadunak frogagiri egokia aurkeztu beharko du. Aurkeztutako agiriak ikusita, Zerga Administrazioak erabakiko du eskatu den luzapen hori bidezkoa denez, bai eta epealdia zenbat luzatuko den ere (luzapenak ez dauka nahitaez zergadunak eskatutakoa izan behar). Epealdiak luzatzeko eskaerak berariaz ebazten ez badira hiru hileko epealdian, ezetsitzat hartu behar dira. Luzapena ematen bada, obrak bertan behera geratu eta hurrengo egunetik aurrera hasiko da zenbatzen.

87 bis artikulua 13/2013 Errentaren FA. Kenkaria babestutako birgaitzeagatik.

2/2025 Foru Arauak artikulu berri hau sartu zuen eta 5/2025 Foru Arauak azken paragrafoa gehitu zuen, 2025eko urtarrilaren 1etik aurrerako ondorioekin

Kapital higiezinaren etekin garbia foru-arau honen 32. artikuluko 2., 3.,4. eta 5. apartatuetan xedatutakoaren arabera zehazten duten zergadunek errentamendurako den etxebizitza birgaitzeko ordaindutako kopuruen 100eko 18ko kenkaria aplikatu ahal izango dute, urteko 3.000 euroko mugarekin.
Ondorio horietarako, birgaitzetzat hartuko dira jabeak errentan emandako etxebizitzan egindako obrak, baldin eta ebazpen batek jarduketa babestu gisa kalifikatu edo deklaratu baditu obra horiek, Eusko Jaurlaritzaren 2002ko abenduaren 30eko 317/2002 Dekretuan xedatutakoaren arabera (dekretu hori ondare urbanizatu eta 
eraikia birgaitzeko jarduketa babestuei buruzkoa da, edo babesteko moduko jarduketa gisa kalifikatu badira abenduaren 12ko 2066/2008 Errege Dekretuak edo hura ordezkatzen duten antzeko arauek xedatutakoaren arabera.
Orobat, birgaitzetzat hartuko da ohiko etxebizitzan egokitzapenerako egiten diren obra eta instalazioak, bai eta eraikinaren elementu erkideak aldatzeko egiten direnak ere, baldin eta nahitaezko pasabide badira hiri-lurreko finkaren eta bide publikoaren artean, hala nola eskailerak, igogailuak, pasabideak, atariak edo arkitekturako beste 
edozein osagai; eta desgaitasuna edo mendekotasuna duten pertsonen zentzumenezko komunikaziorako edo haien segurtasunaren sustapenerako oztopoak gainditzeko gailu elektronikoak ezartzeko beharrezko direnak, erregelamenduz ezarritako baldintzetan.
Artikulu honetan aurreikusitako kenkariaren ondorioetarako, aurreko lerrokadetan aipatutako zenbatekoei zergadunak etxebizitza birgaitzeko jaso dituen dirulaguntzen zenbatekoa kenduko zaie, hala badagokio, zerga hau arautzen duen araudia aplikatuz salbuesten badira.

47/2014 FD. 68. bis artikulua Kenkaria babestutako birgaitzeagatik

68. bis artikulua gehitzen da, 133/2025 FDaren bidez 2025-01-01etik aurrerako ondorioekin
Zergari buruzko foru-arauaren 87 bis artikuluko hirugarren paragrafoan araututako egokitzapen-obra eta -instalazioen kasuan, erregelamendu honen 66. artikuluan aipatzen diren organoetako batek ziurtatu beharko du obra eta instalazio horiek beharrezkoak direla irisgarritasuna eta zentzumenezko komunikazioa lortzeko, desgaitasunen bat duten edo mendekotasun-egoeran dauden pertsonak duintasunez eta egokitasunez molda daitezen.
Aipatutako obrek eskubidea emango dute kenkari hori aplikatzeko, baldin eta obra egin beharra dakarren desgaitasuna edo mendekotasuna duen pertsona honako egoera hauetakoren batean badago: bera da errentaria edo azpierrentaria; errentariaren edo azpierrentariaren aurreko ahaidea, ondorengoa, ezkontidea edo izatezko bikotekidea da eta berarekin bizi da; errentariari edo azpierrentariari zergaren foru-arauaren 82. artikuluan jasotako kenkaria aplikatzeko eskubidea sortzen dion pertsona bat da. Gainera, kenkari hori aplikatzeko eskubidea izango du nagusiki bizitegi-erabilera duen eraikin baten jabekideak ere, non errentan emandako edo lagatako etxebizitza baitago.

86. artikulua 13/2013 Errentaren FA. Kenkaria ohiko etxebizitza alokatzeagatik.

Berridatzi egiten da artikulua 2/2025 FAren arabera

86. art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
	1. Artikulu honen 2. apartatuan adierazitako kolektiboetan sartuta ez dauden zergadunek, baldin eta zergaldian zehar ohiko etxebizitzaren alokairua ordaintzen badute, zergaldian ordaindu dituzten kopuruen ehuneko 20ko kenkaria aplikatu ahal izango dute, urteko 1.600 euroko mugarekin. 2. Honako hauek zergaldian ordaindutako zenbatekoen ehuneko 35eko kenkaria aplikatu ahal izango dute, urteko 2.800 euroko mugarekin: a) Familia ugariaren titular diren zergadunek. b) Foru-arau honen 98.1 artikuluko B) eta C) letretan aipatutako familia-unitateko kide diren zergadunek. c) 36 urtetik beherako zergadunek d) %65eko edo hortik gorako desgaitasun-gradua edo mendekotasun-graduren bat aitortuta daukaten zergadunek –Autonomia pertsonala sustatzeari eta mendekotasun-egoeran dauden pertsonak zaintzeari buruzko abenduaren 14ko 39/2006 Legeak ezarritako mendekotasun-egoera baloratzeko baremoa onartzen duen otsailaren 11ko 174/2011 Errege Dekretuan xedatutakoaren arabera–, eta haiekin bizi direnek. e) Erregelamenduz ezartzen den moduan egiaztatutako etxeko indarkeriaren edo genero-indarkeriaren biktimatzat hartzen diren zergadunek. 3. Aurreko apartatuetan ezarritako kenkaria kalkulatzeko, ordaindutako zenbatekoari kendu egin beharko zaio zergadunak etxearen alokairurako jasotako dirulaguntzen zenbatekoa, betiere salbuetsirik badaude zerga honen araudiaren arabera. 4. Kapitulu honetan jasotakoaren ondorioetarako, aurreko 2. apartatuan adierazitako egoerak zehazteko, zerga sortzen den egunean dagoen egoerari begiratuko zaio. 5. Baterako tributazioa hautatuta, kenkaria aplikatzeko eskubidea duten pertsonak bat baino gehiago badira eta horien arteko batzuek betetzen badituzte aurreko 2. apartatuko kenkariaren ehuneko gehitua aplikatzeko baldintzak, baina beste batzuek ez, orduan, apartatu horretan ezarritako ehunekoa eta muga aplikatuko dira. 6. Epaileak erabakita, zergadunari bakarrik ezarri bazaio familiaren etxebizitzaren alokairua ordaintzeko betebeharra, hark eskubidea izango du aitorpenean aplikatzeko artikulu honetan arautzen den kenkaria. Betebehar hori bi zergadunei ezarri bazaie, kenkaria bien artean hainbanatuko da, eta bakoitzaren aitorpenean egingo da, bakoitzari dagokion proportzioan, artikulu honen 1. eta 2. apartatuetako lehenengo paragrafoek ezarritako ehunekoa eta muga aplikatuta, haietako bakoitzari dagokionaren arabera.  7. Aurreko apartatuetan xedatutakoaren ondorioetarako, ...(eguneratzearen aurretik 5. paragrafoan bezala)	1. Zergaldian zehar ohiko etxebizitzaren alokairua ordaintzen duten zergadunek zergaldian ordaindutako kopuruen %20ko kenkaria egin dezakete, eta urtean 1.600 euro gehienez. Dena den, zergadunak familia ugariaren titularrak badira, aurreko lerroaldean jasotako kenkaria %25ekoa izango da, eta urtean 2.000 euro gehienez. Era berean, aurreko paragrafoetan esandakoa gorabehera, zergadunak 30 urtetik beherakoak badira, aurreko paragrafoan jasotako kenkaria %30ekoa izango da, eta urtean 2.400 euro gehienez. Horretarako, ordaindutako zenbatekoari kendu egin beharko zaio zergadunak etxearen alokairurako jasotako diru-laguntzen zenbatekoa, zeinak salbuetsirik egongo baitira zerga honen arautegi erregulatzailearen arabera. 2. Kapitulu honetan jasotakoaren ondorioetarako, zerga sortzen den egunean dagoen egoerari begiratuko zaio zergadunaren adina edo familia ugariaren titulartasuna zehazteko.  3. Baterako tributazioa aukeratzen bada eta kenkari horretarako eskubidea dutenak pertsona bat baino gehiago badira, batzuk 30 urtetik beherakoak eta beste batzuk adin horretatik gorakoak, aurreko 1. zenbakiaren hirugarren lerroaldean ezarritako portzentajea eta muga aplikatuko dira. 4. Epai erabagiz, familiako etxebizitzaren alokairua zergadunak bakarrik —eta ez beste inork— ordaindu behar badu, zergadun horrek eskubidea izango du artikulu honetan zehaztutako kenkaria egiteko autolikidazioan. Alokairua zergadun biek ordaindu behar badute, kenkaria bien artean hainbanatuko da eta bakoitzaren autolikidazioan bakoitzari doakion proportzioan egingo da, artikulu honen 1 zenbakian ezarritako portzentajean eta mugen barnean, salbu eta 1 zenbaki horretako bigarren eta hirugarren paragrafoetan jarritako baldintzak betetzen direnean; kasu horretan, paragrafo horietan zehaztutako portzentajeak eta mugak aplikatzeko eskubidea izango dute. 5. Aurreko zenbakietan xedatutakoaren ondorioetarako, ohiko etxebizitzaren alokairuagatik ordaindutako zenbatekoen parekoak izango dira erabilera-lagapeneko erregimeneko etxebizitzengatik ordaindutako kanonak edo errenta sozialak, baldin eta ohiko etxebizitzatzat hartzen badira etxebizitza-kooperatibetako edo bestelako elkartemoduetako bazkideek edo irabazi-asmorik gabeko elkarteetako bazkideek, betiere hotelindustriari dagozkion zerbitzu osagarriak ematen ez badira; adibidez, jatetxea, arropa garbitzea edo antzeko beste batzuk, edo gizarte-laguntzako zerbitzuak.  Ala ere, ohiko etxebizitzaren alokairuagatik ordaindutako zenbatekoen parekoak ez dira izango ohiko etxebizitzatzat hartzen diren eta ohiko etxebizitzatzat hartzen diren erabileralagapeneko erregimeneko etxebizitzengatik ordaindutako kanonak edo errenta sozialak, erosketa-aukeraren eskubidea edo jabetza transferitzeko klausula dutenak, bai eta etxebizitza-kooperatibetako edo bestelako elkarte-moduetako bazkideek edo irabaziasmorik gabeko elkarteetako bazkideek ordaindutako beste batzuk ere, ekainaren 18ko 3/2015 Legearen hirugarren xedapen gehigarrian aurreikusitako baldintza guztiak betetzen ez direnean.  Administrazio publiko baten jabetzako lurren gaineko azalera-eskubide bat eratuz egindako babes publikoko etxebizitzen sustapenen kasuan, erabiltzeko eskubidearen izaera mugagabea betetzat joko da elkartekideen erabilera-eskubidearen iraupena aipatutako azalera-eskubidearen iraupenarekin bat datorrenean.

87. artikulua 13/2013 Errentaren FA. Kenkaria ohiko etxebizitza erosteagatik.

Berridazten dira 4. apartatua eta 5. apartatuko b) letra 2/2025 FAren arabera

87. art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
4.5b)	4. Zergadunak 36 urte baino gutxiago baditu, honako berezitasun hauek aplikatuko dira: a) Aurreko 1. apartatuan ezarritako ehunekoak 100eko 23koak izango dira. b) 2. apartatuan ezarritako kenkaria gehienez 1.955 eurokoa izango da urtean. Hala ere, ez da aplikatuko urteko gehieneko kenkariaren muga ohiko etxebizitzaren erosketa formalizatzen den zergaldian Aurreko letretan xedatutakoa, b) letraren azken esaldia izan ezik, foru-arau honen 86. artikuluko 2. apartatuaren a), b), d) eta e) letretan adierazitako zergadunek aplikatuko dute, artikulu honen 5. apartatuko b) letran ezartzen diren kasuetan izan ezik. Baterako tributazioa hautatuta, kenkaria aplikatzeko eskubidea duten pertsonak hainbat badira eta pertsona horietako batzuek apartatu honetan ezarritakoaren arabera betetzen badituzte kenkariaren ehuneko gehituak aplikatzeko baldintzak eta beste batzuek ez, orduan, apartatu honetan ezarritako ehunekoak eta muga aplikatuko  dira. ... 5. Artikulu honetan jasotako ondorioetarako, berdinetsi egingo dira honako hauek eta ohiko etxebizitzaren erosketa:  ... b) Erregelamendu bidez ezarritako formalizazio- eta erabilera-baldintzak betetzen dituzten kreditu-entitateetako kontuetan gordailutzen diren kopuruak, baldin eta kenkarirako eskubidea sortu duten kopuruak ohiko etxebizitza erosi edo birgaitzeko erabiltzen badira, kontua ireki denetik 6 urte igaro baino lehen. Hala ere, aurreko paragrafoan ezarritako epea 10 urtekoa izango da kontuaren titularrak 36 urte baino gutxiago badauzka kontua irekitzen duenean. Ez da urratutzat hartuko erabiltze-baldintza, baldin eta kenkarirako eskubidea sortu duten diru-kopuruak berriro osorik sartzen badira kreditu-entitate berean edo beste kreditu-entitate batera osorik eramaten badira zergaren sortzapena gertatu baino lehen. Orobat, ez da urratutzat hartuko etxebizitza-kontuko diru-kopurua ohiko etxebizitza erosteko edo birgaitzeko erabiltzeko baldintza, baldin eta zergaduna hiltzen bada letra honetako lehen eta bigarren paragrafoetan adierazitako epeak amaitu aurretik. Ezin izango da berriro kenkaririk egin letra honetan aipatzen diren kontuetan gordailututako diru-kopuruak direla eta, aurrez kenkarirako eskubidea sortu badute, ohiko etxebizitza erosi edo birgaitzeko erabiltzen direnean. ...	4. Zergaduna 30 urtetik beherakoa bada edo familia ugariaren titularra bada, berezitasun hauek aplikatuko dira:  a) Aurreko 1. Zenbakian jasotako portzentajea %23 izango da, salbu artikulu honen 5. Zenbakiko b) letran aipatzen diren kasuetan.  b) Aurreko 2. Zenbakian aipatzen den urteko gehieneko kenkaria 1.955 euro izango da, salbu artikulu honen 5. Zenbakiko b) letran aipatzen diren kasuetan.  Baterako tributazioa aukeratzen bada eta kenkari horretarako eskubidea dutenak pertsona bat baino gehiago badira, batzuk 30 urtetik beherakoak eta beste batzuk adin horretatik gorakoak, zenbaki honetan ezarritako portzentajeak eta muga aplikatuko dira.  ... 5. Artikulu honetan jasotako ondorioetarako, berdinetsi egingo dira honako hauek eta ohiko etxebizitzaren erosketa:  ... b) Erregelamendu bidez ezarritako formalizazio- eta erabilera-baldintzak betetzen dituzten kreditu-erakundeetako kontuetan gordailatzen diren kopuruak, baldin eta kenkarirako eskubidea sortu duten kopuruak ohiko etxebizitza erosi edo birgaitzeko erabiltzen badira, kontua ireki denetik 6 urte igaro baino lehen.  Ez da bete gabekotzat hartuko erabilera-baldintza, baldin eta kenkarirako eskubidea sortu duten diru-kopuruak berriro osorik sartzen badira kreditu-erakunde berean edo beste kreditu-erakunde batera osorik eramaten badira zergaren sortzapena gertatu baino lehen.  Zergaduna letra honetako lehen lerroaldean aipatzen den epea amaitu aurretik hiltzen bada, ez da bete gabekotzat hartuko etxebizitza-kontuko kopuruak ohiko etxebizitza erosteko edo birgaitzeko erabiltzeko obligazioa.  Ezin izango da berriro kenkaririk egin letra honetan aipatzen diren kontuetan gordailatutako diru-kopuruak direla eta, aurrez kenkarirako eskubidea sortu badute, ohiko etxebizitza erosi edo birgaitzeko erabiltzen direnean. ...

47/2014 FD. 72. artikulua Inbertsioengatiko eta bestelako jarduerengatiko kenkaria

Idazketa berria ematen zaio 72.1 bigarren paragrafori 133/2025 Foru Dekretuaren bidez

Art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
72.1	1. Zerga honetako zergadunek aktibo ez-korronte berrietako inbertsioak sustatzeko eta zenbait jarduera egitea sustatzeko Sozietateen gaineko Zergari buruzko Foru Arauko V. tituluko III. kapituluan zehazten diren kenkariak aplikatu ahal izango dituzte, betiere kenkari portzentaje eta -muga berdinekin. Hala ere, Sozietateen gaineko Zergari buruzko Foru Arauaren 64 bis, 65 bis eta 66 quinquies artikuluetan araututako kenkariak aplikatuz gero, muga %25 izango da. Muga hori aplikatuko da, halaber, ekonomia-intereseko elkartzeetako bazkideei foru-arau horren 66 quater artikuluan ezarritako kenkariak egozten zaizkienean, baldin eta elkartze horiei egindako ekarpenak ezaugarri berezidun ondare-tresnatzat kalifikatu behar badira kontabilitate-irizpideen arabera.	1. Zerga honetako zergadunek aktibo ez-korronte berrietako inbertsioak sustatzeko eta zenbait jarduera egitea sustatzeko Sozietateen gaineko Zergari buruzko Foru Arauko V. tituluko III. kapituluan zehazten diren kenkariak aplikatu ahal izango dituzte, betiere kenkari portzentaje eta -muga berdinekin. Hala ere, Sozietateen gaineko Zergari buruzko Foru Arauaren 64 bis eta 66 quinquies artikuluetan araututako kenkariak aplikatuz gero, muga % 25 izango da. Muga hori aplikatuko da, halaber, ekonomia-intereseko elkartzeetako bazkideei foru-arau horren 66 quater artikuluan ezarritako kenkariak egozten zaizkienean, baldin eta elkartze horiei egindako ekarpenak ezaugarri berezidun ondare-tresnatzat kalifikatu behar badira kontabilitate-irizpideen arabera.

DF 47/2014. Artículo 72 bis Ikerketa eta garapeneko edo berrikuntza teknologikoko proiektuen, garapen jasangarria, ingurumen-inpaktuaren murrizketa, trantsizio energetikoa eta ekonomia zirkularra sustatzen dituzten proiektuen, ikus-entzunezko lanen, arte eszenikoen eta musikalen zuzeneko ikuskizunen eta liburuen finantzaketan parte hartzea

Idazketa berria ematen zaio 72 bis, 133/2025 Foru Dekretuaren bidez bigarren puntu berri bat gehitu zaio.

Art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
72 bis	72 bis artikulua. Ikerketa eta garapeneko edo berrikuntza teknologikoko proiektuen, garapen jasangarria, ingurumen-inpaktuaren murrizketa, trantsizio energetikoa eta ekonomia zirkularra sustatzen dituzten proiektuen, ikus-entzunezko lanen, arte eszenikoen eta musikalen zuzeneko ikuskizunen eta liburuen finantzaketan parte hartzea. .... 2. Sozietateen gaineko Zergari buruzko Foru Arauaren 65 bis artikuluaren 2. apartatuan aipatzen den finantzaketa-kontratua proiektua gauzatzen hasten den zergaldia amaitu aurretik formalizatu beharko da, baldin eta Sozietateen gaineko Zergari buruzko Foru Arauaren 65 bis artikuluaren 7. apartatuan aipatutako txostena epe berean eskatu bada. Proiektua zergaldiaren bigarren seihilekoan hasten bada gauzatzen, finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik eskatu ahal izango da txostena eta formalizatu ahal izango da finantzaketa-kontratua. Aurreko paragrafoko bigarren tartekian aipatzen den kasuan, finantzaketa-kontratuari Sozietateen gaineko Zergari buruzko Foru Arauaren 65 bis artikuluaren 7. apartatuan aipatzen den txostenaren eskabidearen kopia erantsi behar zaio, eta artikulu horren 1. apartatuan xedatutakoaren aplikazioa etenda geldituko da harik eta txosten hori jaso arte. Sozietateen gaineko Zergari buruzko Foru Arauaren 65 bis artikuluaren 7. zenbakian aipatzen den komunikazioa finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik aurkeztu beharko da. Proiektua zergaldi batean baino gehiagotan zehar gauzatzen denean, Zergari buruzko Foru Arauaren 67. artikuluaren 4. atalean araututako ordainketa-irizpideari atxikitako zergadunek zergaldi bakoitzerako aplikatu ahal izango dute apartatu honetan xedatutakoa, eta, ondorioz, urteko bakoitza proiektu desberdin gisa tratatuko da. Zergadunak ez badio ordainketa-irizpide horri heldu finantzaketa-kontratuaren formalizazioari eta aipatutako foru-arauaren 65.bis artikuluaren 7. atalean aipatzen den txostenaren eskaerari, zergadunak kenkaria aplikatzen duen lehen zergaldia amaitu baino lehen egin beharko dira, eta Sozietateen gaineko Zergari buruzko Foru Arauaren 65.bis artikuluaren 7. atal horretan bertan eskatzen den jakinarazpena, zergadunak kenkaria aplikatzen duen zergaldiari dagokion finantzatzailearen pertsona fisikoen errentaren gaineko zergaren borondatezko aitorpen-aldia hasi baino lehen aurkeztu beharko da.	Ikerketa eta garapeneko edo berrikuntza teknologikoko proiektuen, ikusentzunezko lanen, arte eszenikoen eta musikalen zuzeneko ikuskizunen eta liburuen finantzaketan parte hartzea. 1. Sozietateen gaineko Zergari buruzko Foru Arauaren 64.bis artikuluaren 2. apartatuan aipatzen den finantzaketa-kontratua proiektua gauzatzen hasten den zergaldia amaitu aurretik formalizatu beharko da, baldin eta Sozietateen gaineko Zergari buruzko Foru Arauaren 64 bis artikuluaren 7. apartatuan aipatutako txostena epe berean eskatu bada. Proiektua zergaldiaren bigarren seihilekoan hasten bada gauzatzen, txostena eskatu ahal izango da, eta finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik formalizatu ahal izango da finantzaketa kontratua. Aurreko paragrafoko bigarren tartekian aipatzen den kasuan, finantzaketa- kontratuari Sozietateen gaineko Zergari buruzko Foru Arauaren 64.bis artikuluko 7. apartatuan aipatzen den txostenaren kopia erantsi behar zaio, eta artikulu horren 1. apartatuan xedatutakoaren aplikazioa etenda geldituko da harik eta txosten hori jaso arte. Sozietateen gaineko Zergari buruzko Foru Arauaren 64 bis artikuluaren 7. Zenbakian aipatzen den jakinarazpena finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik aurkeztu beharko da. Proiektua zergaldi batean baino gehiagotan zehar gauzatzen denean, zergadunek paragrafo honetan xedatutakoa zergaldi bakoitzerako aplikatu ahal izango dute, eta, ondorioz, urteko bakoitza proiektu desberdin bat bezala tratatuko da. 2. Sozietateen gaineko Zergari buruzko Foru Arauaren 66 quinquies artikuluaren 3. apartatuan aipatzen den finantzaketa-kontratua produkzio-fasea hasten den zergaldia amaitu aurretik formalizatu beharko da; arte eszenikoen eta musikalen zuzeneko ikuskizunen kasuan, lehenengo saioa egiten den zergaldia amaitu aurretik formalizatu beharko da, eta, liburuen argitalpenaren kasuan, maketazio-fasea hasten den zergaldia amaitu aurretik. Produkzio fasearen hasiera, lehenengo ikuskizuna edo maketazio-fasearen hasiera zergaldiaren bigarren seihilekoaren barruan gertatzen bada, finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik formalizatu ahal izango da finantzaketa-kontratua. Apartatu honetan xedatutakoaren ondorioetarako, produkzio-fasearen hasiera irudiak eta/edo soinua hartzeko prozesua hasten den unea da. Sozietateen gaineko Zergari buruzko Foru Arauaren 66 bis artikuluaren 10. zenbakian aipatzen den jakinarazpena finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik aurkeztu beharko da. Ikus-entzunezko obrak, arte eszenikoen eta musikalen zuzeneko ikuskizunak edo liburuen ekoizpena, erakustaldia edo argitalpena zergaldi batean baino gehiagotan luzatzen badira, zergadunek paragrafo honetan xedatutakoa zergaldi bakoitzaren arabera aplikatu ahal izango dute, eta ez ikus-entzunezko lanaren, arte eszenikoen eta musikalen zuzeneko ikuskizunaren edo liburuaren arabera

90. artikulua 13/2013 Errentaren FA. Kenkaria, mikroenpresa, enpresa txiki edo enpresa ertain sortu berrietan, berritzaileetan edo zilarrezko ekonomiari lotuta daudenetan inbertitzeagatik.

Berridatzi egiten da 1. eta 2. apartatuetako lehen paragrafoa 2/2025 FAren bidez.
 

90. art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
1.2.	1. Zergadunek 100eko 25eko kenkaria aplikatu ahal izango dute, edo 100eko 30ekoa emakumeak badira, Sozietateen gaineko Zergari buruzko Foru Arauaren 13. artikuluan xedatutakoaren arabera mikroenpresatzat edo enpresa txiki edo ertaintzat jotzen diren enpresetan akzioak edo partaidetzak harpidetzeagatik edo eskuratzeagatik ordaindutako zenbatekoengatik; gainera, kapitalari aldi baterako ekarpena egiteaz gain, inbertitzen duten entitatea garatzeko egokiak diren enpresa- edo lanbide-ezagutzak ere eman ahal izango dituzte, zergadunaren eta entitatearen arteko inbertsio-akordioan ezarritako baldintzetan. ... 2. Aurreko apartatuan ezarritako kenkaria ordaindutako kopuruen 100eko 35ekoa izango da, eta 100eko 40koa emakumeen kasuan, enpresa berritzaileen akzioak edo partaidetzak harpidetzen edo eskuratzen badira, edo xede soziala zilarrezko ekonomiari zuzenean lotua duten enpresenak, baldin eta mikroenpresatzat, enpresa txikitzat edo ertaintzat jotzen badira Sozietateen gaineko Zergari buruzko Foru Arauak 13. artikuluan xedatutakoaren arabera. ...	1. Zergadunek 100eko 25eko kenkaria aplikatu ahal izango dute, Sozietateen gaineko Zergari buruzko Foru Arauaren 13. artikuluan xedatutakoaren arabera mikroenpresatzat edo enpresa txiki edo ertaintzat jotzen diren enpresetan akzioak edo partaidetzak harpidetzeagatik edo eskuratzeagatik ordaindutako zenbatekoengatik; gainera, kapitalari aldi baterako ekarpena egiteaz gain, inbertitzen duten entitatea garatzeko egokiak diren enpresa- edo lanbide-ezagutzak ere eman ahal izango dituzte, zergadunaren eta entitatearen arteko inbertsio-akordioan ezarritako baldintzetan. ... 2. Aurreko apartatuan ezarritako kenkaria ordaindutako kopuruen 100eko 35ekoa izango da, enpresa berritzaileen akzioak edo partaidetzak harpidetzen edo eskuratzen badira, edo xede soziala zilarrezko ekonomiari zuzenean lotua duten enpresenak, baldin eta mikroenpresatzat, enpresa txikitzat edo ertaintzat jotzen badira Sozietateen gaineko Zergari buruzko Foru Arauak 13. artikuluan xedatutakoaren arabera. ...

89. artikulua 13/2013 Errentaren FA. Kenkaria langileek enpresan parte hartzeagatik .

Berridazten dira 1. apartatua, 3. apartatuaren lehenengo paragrafoa eta g) letra gehitzen da 2.apartatuan, 2/2025 FAren bidez.

89. art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
1.2g).3.	1. Zergadunek 100eko 10eko kenkaria aplikatu ahal izango dute, urteko 1.200 euroko gehieneko mugarekin, eta 100eko 15eko kenkaria emakumeak badira, urteko 1.800 euroko gehieneko mugarekin, lan egiten duten entitateko edo sozietate-taldeko beste edozein entitatetako akzioak edo partaidetzak eskuratzeko edo harpidetzeko  zergaldian dirutan ordaindu dituzten kopuruengatik. 2. Aurreko horretaz gain, baldintza hauek bete beharko dira: ... g) Kooperatiben kapital sozialera egiten diren ekarpenak nahitaezkoak izan behar dira Euskadiko kooperatibei buruzko abenduaren 20ko 11/2019 Legean xedatzen denaren arabera. 3. Halaber, zergadunek 100eko 10eko kenkaria aplikatu ahal izango dute, urteko 6.000 euroko gehieneko mugarekin, eta 100eko 15eko kenkaria emakumeak badira, urteko 9.000 euroko gehieneko mugarekin, lan egiten duten entitateko edo sozietate-taldeko beste edozein entitatetako akzioak edo partaidetzak eskuratzeko edo harpidetzeko zergaldian dirutan ordaindu dituzten kopuruengatik, baldin eta funts horiek euskal administrazio publikoek eratutako funtsen maileguetatik badatoz.	1. Zergadunek 100eko 10eko kenkaria aplikatu ahal izango dute, urteko 1.200 euroko gehieneko mugarekin, lan egiten duten entitateko edo sozietate-taldeko beste edozein entitatetako akzioak edo partaidetzak eskuratzeko edo harpidetzeko  zergaldian dirutan ordaindu dituzten kopuruengatik. ... 3. Halaber, zergadunek 100eko 10eko kenkaria aplikatu ahal izango dute, urteko 6.000 euroko gehieneko mugarekin, lan egiten duten entitateko edo sozietate-taldeko beste edozein entitatetako akzioak edo partaidetzak eskuratzeko edo harpidetzeko zergaldian dirutan ordaindu dituzten kopuruengatik, baldin eta funts horiek euskal administrazio publikoek eratutako funtsen maileguetatik badatoz.

13/2013 FAaren 88. artikulua Inbertsioengatiko eta beste jarduera batzuengatiko kenkaria

88 artikuluaren 1. eta 4. apartatuak aldatzen dira 6/2025 FAren bidez.

Art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
88	1. Zerga honen zergadunek aktibo ez-korronte berrietan inbertitzeko eta jarduera jakin batzuk egiteko Sozietateen gaineko Zergari buruzko Foru Arauaren V. tituluaren III. kapituluan ezarritako kenkariak aplikatu ahal izango dituzte, ehuneko eta muga berdinekin. Hala ere, Sozietateen gaineko Zergari buruzko Foru Arauaren 64 bis, 65 bis eta 66 quinquies artikuluetan araututako kenkariak aplikatuz gero, muga %25 izango da. Muga hori aplikatuko da, halaber, ekonomia-intereseko elkartzeetako bazkideei Foru Arau horren 66 quater artikuluan ezarritako kenkariak egozten zaizkienean, baldin eta elkartze horiei egindako ekarpenak ezaugarri berezidun ondare-tresnatzat kalifikatu behar badira kontabilitate-irizpideen arabera. .... 4. Sozietateen gaineko Zergari buruzko Foru Arauaren 64 bis, 65 bis eta 66 quinquies artikuluetan araututako kenkariak aplikatzeko, beharrezkoa izango da artikulu horietan aipatzen den finantzaketa-kontratua formalizatzea erregelamenduz ezarritako epeetan eta, betiere, finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik. Epe berean, Sozietateen gaineko Zergari buruzko Foru Arauaren 64 bis eta 65 bis artikuluen 7. apartatua eta 66 quinquies artikuluaren 10. apartatuan aipatzen diren komunikazioak aurkeztu beharko dira.	1. Zerga honen zergadunek aktibo ez-korronte berrietan inbertitzeko eta jarduera jakin batzuk egiteko Sozietateen gaineko Zergari buruzko Foru Arauaren V. tituluaren III. kapituluan ezarritako kenkariak aplikatu ahal izango dituzte, ehuneko eta muga berdinekin. Hala ere, Sozietateen gaineko Zergari buruzko Foru Arauaren 64 bis eta 66 quinquies artikuluetan araututako kenkariak aplikatuz gero, muga %25 izango da. Muga hori aplikatuko da, halaber, ekonomia-intereseko elkartzeetako bazkideei Foru Arau horren 66 quater artikuluan ezarritako kenkariak egozten zaizkienean, baldin eta elkartze horiei egindako ekarpenak ezaugarri berezidun ondare-tresnatzat kalifikatu behar badira kontabilitate-irizpideen arabera. .... 4. Sozietateen gaineko Zergari buruzko Foru Arauaren 64 bis eta 66 quinquies artikuluetan araututako kenkariak aplikatzeko, beharrezkoa izango da artikulu horietan aipatzen den finantzaketa-kontratua formalizatzea erregelamenduz ezarritako epeetan eta, betiere, finantzatzaileak pertsona fisikoen errentaren gaineko zergaren aitorpena egiteko duen borondatezko aldia hasi aurretik. Epe berean, Sozietateen gaineko Zergari buruzko Foru Arauaren 64 bis artikuluen 7. apartatua eta 66 quinquies artikuluaren 10. apartatuan aipatzen diren komunikazioak aurkeztu beharko dira.

13/2013 FA, 91 ter artikulua. Partaideak edo bazkide osoak norberaren konturako langileak edo autonomoak diren enplegu-aurreikuspeneko sistemetarako ekarpenengatiko kenkaria

Berridazten da 91.ter. artikuluaren 2. apartatua 5/2025 FAren bidez
 

91 ter. art.	2025eko urtarrilaren 1etik aurrerako ondorioekin.	2025eko urtarrilaren 1etik aurrerako ondorioekin. (jatorrizkoa)
2	2. Kenkariaren oinarria zergadunak egindako ekarpenen batura izango da, ekarpen horiek foru-arau honen 71.1 c) artikuluan aurreikusitakoaren arabera zerga-oinarria murriztu badute	2. Kenkari-oinarria zergadunak egindako ekarpenen baturak osatuko du, baldin eta zergadunaren zerga-oinarria Foru Arau honetan aurreikusitako moduan murriztu badute.

91 ter artikulua 13/2013 Errentaren FA. Kenkaria enpleguko aurreikuspen-sistemei egindako ekarpenengatik, sistema horietako partaide eta bazkide osoak norberaren konturako langileak edo langile autonomoak badira, eta beren ardurapean langilerik ez duten norberaren konturako langileek edo langile autonomoek enplegu-aurreikuspeneko sistemei egindako ekarpenengatik.

VI bis kapitulua gehitzen zaio VII. tituluari 2/2025 FAren arabera
VI BIS KAPITULUA. KENKARIAK GIZARTE-AURREIKUSPENEKO SISTEMEI EGINDAKO EKARPENENGATIK.

Artikulu berria gehitzen da 2/2025 FAren arabera

2025eko urtarrilaren 1etik aurrerako ondorioekin

1. Zergadunek enpleguko gizarte-aurreikuspeneko sistemei egiten dizkieten ekarpenek 100eko 10eko kenkaria izango dute zergaren kuota osoan. Sistema horietan, Europar Batasuneko edo Europako Esparru Ekonomikoko beste estatu kide batzuetako legediaren babesean sortutakoak barne, partaide edo bazkide osoak norberaren konturako langileak edo autonomoak izango dira.
Aurreko paragrafoan ezarritako portzentajea 100eko 15 izango da ekarpenak zergaren sortzapen-datan 36 urte baino gutxiago dituzten zergadunek egiten badituzte edo ekarpenak gizarte-aurreikuspeneko entitateetan integratutako lehentasunezko aurreikuspen-planei egiten zaizkienean.
Beren ardurapean langilerik ez duten beren konturako langileek edo langile autonomoek enpleguko aurreikuspen-sistemei egindako ekarpenei ere aplikatuko zaie aurreko paragrafoetan xedatutako kenkaria.
2. Kenkariaren oinarria zergadunak egindako ekarpenen batura izango da, ekarpen horiek foru-arau honetan aurreikusitakoaren arabera zerga-oinarria murriztu badute.
3. Kuota osoa nahikoa ez izateagatik aplikatzen ez diren kenkariak hurrengo 5 zergaldietako aitorpenetan aplikatu ahal izango dira.
 

91 bis artikulua 13/2013 Errentaren FA. Kenkaria borondatezko gizarte-aurreikuspeneko entitateetan integratutako gizarte-aurreikuspeneko lehentasunezko planei egindako ekarpenengatik.

VI bis kapitulua gehitzen zaio VII. tituluari 2/2025 FAren arabera
VI BIS KAPITULUA. KENKARIAK GIZARTE-AURREIKUSPENEKO SISTEMEI EGINDAKO EKARPENENGATIK.

Artikulu berria gehitzen da 2/2025 FAren arabera

2025eko urtarrilaren 1etik aurrerako ondorioekin

1. Zergadunek borondatezko gizarte-aurreikuspeneko entitateetan integratuta dauden gizarte-aurreikuspeneko lehentasunezko planei egiten dizkieten ekarpenek zergaren kuota osoan kenkari bat egiteko eskubidea emango dute, honako baldintza hauetan:
a) Enpresaren ekarpen eta kontribuzio guztiak batera entitate enplegatzaileak ordaintzen duen urteko soldata gordin osoaren 100eko 3 edo gehiago eta 100eko 5 baino gutxiago badira, kenkariaren ehunekoa 100eko 15 izango da.
b) Enpresaren ekarpen eta kontribuzio guztiak batera entitate enplegatzaileak ordaintzen duen urteko soldata gordin osoaren 100eko 5 edo gehiago eta 100eko 8 baino gutxiago badira, kenkariaren ehunekoa 100eko 20 izango da.
c) Enpresaren ekarpen eta kontribuzio guztiak batera entitate enplegatzaileak ordaintzen duen urteko soldata gordin osoaren 100eko 8 edo gehiago badira, edo zergaduna zergaren sortzapen-datan 36 urte baino gutxiago baditu, kenkariaren ehunekoa 100eko 25 izango da.
2. Kenkariaren oinarria zergadunak negoziazio kolektiboaren ondorioz egindako ekarpenen baturak osatuko du, ekarpen horiek zerga-oinarria foru-arau honetan ezarritako moduan murriztu badute.
3. Kuota osoa nahikoa ez izateagatik aplikatzen ez diren kenkariak hurrengo 5 zergaldietako aitorpenetan aplikatu ahal izango dira.
 

13/2013 PFEZ, 91 quater artikulua. 5 eta 8 Energia-eraginkortasuna hobetzeko eta etxebizitzetan energia berriztagarriak integratzeko obrengatiko kenkaria.

Berridazten da  91 quarter artikuluko 8. eta 5. apartatuak, 2025-2035 bitarteko zergaldietarako, biak barne, 5/2025 FAren bidez.

91 quarter. Art	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
5 eta 8	5. Kenkari hori bateraezina da inbertitutako kopuru berberen gainean foru arau honetako 87 eta 87 bis artikuluetan aurreikusitako kenkariekin. 8. Artikulu honen 4. apartatuan ezarritakoa alde batera utzi gabe, kenkaria zergaldian aplikatzeko ezarritako betekizun guztiak betetzen direla frogatzen denean egingo da: — baldin eta zergaldi horretan, energia berriztagarriak sortzeko edo erabiltzeko ekipoak eskuratu ondoren, dagozkion ziurtagiriak lortu badira, edo entitateen funts propioetako akzioak edo partaidetzak eskuratu badira, 2. apartatuaren a) letran aurreikusitako kasuetan. ​​​​​​​— baldin eta zergaldi horretan energia-efizientziaren ziurtagiria eman bada, 2. apartatuaren b) letran aurreikusitako kasuetan	5. Kenkari hori bateraezina da, inbertitutako kopuru berberei dagokienez, foru-arau honen 87. artikuluan jasotako kenkariarekin. 8. Artikulu honen 3. apartatuan ezarritakoa alde batera utzi gabe, kenkaria zergaldian aplikatzeko ezarritako betekizun guztiak betetzen direla frogatzen denean egingo da: - Baldin eta zergaldi horretan, energia berriztagarriak sortzeko edo erabiltzeko ekipoak eskuratu ondoren, dagozkion ziurtagiriak lortu badira, edo entitateen funts propioetako akzioak edo partaidetzak eskuratu badira, 2. apartatuaren a) letran aurreikusitako kasuetan. - Baldin eta zergaldi horretan energia-efizientziaren ziurtagiria eman bada, 2. apartatuaren b) letran aurreikusitako kasuetan.

47/2014 FD 72. quater artikulua Ibilgailuak txatar bihurtzea

2025etik 2035era bitarteko zergaldietarako ondorioekin artikulu bat gehitzen da, 72 quater artikulua , 133/2025 FDren bidez.
Zergari buruzko forua-arauaren 91 quinquies artikuluko 2. apartatuan xedatutakoaren ondorioetarako, zergadunak egiaztatu beharko du behin betiko baja eman zaiola Espainian matrikulatutako ibilgailu bati, zeinak eskuratutako ibilgailuaren kategoria berekoa izan behar baitu. Horretarako, dagokion ziurtagiria aurkeztu beharko du Trafikoko Zuzendaritza Nagusiaren Ibilgailuen Erregistroan, bai eta ibilgailuaren suntsiketaren edo ingurumen-tratamenduaren ziurtagiria ere.
Zergadunak txatar bihurtu nahi den ibilgailuaren titulartasuna izan beharko du, txatar bihurtu aurreko hamabi hilabetean gutxienez, eta, horrez gain, trakzio mekanikoko ibilgailuen zergaren azken ordainagiria aurkeztu beharko du, behar bezala ordainduta.

91 quater artikulua 13/2013 Errentaren FA. (1-3.)Kenkaria etxebizitzetan energia-efizientzia hobetzeko eta energia berriztagarriak integratzeko obrak egiteagatik.

VI ter kapitulua gehitzen zaio VII. tituluari 2/2025 FAren arabera
VI TER KAPITULUA. KENKARIAK MUGIKORTASUN JASANGARRIAREN, EFIZIENTZIAREN ETA ENERGIA- TRANTSIZIOAREN ESPARRUAN.

Artikulu berria gehitzen da 2/2025 FAren arabera

2025etik 2035era bitarteko (biak barne) zergaldietarako ondorioekin
(1etik 3ra arteko puntuak)

1. Zergadunek obra edo instalazio hauengatik ordaindutako zenbatekoen 100eko 15eko kenkaria aplikatu ahal izango dute:
a) Bere ohiko etxebizitzan edo une horretan errentan emanda daukan bere titulartasuneko beste edozein etxebizitzatan berokuntza- eta hozte-eskaria murrizteko egindako obrak, Hiri-errentamenduen azaroaren 24ko 29/1994 Legearen 2. artikuluan ezarritakoaren arabera.
b) Ohiko etxebizitzan edo une horretan errentan emanda daukan bere titulartasuneko beste edozein etxebizitzatan energia primario berriztaezinaren kontsumoa hobetzeko egindako obrak, Hiri-errentamenduen azaroaren 24ko 29/1994 Legearen 2. artikuluan ezarritakoaren arabera.
c) Nagusiki bizitegi-erabilera duten eraikinetan energia-efizientzia hobetzeko egindako energia-birgaikuntzako obrak, baldin eta eraikin horietan zergaduna etxebizitza baten jabe bada, dela ohiko etxebizitza, dela une horretan errenta emanda daukan etxebizitza bat, Hiri-errentamenduen azaroaren 24ko 29/1994 Legearen 2. artikuluan ezarritakoaren arabera.
2. Kenkari horren ondorioetarako, honako obra eta instalazio hauek bakarrik hartuko dira kontuan:
a) Energia berriztagarriak erabiltzea ahalbidetzen duten sorkuntza-ekipo hauek instalatzea:
a’) Biomasa-galdarak, eraikinaren edo etxebizitzaren bero-eskariari (berokuntza eta etxeko ur beroa) erantzuteko.
b’) Aerotermia-, hidrotermia- eta geotermia-sistemak eraikinaren edo etxebizitzaren bero-eskariari (berokuntza eta etxeko ur beroa) erantzuteko.
c’) Eguzki-instalazio fotovoltaikoak eraikinaren edo etxebizitzaren autokontsumorako, dela banakakoa, dela partekatua.
d’) Eguzki-instalazio termikoak eraikinaren edo etxebizitzaren etxeko ur beroaren eskariari erantzuteko.
Aurreko letretan aipatutako ekipoen instalazioarekin parekatuko da entitateen funts propioetan parte hartzea dakarten akzioak, partaidetzak edo beste edozein tresna eskuratzea, bazkide, akziodun, elkartekide, partaide edo antzeko gisa, baldin eta entitateon helburu soziala bada, nagusiki, baliabide berriztagarrietatik energia termikoa edo elektrikoa sortzen laguntzen duten proiektuak egikaritzea, aipatutako ekipoetan inbertsioak eginez. Tresna horiek bai entitatea eratzen den unean, bai eratu eta hurrengo bost urteetan egindako kapital-gehikuntza batean harpidetu beharko dira.
Zergadunaren zuzeneko edo zeharkako partaidetza ezin izango da entitatearen kapital sozialaren edo haren boto-eskubideen 100eko 10 baino handiagoa izan. Zergaduna familia-unitate batean integratuta dagoenean, muga hori aplikatzeko, familia-unitateko kide guztien partaidetzak hartuko dira kontuan.
b) Eraikin osoan egindako banakako edo taldeko jarduketen bidez etxebizitzaren energia-efizientzia hobetzea helburu duten proiektuak, baldin eta energia primario berriztaezinaren kontsumoa gutxienez 100eko 30 murriztea badakarte, edo, bestela, etxebizitzaren edo eraikinaren energia-kalifikazioa hobetzea helburu duten proiektuak, «A» edo «B» motako energia-maila lortzeko.
3. Kenkariaren oinarrian artikulu honen 2. paragrafoan aipatutako obra eta instalazioengatik ordaindutako kopuruak sartuko dira.
Ondorio horietarako, obra eta instalazioengatik ordaindutako kopurutzat hartuko dira haiek egikaritzeko beharrezkoak direnak, barne direla zerbitzu-sariak, proiektu teknikoak idazteko kostuak, obra-zuzendaritza, obrak edo instalazioak egikaritzeko 
kostua, ekipo eta materialetan egindako inbertsioa eta haiek garatzeko beharrezkoak diren beste gastu batzuk, bai eta energia-efizientziaren ziurtagiriak ematea ere. Berebat, kenkariaren oinarrian sartuko dira entitateen funts propioetan parte hartzea dakarten akzioak, partaidetzak edo beste edozein tresna eskuratzeko ordaindutako kopuruak, aurreko 2. apartatuaren a) letrako azken bi paragrafoetan aipatutakoaren arabera. Nolanahi ere, kopuru horietan ez dira kontuan hartuko jatorri fosileko erregaiak erabiltzen dituzten instalazioetan ekipoak instalatzeko edo ordezteko kostuak.
Jabeen erkidego batek egindako obren kasuan, zergadun bakoitzaren kenkariaren oinarria osatuko duen zenbatekoa kalkulatzeko, zergadunak erkidego horretan duen partaidetza-koefizientea aplikatuko zaie jabeen erkidegoak ordaindutako kopuruei (aurreko paragrafoan aipatuak).
Urteko gehieneko oinarri kengarria 20.000 euro izango da.
Laguntza publikoen programa baten bidez dirulaguntzak jaso direnean edo jasotzeko daudenean, betiere dirulaguntza horiek salbuetsirik badaude zerga honen araudiaren arabera, aurreko paragrafoetan aurreikusitakoaren ondorioz ateratzen den oinarri kengarriari dirulaguntza horien zenbatekoa kenduko zaio.

91 quinquies artikulua 13/2013 Errentaren FA. Kenkaria ingurumena errespetatzen duten ibilgailu jakin batzuk eskuratzeagatik.

VI ter kapitulua gehitzen zaio VII. tituluari 2/2025 FAren arabera
VI TER KAPITULUA. KENKARIAK MUGIKORTASUN JASANGARRIAREN, EFIZIENTZIAREN ETA ENERGIA- TRANTSIZIOAREN ESPARRUAN.

Artikulu berria gehitzen da 2/2025 FAren arabera

2025etik 2035era bitarteko (biak barne) zergaldietarako ondorioekin

1. Zergadunek ibilgailu berri baten eskurapen-balioaren 100eko 5 kendu ahal izango dute, baldin eta honako baldintza hauek betetzen baditu: 
1. Ibilgailuak kategoria hauetakoren batekoak izango dira: 
a) M1 turismoak: gutxienez lau gurpil dituzten ibilgailu motordunak, bidaiariak garraiatzeko diseinatuak eta fabrikatuak, gidariaren eserlekuaz gain gehienez zortzi plaza dituztenak. 
b) L6e kuadriziklo arinak: kuadriziklo arinak, 425 kg-ko edo gutxiagoko tara dutenak, baterien masa kenduta, eta, fabrikazioz, gehienez 45 km/h-ko edo gutxiagoko abiadura hartzen dutenak eta gehienez 6 kW-eko edo gutxiagoko potentzia dutenak. 
c) L7e kuadriziklo astunak: lau gurpileko ibilgailuak, 450 kg-ko edo gutxiagoko abiadamasa dutenak (baterien pisua kenduta) bidaiariak garraiatzeko ibilgailuen kasuan, eta 600 kg-ko edo gutxiagokoa salgaiak garraiatzeko ibilgailuen kasuan, baldin eta kuadriziklo arintzat sailkatu ezin badira
d) L3e, L4e, L5e motozikletak: bi gurpileko ibilgailuak, edo ibilgailuaren luzetarako erdiko ardatzarekiko simetrikoak edo asimetrikoak diren hiru gurpil dituztenak, 50 cm3 baino gehiagokoak direnak edo 50 km/h-tik gorako abiadura dutenak, baldin eta ibilgailuaren pisu gordina gehienez tona bat bada. 
2. Ibilgailuen modeloek Energia Dibertsifikatzeko eta Aurrezteko Institutuaren (IDAE) ibilgailuen datu-basean jasota egon beharko dute, eta honako baldintza hauek bete: 
a) M1 kategoriako ibilgailuek mota hauetakoren batekoak izan behar dute: 
i) Ibilgailu elektriko bateriadunak (IEB), motor elektrikoen bidez erabat eta esklusiboki bultzatuak. Motor elektriko horiek baterien elektrizitatetik lortzen dute energia, partzialki edo osorik, eta, bateria horiek berriz kargatzeko, ibilgailutik kanpoko iturri baten energia erabiltzen da; adibidez, sare elektrikoarena. 
ii) Autonomia hedatuko ibilgailu elektrikoak (AHIE), motor elektrikoen bidez erabat eta esklusiboki bultzatuak. Motor elektriko horiek baterien elektrizitatetik lortzen dute energia, partzialki edo osorik. Bateria horiek berriz kargatzeko, ibilgailutik kanpoko iturri baten energia erabiltzen da, eta, horrez gain, gasolinazko edo gasoliozko barne-errekuntzako motorra ere badute bateriok berriz kargatzeko. 
iii) Erregai-piladun ibilgailu elektrikoa (EPIE): ibilgailu elektrikoa, ibilgailu barruko hidrogenoa baliatzen duen erregai-pila baten bidez sortutako energia elektrikoa besterik erabiltzen ez duena. 
iv) Erregai-piladun ibilgailu elektriko hibridoa (EPIEH): erregai-piladun ibilgailu elektrikoa, bateria elektriko kargagarriak ere badituena. 
b) L kategoriako ibilgailuetarako honako hau eskatzen da: 
i) Motor elektrikoek soilik bultzatuak izatea eta ibilgailu elektriko gisa homologatuta egotea. 
ii) Motozikleta elektriko berriek (L3e, L4e eta L5e kategoriakoak) litiozko bateriak izan behar dituzte, motorraren potentzia 3 kW-ekoa edo handiagoa duten motor elektrikoak, eta gutxienez 70 km-ko autonomia.
3. Ibilgailuak ezin izango dira ezein jarduera ekonomikori afektatuta egon. 
4. Lehen aldiz Espainian matrikulatuak izan beharko dute, zergadunaren izenean. 
2. Aurreko paragrafoan jasotako kenkaria eskurapen-balioaren 100eko 10 izango da, zergadunak bere titulartasuneko ibilgailu bat txatartegira eraman duenean, erregelamenduz ezarritako baldintzetan. 
3. Kenkari horren oinarria ibilgailuaren eskurapen-balioa izango da, eskurapenari datxezkion gastu eta tributuak barne. 
Kenkari horren gehieneko oinarria 10.000 euro izango da L3e, L4e eta L5e motozikleten kasuan, eta 40.000 euro gainerako kasuetan. 
Laguntza publikoen programa baten bidez dirulaguntzak jaso direnean edo jasotzeko daudenean, betiere dirulaguntza horiek salbuetsirik badaude zerga honen araudiaren arabera, aurreko paragrafoan aurreikusitakoaren ondorioz ateratzen den oinarriari dirulaguntza horien zenbatekoa kenduko zaio. 
Zergadunak apartatu honetan jasotako kenkaria aplikatu ahal izango du aurreko 1. apartatuan aipatutako ibilgailuetako baten erosketa bakar batengatik. 
4. Kenkari horren ondorioetarako, errentamendua eskurapenaren parekotzat joko da baldin eta haren bidez errentatzaileak aurreko 1. apartatuan aipatutako ibilgailuetakoren bat jartzen badu zergadunaren esku, adostutako kuotak aldi jakin batean ordaintzearen truke. 
Aurreko paragrafoan aurreikusitako kasuan, kenkariaren oinarria zergaldian ordaindutako kuota guztiek osatuko dute, betiere aurreko 3. apartatuan ezarritako gehieneko oinarria kontuan hartuta. 
5. Aurreko apartatuetan aipatutako ibilgailuak eskuratu ondoren jarduera ekonomiko bati afektatzen bazaizkio, galdu egingo da egindako kenkarirako eskubidea, eta tributu-egoera erregularizatu beharko da afektazio hori gertatzen den ekitaldiari dagokion aitorpenean. Erregularizazioak dagozkion berandutze-interesak ere jaso beharko ditu. 
 

91 quater artikulua 13/2013 Errentaren FA. (4-8) Kenkaria etxebizitzetan energia-efizientzia hobetzeko eta energia berriztagarriak integratzeko obrak egiteagatik.

VI ter kapitulua gehitzen zaio VII. tituluari 2/2025 FAren arabera
VI TER KAPITULUA. KENKARIAK MUGIKORTASUN JASANGARRIAREN, EFIZIENTZIAREN ETA ENERGIA- TRANTSIZIOAREN ESPARRUAN.

Artikulu berria gehitzen da 2/2025 FAren arabera

2025etik 2035era bitarteko (biak barne) zergaldietarako ondorioekin
(4tik 8ra arteko puntuak)

4. Kuota osoa nahikoa ez izateagatik aplikatzen ez diren kenkariak hurrengo bost urteetan amaitzen diren zergaldietako aitorpenetan aplikatu ahal izango dira.
5. Kenkari hori bateraezina da, inbertitutako kopuru berberei dagokienez, foru-arau honen 87. artikuluan jasotako kenkariarekin.
6. Artikulu honetan jasotako kenkariak aplikatzeko, dokumentazio hau aurkeztu beharko da:
a) Artikulu honetako 2. apartatuaren a) letran aipatutako sorkuntza-ekipoak instalatuz gero, zergadunaren erantzukizunpeko adierazpena, zeinean jasoko baita instalatutako ekipoaren deskribapen zehatza, instalatzailearen ziurtagiriarekin batera eta, hala badagokio, instalazioa organo eskudunean erregistratu izanaren ziurtagiriarekin batera.
Eraikinaren edo etxebizitzaren autokontsumorako (banakakoa edo partekatua) eguzki-instalazio fotovoltaikoei dagokienez, aurrekoez gainera, instalazio elektrikoaren ziurtagiria aurkeztu beharko da, Behe Tentsioko Erregelamendu Elektroteknikoaren arabera (edozein motatako instalazio elektrikoetan), enpresa instalatzaileak emana eta organo eskudunak bideratua, bai eta sorkuntza-elementuak zerbitzuan jartzeko erantzukizunpeko adierazpena ere, organo eskudunaren zigiluarekin.
Helburu nagusitzat 2.a) apartatuan jasotako instalazioen bidez baliabide berriztagarrietatik energia termikoa edo elektrikoa sortzea duten entitateen funts propioetan parte hartzea dakarten akzioak, partaidetzak edo beste edozein tresna eskuratuz gero, kenkaria egiaztatzeko, entitateak berak emandako ziurtagiria aurkeztu beharko da, zeinean adieraziko baita bai entitateak berak, bai akzioak edo partaidetzak eskuratu dituen pertsonak baldintzak betetzen dituztela, eta, gainera, entitatearen beraren eguzki-instalazio fotovoltaikoek energia elektrikoaren autokontsumoaren administrazio-erregistroan duten inskripzioaren identifikazioa erantsiko da, edo, hala badagokio, aipatutako erantzukizunpeko adierazpena.
b) Artikulu honetako 2. apartatuaren b) letran aurreikusitako proiektuen kasuan, etxebizitzaren edo eraikinaren energia-efizientziaren ziurtagiriak, teknikari eskudunek emanak proiektuak egin aurretik eta ondoren, letra horretan jasotako betekizunak egiaztatzeko.
Energia-efizientziaren ziurtagiriek Eraikinen Energia-efizientzia Ziurtatzeko Oinarrizko Prozedura onartzen duen ekainaren 1eko 390/2021 Errege Dekretuan xedatutakoaren arabera emanak eta erregistratuak izan beharko dute.
Kenkari hori aplikatzeko eskatzen diren baldintzak betetzen direla frogatzeko, baliozkoak izango dira obrak hasi aurretik emandako ziurtagiriak, baldin eta bi urte igaro ez badira ziurtagiriak eman ziren egunetik obrak hasi arte.
c) Artikulu honetan aurreikusitako obretan inbertituriko kopuruei dagozkien fakturak.
Helburu nagusitzat 2.a) apartatuan jasotako instalazioen bidez baliabide berriztagarrietatik energia termikoa edo elektrikoa sortzea duten entitateen funts propioetan parte hartzea dakarten akzioak, partaidetzak edo beste edozein tresna eskuratuz gero, haiek harpidetzeko ordaindutako kopuruen frogagiriak.
7. Ez du kenkari hori aplikatzeko eskubiderik emango artikulu honen 2. apartatuan aurreikusitako ekipo eta entitateetan inbertitutako kopuruek, jarduera ekonomikoak egiteko erabiltzen badira, ezta etxebizitzan jarduera ekonomikoei afektatuta dagoen partean egindako obrek ere.
8. Artikulu honen 3. apartatuan ezarritakoa alde batera utzi gabe, kenkaria zergaldian aplikatzeko ezarritako betekizun guztiak betetzen direla frogatzen denean egingo da:
— Baldin eta zergaldi horretan, energia berriztagarriak sortzeko edo erabiltzeko ekipoak eskuratu ondoren, dagozkion ziurtagiriak lortu badira, edo entitateen funts propioetako akzioak edo partaidetzak eskuratu badira, 2. apartatuaren a) letran aurreikusitako kasuetan.
— Baldin eta zergaldi horretan energia-efizientziaren ziurtagiria eman bada, 2. apartatuaren b) letran aurreikusitako kasuetan.
 

91 sexies artikulua 13/2013 Errentaren FA. Kenkaria ibilgailu elektrikoak kargatzeko puntuak instalatzeagatik.

VI ter kapitulua gehitzen zaio VII. tituluari 2/2025 FAren arabera
VI TER KAPITULUA. KENKARIAK MUGIKORTASUN JASANGARRIAREN, EFIZIENTZIAREN ETA ENERGIA- TRANTSIZIOAREN ESPARRUAN.

Artikulu berria gehitzen da 2/2025 FAren arabera

2025etik 2035era bitarteko (biak barne) zergaldietarako ondorioekin

1. Zergadunek ehuneko 15eko kenkaria aplikatu ahal izango dute beren jabetzako finkan edo komunitateko garajean beren jabetzakoak diren eta xede partikularretarako erabiltzen dituzten ibilgailu elektrikoak kargatzeko puntuak instalatzeko ordaindutako kopuruetan, baldin eta finka edo garaje horren jabe gisa partaidetza-kuotarik badute.
2. Aurreko 1. apartatuan aipatutako kenkariaren oinarriaren gehieneko muga, zergadun bakoitzeko, 5.000 euro izango da instalazio bakoitzeko, eta ibilgailu elektrikoak kargatzeko puntua finkan edo garaje komunitarioan instalatzeko lanak amaitu eta instalazioa abian jartzen den zergaldian aplikatuko da.
3. Kenkariaren oinarria osatzen duten kopuruei zergadunak kontzeptu kengarri horrengatik jasotzen dituen eta zerga honetatik salbuetsita dauden dirulaguntzen zenbatekoa kenduko zaie.
 

101. artikulua 13/2013 Errentaren FA. Urte naturala baino laburragoa den zergaldia.

Idazketa berria ematen zaio 2. atalari, 2/2025 Foru Arauaren arabera.

101. art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
2.	2. Aurreko apartatuan jasotako kasuan, heriotza-egunean amaituko da zergaldia eta zergaren sortzapena ere egun horretan gertatuko da, alde batera utzi gabe foru- arau honen 98. artikuluaren 3. apartatuan baterako tributazioa hautatzen denerako xedatutakoa.	2. Aurreko lerroaldean jasotako kasuan, heriotzaren egunean amaituko da zergaldia eta zergaren sortzapena ere egun horretan gertatuko da, foru arau honetako 98.4 artikuluan baterako tributazioa aukeratzen denerako xedatutakoaren kalterik gabe. Kasu horretan, eta bakar-bakarrik baterako tributazioa aukeratu eta dagokion murrizketa aplikatzeko, heriotza abenduaren 31n gertatu dela joko da.

47/2014 FD 77. artikulua Egindako hautapenak zuzentzea

100/2025 FDren bidez, beste idazketa bat ematen zaio artikuluari:

Art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
77	Zergaren Foru Arauaren 105. artikuluan xedatzen denaren ondorioetarako, zergadunek bertan ezarritako hautapenak egin behar dituzte ondorioak sortu behar dituzten zergaldiko aitorpena aurkeztean. Hautapenak, gero, epealdi hauetan aldatu ahal izango dira: a) Aipatutako 105. artikuluaren a), d), h), i) (Zergaren Foru Arauaren 56 bis artikuluko araubide bereziari dagokionez) eta k) letretan adierazitako hautapenak, zergaren aitorpena egiteko borondatezko epea amaitzen den egunera arte. Halaber, 105. artikuluaren d) letran aipatzen den desgaitasunaren edo mendekotasunaren kenkaria aplikatzeko hautapena zergaren aitorpena norberaren borondatez aurkezteko epealdia amaitu ondoren aldatu ahal izango da, apartatu honen c) letran arautzen den bezala. b) Artikulu beraren g) letran aipatzen den baterako tributazioaren aldeko hautapena ezin izango da aldatu aitorpena norberaren borondatez aurkezteko epealdiaren barruan; aldiz, epealdi hori amaitutakoan aldatu ahal izango da, hurrengo artikuluan xedatzen denarekin bat eta bertan arautzen diren berezitasunekin. c) 105. artikuluaren b), c), e), f), i) eta j) letretan adierazitako hautapenak (56 ter artikuluan arautzen den hautapenari dagokionez), aitorpena norberaren borondatez aurkezteko epealdia amaitu ondoren, baldin eta zerga-administrazioak ez badu egiten zerga-betebeharraren elementu guztiak edo batzuk aitortzeko, erregularizatzeko, egiaztatzeko, ikuskatzeko, berresteko edo likidatzeko ekintzarik, zergapekoak haren ezagutza formala duela.	1. Zergari buruzko Foru Arauaren 105. artikuluan xedatutakoaren ondorioetarako, zergadunek artikulu horretan jasotzen diren aukerak erabili beharko dituzte, aukera horiek ondorioak sortu behar dituzten zergaldiko aitorpena aurkezten dutenean; gero aldatu ahal izango dira, ondoren zehazten diren epeetan: a) Aipatutako 105. artikuluaren a), d), e), f), h), i), j) eta k) letretan adierazitako aukerak, zergaren aitorpena egiteko borondatezko epea amaitzen den egunera arte. Halaber, 105. artikulu horren d) letran aipatutako desgaitasun edo mendekotasunagatiko kenkaria aplikatzeko aukera zergaren aitorpena egiteko borondatezko epea amaitu ondoren aldatu ahal izango da, apartatu honen c) letran ezarritakoarekin bat. b) Artikulu beraren g) letran aipatutako baterako tributazioaren aukera ezin izango da aldatu aitorpena egiteko borondatezko epean zehar; epe hori amaitu ostean, aldiz, aldatu ahal izango da, hurrengo artikuluan xedatutakoarekin bat, eta bertan jasotako berezitasunekin. c) 105. artikulu horren b) eta c) letretan adierazitako aukerak, aitorpena aurkezteko borondatezko epea amaitu ondoren; hori hala izango da, non eta zerga-administrazioak ez duen egiten tributu-betebeharraren elementu guztiak edo batzuk aitortu, erregularizatu, egiaztatu, ikuskatu, berretsi edo likidatzeko edozein ekintza, zergapekoak haren ezagutza formala duela. 2. Jarduera ekonomikoak egiten dituzten zerga honen zergadunei aplikatu beharrekoa izango zaie Bizkaiko Foru Aldundiaren 2013ko abenduaren 23ko 203/2013 Foru Dekretuak onetsitako Sozietateen gaineko Zergari buruzko Erregelamenduaren 48. artikuluan xedatutakoa, jarduera horien ondoriozko etekinei dagokienez.

PFEZ Araudia 47/2014. 73. quinquies Artikulua. Identifikazio- eta sinadura-bitartekoak.

Aldatu egiten da 73. quinquies artikuluaren 2. atala 100/2025 FDaren bidez

73. quinquies Art.	2025eko urtarrilaren 1etik aurrerako ondorioekin	2025eko abenduaren 31ra arteko ondorioekin
2.	Araudi honen 73.4 artikuluan aipatutako baliabide digital edo telefonikoa erabiltzen denean, zergadunaren identifikazioa eta sinadura baliabide horietara egokitutako kontraste-datuak erabiliz egiaztatu ahalko dira.	Erregelamendu honen 73.4 artikuluan aipatutako telefono bidea erabiltzen denean, zergadunaren identifikazioa eta sinadura bide horri egokitutako kontraste-datuak erabiliz egiaztatuko dira.

47/2014 FD. 73. quater artikulua - Aurrez aurreko bidea

Idazketa berria ematen zaio 73 quarter 133/2025 FDaren bidez, 2025eko urtarrilaren 1etik aurrerako ondorioekin.

Art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
73 quater.1	1. Araudi honen 73. artikuluaren 4. apartatuko c) letran xedatutakoaren ondorioetarako, aurretiko hitzorduaren bidez, tributu-arloko laguntza ematen den Bizkaiko Foru Ogasunaren bulegoetan zergaren aitorpenak aurkezteko aurrez aurreko laguntza eskainiko zaie zergadunei, baldin eta, zenbatekoa dena dela, honako errenta-mota hauetako edozein jaso badute soilik: — Lanaren etekinak — Aurrezki-produktuen etekinak, salbu eta etekinok atzerriko baloreetatik datozenean. — Errentamenduetatik eratorritako etekinak, gehienez bi. — Nekazaritza, abeltzaintza, basogintza eta arrantzako jarduera ekonomikoen etekinak (jarduerari lotutako ondare-elementuak eskualdatzetik eratorritako ondare-irabaziak edo -galerak daudenean izan ezik), zuzeneko zenbatespen-metodoaren modalitate sinplifikatuan. — Ikastaro edo hitzaldietatik eratorritako jarduera ekonomikoen etekinak, baldin gastu-egozpenik egiten ez bada. — Higiezinen eskualdaketak, honako hauek izan ezik: • Jaraunspen edo dohaintza bidez eskuratutakoak. • Irabazpidezko sozietatea desegitearen ondoriozko eskualdaketak eta eskuraketak. • Proindibisoaren kargugabetzeak eragindako eskualdaketak eta eskuraketak, gehiegizko adjudikazioak gertatzen direnean. — Inbertsio-funtsen eskualdaketak. — Akzioen eskualdaketak, 5 eragiketako mugarekin eta baldin ekitaldiko salmenten zenbateko globala 10.000 eurotik gorakoa ez bada. Kanpo geratzen dira hauekin egindako eragiketak: kriptoaktiboak, warrantak, gerokoak eta diferentzien araberako kontratuak. Eragiketen mugarik gabe egingo da, zergadunak zergari buruzko foru-arauaren hogeita laugarren xedapen gehigarriari aplikatzen badu, aplikagarria denean.	1. Araudi honen 73. artikuluaren 4. apartatuko c) letran xedatutakoaren ondorioetarako, aurretiko hitzorduaren bidez, tributu-arloko laguntza ematen den Bizkaiko Foru Ogasunaren bulegoetan zergaren aitorpenak aurkezteko aurrez aurreko laguntza eskainiko zaie zergadunei, baldin eta, zenbatekoa dena dela, honako errenta-mota hauetako edozein jaso badute soilik: - Lanaren etekinak. - Aurrezki-produktuen etekinak, salbu eta etekinok atzerriko baloreetatik datozenean. - Errentamenduetatik eratorritako etekinak, bi errentamenduko mugarekin, turismo errentamenduen ondoriozko errentak izan ezik. - Nekazaritza, abeltzaintza, basogintza eta arrantzako jarduera ekonomikoen etekinak (jarduerari lotutako ondare-elementuak eskualdatzetik eratorritako ondare-irabaziak edo -galerak daudenean izan ezik), zuzeneko zenbatespen-metodoaren modalitate sinplifikatuan. - Ikastaro edo hitzaldietatik eratorritako jarduera ekonomikoen etekinak, baldin gastu egozpenik egiten ez bada. - Higiezinen eskualdaketak, jaraunspen edo dohaintza bidez eskuratutakoak izan ezik, bai eta irabazpidezko sozietateen desegiteak edo gehiegizko adjudikazioen ondoriozko indibiso-amaitzeak. - Inbertsio-funtsen eskualdaketak. - Akzioen eskualdaketak, 5 eragiketako mugarekin eta baldin ekitaldiko salmenten zenbateko globala 10.000 eurotik gorakoa ez bada. Kanpo geratzen dira hauekin egindako eragiketak: kriptodirua, warrantak, gerokoak eta diferentzien araberako kontratuak. Ez da laguntzarik emango aurreko ekitaldietatik konpentsatzeko dauden partidak dituzten aitorpenetan, salbu eta 2020ko ekitaldikoak edo ondorengo ekitaldietakoak badira eta Bizkaiko Foru Ogasunaren datuetan jasota badaude.

47/2014 FORU DEKRETUA 77. Arttikulua. Egindako aukerak zuzentzea.

77. artikulua berridazten da

77. Art.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
77. Art.	Egindako hautapenak zuzentzea Zergaren Foru Arauaren 105. artikuluan xedatzen denaren ondorioetarako, zergadunek bertan ezarritako hautapenak egin behar dituzte ondorioak sortu behar dituzten zergaldiko aitorpena aurkeztean. Hautapenak, gero, epealdi hauetan aldatu ahal izango dira: a) Aipatutako 105. artikuluaren a), d), h), i) (Zergaren Foru Arauaren 56 bis artikuluko araubide bereziari dagokionez) eta k) letretan adierazitako hautapenak, zergaren aitorpena egiteko borondatezko epea amaitzen den egunera arte. Halaber, 105. artikuluaren d) letran aipatzen den desgaitasunaren edo mendekotasunaren kenkaria aplikatzeko hautapena zergaren aitorpena norberaren borondatez aurkezteko epealdia amaitu ondoren aldatu ahal izango da, apartatu honen c) letran arautzen den bezala. b) Artikulu beraren g) letran aipatzen den baterako tributazioaren aldeko hautapena ezin izango da aldatu aitorpena norberaren borondatez aurkezteko epealdiaren barruan; aldiz, epealdi hori amaitutakoan aldatu ahal izango da, hurrengo artikuluan xedatzen denarekin bat eta bertan arautzen diren berezitasunekin. c) 105. artikuluaren b), c), e), f), i) eta j) letretan adierazitako hautapenak (56 ter artikuluan arautzen den hautapenari dagokionez), aitorpena norberaren borondatez aurkezteko epealdia amaitu ondoren, baldin eta zerga-administrazioak ez badu egiten zerga-betebeharraren elementu guztiak edo batzuk aitortzeko, erregularizatzeko, egiaztatzeko, ikuskatzeko, berresteko edo likidatzeko ekintzarik, zergapekoak haren ezagutza formala duela.	1. Zergari buruzko Foru Arauaren 105. artikuluan xedatutakoaren ondorioetarako, zergadunek artikulu horretan jasotzen diren aukerak erabili beharko dituzte, aukera horiek ondorioak sortu behar dituzten zergaldiko aitorpena aurkezten dutenean; gero aldatu ahal izango dira, ondoren zehazten diren epeetan: a) Aipatutako 105. artikuluaren a), d), e), f), h), i), j) eta k) letretan adierazitako aukerak, zergaren aitorpena egiteko borondatezko epea amaitzen den egunera arte. Halaber, 105. artikulu horren d) letran aipatutako desgaitasun edo mendekotasunagatiko kenkaria aplikatzeko aukera zergaren aitorpena egiteko borondatezko epea amaitu ondoren aldatu ahal izango da, apartatu honen c) letran ezarritakoarekin bat. b) Artikulu beraren g) letran aipatutako baterako tributazioaren aukera ezin izango da aldatu aitorpena egiteko borondatezko epean zehar; epe hori amaitu ostean, aldiz, aldatu ahal izango da, hurrengo artikuluan xedatutakoarekin bat, eta bertan jasotako berezitasunekin. c) 105. artikulu horren b) eta c) letretan adierazitako aukerak, aitorpena aurkezteko borondatezko epea amaitu ondoren; hori hala izango da, non eta zerga-administrazioak ez duen egiten tributu-betebeharraren elementu guztiak edo batzuk aitortu, erregularizatu, egiaztatu, ikuskatu, berretsi edo likidatzeko edozein ekintza, zergapekoak haren ezagutza formala duela. 2. Jarduera ekonomikoak egiten dituzten zerga honen zergadunei aplikatu beharrekoa izango zaie Bizkaiko Foru Aldundiaren 2013ko abenduaren 23ko 203/2013 Foru Dekretuak onetsitako Sozietateen gaineko Zergari buruzko Erregelamenduaren 48. artikuluan xedatutakoa, jarduera horien ondoriozko etekinei dagokienez.

102. artikulua 13/2013 Errentaren FA. Aitortu beharra.

Idazketa berria ematen zaio 2/2025 Foru Arauaren araberako artikuluari

102. art.	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
	1. Zergadunek zerga honen aitorpena aurkeztu eta sinatu beharko dute. Mugak eta baldintzak arauz finkatuko dira. 108 Zergaren aitorpenak Bizkaiko Foru Aldundiaren egoitza elektronikoaren bitartez aurkeztu behar dira, artikulu honen 6. apartatuan ezartzen denarekin bat etorriz. 2. Hala ere, honako iturri hauetako errentak soilik lortzen dituzten zergadunek ez dute aurkeztu beharko aitorpena: a) Lanaren etekin gordinak, muga honekin: 20.000 euro urtean, banakako tributazioan. Baterako tributazioan, muga hori horrelako etekinak lortu dituen zergadun bakoitzari aplikatuko zaio. b) Kapitalaren etekin gordinak eta ondare-irabaziak (salbuetsiak barne, kasu bietan), urteko guztirako batura 1.600 euro baino gehiago ez bada. Letra honetan xedatzen dena ez zaie aplikatuko inbertsio kolektiboko entitateen akzioen edo partaidetzen eskualdaketek edo itzulketek sortzen dituzten ondareirabaziei, baldin eta, arauz ezarritakoaren arabera, atxikipen-oinarria ez bada zehaztu behar zerga-oinarrian integratu beharreko zenbatekoa aintzat hartuta. 3. Ogasun eta Finantza Sailak emandako aitorpen-zirriborroetatik abiatuta (foru arau honen 104. artikuluan aipatzen dira zirriborro horiek), zergadunek zirriborroetako datuetatik eragiten dieten guztiak aldatu edota osatu behar dituzte, eta ezarritako edo ezartzen diren dokumentuak eta frogagiriak erantsi beharko dizkiete aitorpenei. 4. Bizkaiko Lurralde Historikoko Zergei buruzko Foru Arau Orokorraren 38. artikuluaren arabera, kausatzaileak egin gabe uzten dituen zerga honen aitorpenak beraren oinordekoek aurkeztu eta sinatu behar dituzte; kausatzaileari zegozkion zehapenak direla-eta, ordea, ez dute betebeharrik izango. 5. Zergadunek bizilekua aldatzen badute, horren berri eman beharko diote zergaadministrazioari, aldaketa horrek zerga galdatzeko eskumenean ere aldaketak eraginez gero. 6. Zerga honen aitorpenak aurkezteko, bai eta zuzenketak edo administrazio-bideko errekurtsoak ere, baliabide informatiko, elektroniko edo telematikoak erabili beharko dira Bizkaiko Foru Aldundiaren egoitza elektronikoaren bidez. Aitorpenak, zuzenketak eta errekurtsoak Bizkaiko Foru Aldundiko egoitza elektronikoaren bitartez aurkezteko prozedurak araudian ezarriko dira. Horrez gainera, araudian zehaztuko da zer kasutan emango dien zerga-administrazioak laguntza pertsonala zergadunei zergaren aitorpenak aurkezteko.	1. Zergadunek zerga honi dagokion aitorpena, erregelamenduz ezartzen diren mugak eta baldintzak beteta aurkeztu eta sinatu beharko dute. Zergaren aitorpenak Bizkaiko Foru Aldundiaren egoitza elektronikoaren bidez aurkeztuko dira, artikulu honen 7. atalean adierazitakoarekin bat etorriz. 2. Hala ere, zergadunek ez dute aitorpena egin beharrik, baldin eta lortu dituzten errentak honako iturri hauetatik bakarrik jasotakoak badira: a) Laneko etekin gordinak, urtean 14.000 euroko mugarekin banakako tributazioan. Muga hori baterako tributazioan aplikatuko da, horrelako etekinak lortzen dituzten zergadun bakoitzari dagokionez b) 14.000 eurotik gorako lan-etekin gordinak, urtean 20.000 euro artekoak, banakako tributazioan, hurrengo 3. zenbakian jasotzen diren kasuetako batean sartuta daudenean izan ezik. Muga hori baterako tributazioan aplikatuko da, horrelako etekinak lortzen dituzten zergadun bakoitzari dagokionez. c) Kapitalaren etekin gordinak eta ondare-irabaziak batuta (kasu bietan, salbuetsiak barne), haien urteko kopuru gordina 1.600 euro baino handiagoa ez bada. Letra honetan xedatutakoa ez da aplikatuko inbertsio kolektiboko erakundeen partaidetzak edo akzioak berreskuratu edo eskualdatzeagatik lortutako ondare-irabaziei dagokienez, baldin eta haien atxikipen-oinarria, erregelamenduz ezartzen denaren arabera, ez bada zehaztu behar zerga oinarrian txertatu beharreko zenbatekoaren arabera 3. Aurreko apartatuko b) letran aipatzen diren zergadunak kasu hauetan daude behartuta zerga honen aitorpena aurkeztera: a) Ordaintzaile batek baino gehiagok emandako lan-etekinak jasotzen diren kasu guztietan. Hala ere, 20.000 euroko mugaraino lan-etekin gordinak jasotzen dituzten zergadunek ez dute aitorpenik aurkeztu beharko, baldin eta bigarren ordaintzaileengandik eta gainerako ordaintzaileengandik jasotako zenbatekoen baturak, zenbatekoen arabera, ez badu urteko 2.000 euroko zenbatekoa gainditzen. b) Ordaintzaile bakar batengandik lan-etekinak jasoz, ekitaldian lan- edo administraziokontratu bat baino gehiago sinatu badituzte, edo indarrean dagoena luzatu badute. c) Ezkontidearengandik edo izatezko bikotekidearengandik konpentsazio-pentsioak jasotzen dituztenean edo Foru Arau honetako 9.1 artikuluan aipatzen diren mantenurako urtekoak barik beste batzuk jasotzen dituztenean. d) Erregelamendu bidez ezarritako kasuetako batean daudenean. Dena den, apartatu honetan jasotakoaren ondorioz zergaduna aitorpena aurkeztera behartuta dagoenean, aukera hauetako bat izango du: - Zerga honen xedapen orokorrei jarraituz tributatzea, edo - Soilik lan-etekinak kontuan hartuta tributatzea, honako erregela hauen arabera: ...

Hamahirugarren Xedapen iragankorra. 13/2013 Errentaren FA Desgaitasuna duten pertsonei beren gaitasun juridikoa erabiltzen laguntzea.

Idazketa berria eman zaio azken paragrafoari, 2/2025 Foru Arauaren arabera.

Xedapen Iragankorra	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
	Halaber, aurreko paragrafoan adierazitako aldian, foru-arau honen 98.1 A) artikuluaren b) letran xedatutakoaren ondorioetarako, familia-unitateko kide izango dira luzatutako edo birgaitutako guraso-ahalaren mende dauden seme-alaba adindunak.	Halaber, aurreko paragrafoan aipatzen den aldian, foru arau honen 98.1 artikuluaren b) letran xedatutakoaren ondorioetarako, familia-unitateko kide izango dira luzatutako edo birgaitutako guraso-ahalaren mende dauden seme-alaba adindunak.

Berrogeita Laugarren Xedapen Gehigarria. 13/2013 Errentaren FA Ohiko etxebizitza alokatzeagatiko kenkariaren kuota osoa nahikoa ez izateagatik ordaintzea.

2/2025 Foru Arauaren araberako xedapen berria

2025eko urtarrilaren 1etik aurrerako ondorioekin.
1. 2025-2029ko zergaldietan, foru-arau honen 102. artikuluan xedatutakoaren arabera aitorpena aurkeztu beharrik ez duten zergadunek aurkeztu egiten badute eta egindako behin-behineko likidazioan ez badago kuota nahikorik foru-arau honen 86. artikuluan aurreikusitako ohiko etxebizitzaren alokairuagatiko kenkari osoa edo zati bat aplikatzeko, eskubidea izango dute behin-behineko likidazio horretan aplikatu ez den zenbatekoa jasotzeko. Ordaindutako zenbatekoa, hala badagokio, foru arau honen 93 bis artikuluan aipatutako baliatzeko dauden kenkarietatik deskontatuko da.
2. Kenkari hori egiteko prozedura eta baldintzak erregelamendu bidez arautuko dira, kenkaria ordaintzeko eskubidea dagoen kasuetan.

Berrogeita Hirugarren Xedapen Gehigarria. 13/2013 Errentaren FA Etxebizitza-merkatuaren tentsionamendua.

2/2025 Foru Arauaren araberako xedapen berria

2025eko urtarrilaren 1etik aurrerako ondorioekin.

Foru arau honen 86. artikuluko 8. apartatuan eta 87. artikuluko 10. apartatuan aurreikusitako muga erregelamendu bidez aldatu ahal izango da, etxebizitzaren merkatuan tentsionamendu egoerak gertatzen badira. 

Ondorio horietarako, ulertzen da etxebizitza-merkatuan tentsionamendu-egoera dagoela 2026tik 2030era bitartean, biak barne.

Hogeita Hemeretzigarren Xedapen Gehigarria. 13/2013 Errentaren FA Ohiko etxebizitza erosteko kontuetan gordailututako zenbatekoak gauzatzeko epea luzatzea, halako kontu bat irekitzen denean 36 urte baino gutxiago dituztenen kasuan.

2/2025 Foru Arauaren araberako xedapen berria

2025eko urtarrilaren 1etik aurrerako ondorioekin.

Foru-arau honen 87. artikuluko 5. apartatuaren b) letrako lehen paragrafoan aipatutako etxebizitza-kontua irekitzeko unean zergaduna 36 urtetik beherakoa bada eta 2024ko abenduaren 31n amaitu ez bada manu horretan adierazitako 6 urteko epea, ohiko etxebizitza erosteko gordailututako zenbatekoak gauzatzeko epea 10 urtekoa izango da, kontu hori irekitzen den egunetik zenbatzen hasita. Etxebizitza-kontuan aurreko paragrafoan adierazitako baldintzetan gordailututako kopuruek eskubidea emango dute foru-arau honen 87. artikuluan jasotzen den kenkaria aplikatzeko.

Hamazortzigarren Xedapen Gehigarria. 13/2013 Errentaren FA Loteria eta apustu jakin batzuetako sarien gaineko karga berezia.

Beste era batera idatzi da 8. atala, 2/2025 Foru Arauaren arabera.

Xedapen gehigarri	2025eko urtarrilaren 1etik aurrerako ondorioekin.	2024ko abenduaren 31ra arteko ondorioekin
8.	8. Zerga-oinarrian ez dira sartuko xedapen gehigarri honetan zehazten diren sariak, eta haien zenbatekoa ez da kontuan hartuko foru-arau honen 102. artikuluko 2. apartatuaren b) letran xedatzen diren ondorioetarako. Foru-arau honetan xedatzen denarekin bat etorriz aplikatzen diren atxikipenek edo konturako sarrerek ez dute gutxituko zergaren kuota likido osoa, eta ez dira kontuan hartuko foru-arau honen 112. artikuluan xedatzen diren ondorioetarako.	Zergaren zerga-oinarrian ez dira sartuko xedapen gehigarri honetan zehaztutako sariak, eta haien zenbatekoa ez da kontuan hartuko foru arau honetako 102.2c) artikuluan xedatutako ondorioetarako. Foru arauan xedatutakoarekin bat aplikatutako atxikipenek edo konturako sarrerek ez dute gutxituko zergaren kuota likido osoa, eta ez dira kontuan hartuko foru arauko 112. artikuluan xedatutako ondorioetarako.

PFEZ FD 47/2014. Lehenengo xedapen gehigarria. Izatezko bikoteak

Lehenengo xedapen gehigarria berridazten da 100/2025 FDaren bidez

1. Xed. Geh.	2025eko urtarrilaren 1etik aurrerako ondorioekin	2024ko abenduaren 31ra arteko ondorioekin
1. X.G.	Araudi honetan izatezko bikoteak aipatzen direnean ulertu behar da testua Eusko Legebiltzarraren maiatzaren 7ko 2/2003 Legeak, izatezko bikoteak arautzen dituenak, xedatzen duenaren arabera eratutako bikoteez ari dela. Halaber, ulertu behar da araudi honetako izatezko bikoteen aipuetan honako hauek sartzen direla: antzera eratu eta beste autonomia-erkidego batzuetako erregistro publikoetan eta Europar Batasuneko eta Europako Esparru Ekonomikoko beste estatu kide batzuetako eta hirugarren herrialdeetako erregistro publikoetan inskribatutako izatezko bikoteak.	Araudi honetan izatezko bikoteak aipatzen direnean ulertu behar da testua Eusko Legebiltzarraren maiatzaren 7ko 2/2003 Legeak, izatezko bikoteak arautzen dituenak, xedatzen duenaren arabera eratutako bikoteez ari dela.

Berrogeigarren Xedapen Gehigarria. 13/2013 Errentaren FA Borondatezko gizarte-aurreikuspeneko entitateetan integratutako gizarte-aurreikuspeneko lehentasunezko planei egindako ekarpenak.

Xedapen berria 2/2025 FAren bidez

2025eko urtarrilaren 1etik aurrerako ondorioekin.

2025etik 2029ra bitarteko zergaldietarako ondorioekin, zergadunek borondatezko gizarteaurreikuspeneko entitateetan integratutako gizarte-aurreikuspeneko lehentasunezko planei egindako ekarpenek, negoziazio kolektiboaren ondorioz egin badira eta zerga-oinarri orokorra murriztu badute, zergaren kuota osoan 100eko 10eko kenkaria egiteko eskubidea sortuko dute, baldin eta enpresak egindako ekarpen eta kontribuzio guztiak entitate enplegatzaileak ordaintzen duen urteko soldata gordinaren 100eko 3 baino gutxiago badira. Kenkariaren oinarria zergadunak negoziazio kolektiboaren ondorioz egindako ekarpenen baturak osatuko du, ekarpen horiek zerga-oinarria foru-arau honetan ezarritako moduan murriztu badute. Kuota osoa nahikoa ez izateagatik aplikatzen ez diren kenkariak hurrengo 5 zergaldietako aitorpenetan aplikatu ahal izango dira. 

Berrogeita Batgarren Xedapen Gehigarria. 13/2013 Errentaren FA Borondatezko gizarte-aurreikuspeneko entitateetan integratutako lehentasunezko aurreikuspen-planak ez diren enpleguko aurreikuspen- sistemei egindako ekarpenen araubidea.

Xedapen berria 2/2025 FAren bidez

2025eko urtarrilaren 1etik aurrerako ondorioekin.

Foru-arau honen 91 bis eta 91 ter artikuluetan eta berrogeigarren xedapen gehigarrian ezarritakoa borondatezko gizarte-aurreikuspeneko entitateetan integratutako lehentasunezko aurreikuspen-planak ez diren enpleguko aurreikuspen-sistemei egindako ekarpenei ere aplikatuko zaie, Europar Batasuneko edo Europako Esparru Ekonomikoko beste estatu kide batzuetako legediaren babesean sortutakoak barne, baldin eta beren zehaztapenekin bat etorrita betetzen badituzte borondatezko gizarte- aurreikuspeneko entitateetan integratutako lehentasunezko aurreikuspen-planei aplikatu beharreko araudian ezartzen diren baldintzak

 

47/2014 FD 11. Xedapen Gehigarria Zenbatekoa jasotzea ohiko etxebizitza alokatzeagatiko kenkariaren kuota osoa nahikoa ez izateagatik

11. Xedapen gehigarri bat gehitzen da 133/2025 FDaren bidez 2025eko urtarrilaren 1etik aurrera.
1. Para el cálculo del importe a abonar por insuficiencia de cuota íntegra de la deducción por alquiler de vivienda habitual prevista en la disposición adicional cuadragésima cuarta de la Norma Foral del impuesto, no se tendrán en cuenta las ayudas y subvenciones que hayan formado parte de la base de la deducción, de acuerdo con lo dispuesto en el artículo 86 de la Norma Foral del impuesto.

2. En los supuestos en que se opte por la tributación conjunta y uno de los contribuyentes que integren la unidad familiar tenga obligación de declarar conforme a lo dispuesto en el artículo 102 de la Norma Foral del impuesto, no procederá el abono previsto en la disposición adicional cuadragésima cuarta mencionada en el apartado anterior.