ERRENTA: AURREZPENA Banku-kontuen etekinak

Foru-komunikazioko araubide ekonomikoan ezkonduta nago, eta, emaztearekin batera, aurrezki-kontu bat eta bonu batzuk ditut. Gainera, nire aitaren jarauntsian, akzio batzuk eskuratu ditut, eta aurrezki/erretiro plan bat berreskuratu dut, ni haren hartzailea, aseguratua eta onuraduna nintzela. Nork aitortu behar du errentan?

Kapitalaren etekinak etekin horien jatorri diren ondare-elementuen, ondasunen edo eskubideen titular diren zergadunei eratxiko zaizkie (aintzat hartu beharko dira horiek aurkeztutako frogen arabera eta kasu bakoitzean aplikatu beharreko titulartasun juridikoari buruzko arauak; ezkontzaren edo izatezko bikotearen araubide ekonomikoaren xedapen arautzaileetan jasotako ondasunen eta eskubideen titulartasun juridikoari buruzko arauak aplikatu beharko dira, baita familia kiden arteko ondare-harremanei kasu bakoitzean aplikatu beharreko legedi zibileko arauak ere).Kasu honetan, aurrezki-kontuaren, aurrezki-planaren (aseguru bat da) eta bonoen eta etekinak % 50ean esleituko zaizkio ezkontide bakoitzari. Akzioen etekinak (ondasun pribatibo bat da, herentziaz jaso baita) haien titularrari esleituko zaizkio % 100ean.

Etekin gisa egotzi beharreko zenbatekoa hau da: printzipala dela-eta jasotako kopuruaren eta interesen (ezeztatze horregatiko komisioan gutxitua, hala badagokio) eta hasieran emandako zenbatekoaren arteko aldea.

Banku-erakundeetatik jasotzen diren opariak, —normalean produktuak kontratatzeagatik, nominak helbideratzeagatik... emandakoak–,eskatutako baldintzak betetzen dituzten pertsona guztiei ematen zaizkienak, gauzazko ordainsariak dira:, beraz, aurrezkiaren oinarriaren kapital higigarriaren etekin bat dira.

Sariaren kasuan, aldaketa bat gertatzen da ondarean, eta horrek balio handiagoa izatea eragiten du. Beraz, ondare-irabazia da, eta, gainera, zergaren oinarri orokorrera joango da, zergapekoaren ondare-elementuen ezein eskualdatzetik ez datorrelako.