Artikulua

Zer baldintza bete behar dira aurrekoagatiko kenkaria aplikatu ahal izateko?

Aurrekoak kenkaria aplikatu nahi duen ondorengoarekin bizi behar du urte osoan zehar, modu jarraituan eta etengabe.Aurrekoak, gainera, baldintza hauek bete behar ditu urte bakoitzeko abenduaren 31n: 1 Kasuan kasuko zergaldian dituen urteko errentak, salbuetsiak kanpoan utzita, ez izatea lanbide arteko gutxieneko soldata baino handiagoak.2. Familia-unitate batean egonez gero, bertako kideetako inork ez izatea kasuan kasuko zergaldian lanbide arteko gutxieneko soldatatik gorako errentarik, salbuetsiak kanpoan utzita.3. Kasuan kasuko zergaldian zerga honen aitorpena ez aurkeztea edo aurkeztera behartuta ez egotea.

Aurrekoagatiko kenkaria aplika dezaket nire aita urtean zehar hil bazen?

Bai. Kenkarirako eskubidea sortzen duen pertsona zergaldiaren barruan hil bada, kenkariak aplikatzeko kontuan hartuko diren inguruabar familiarrak eta pertsonalak heriotzaren egunekoak izango dira. Kenkarien zenbatekoa ez da proportzionalki murriztuko egun horretara arte. Beraz, kenkariaren ehuneko ehun aplikatu ahal izango da.

Aurrekoarengatiko kenkaria aplika dezaket ama bizi den egoitza nire kabuz ordaintzen badut?

Bai. Ondorengoak, bere ondarearekin, zenbateko garrantzitsuak ordaintzen baditu urte natural osoan etengabe eta jarraian bizi den egoitzaren gastuei aurre egiteko, egoera hori bizikidetzarekin parekatuko da.

ERRENTAREN ZIRRIBORROA ALDATU BEHAR DUZU?

Datu horiek menuan edita ditzakezu, DATU PERTSONALAK ETA FAMILIARRAK menuan, eta, horretarako, ERLAZIONATUTA PERTSONAK botoia hautatu beharko duzu. Zure aurreko ahaideen datuak aldatu nahi badituzu, PERTSONA-DATUAK EDITATU botoia hautatu beharko duzu. Aurreko ahaideak gehitu nahi badituzu, ERLAZIONATUTA PERTSONA GEHITU sakatu beharko duzu.

Beharrezko dokumentazioa

Errolda-ziurtagiri historikoa, urte natural osoan zehar aurreko ahaidearekin modu iraunkorrean eta jarraituan bizi izana egiaztatzen duena.
Egoitza-zentroaren ordainagiriak eta ondorengoek ordaindu izanaren egiaztagiria.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.