web
Lineaz kanpo zaude. Orriaren bertsio hau irakurtzeko soilik da.
close

ERRENTA: AURREZKIA Hipoteka ematen duena onuraduna den asegurua: errendimenduak

Ezintasun iraunkor oso bat aitortu didate; ondorioz, hipoteka-mailegua eman zidan bankua sinatuta nuen hipoteka-maileguari lotutako aseguru-bizitzaren kalte-ordainaren zenbatekoaren onuradun suertatu da. Nola aitortu behar dut errenta-aitorpenean?
Desgaitasun-kontingentziaren ondoriozko kalte-ordainaren zenbatekoak, zeina bankuak onuradun gisa jasotzen baitu zergadunaren hipoteka-zorra osorik edo partez amortizatzeko betebeharrarekin, onuraduna zergaduna bera izan balitz bezalako zerga-tratamendua izango du.

Beraz, zure kasuan, jasotako zenbatekoari 13/2013 Foru Arauaren 9.7 artikuluko salbuespena aplikatu ahal izango diozu, betiere aplikatzeko baldintzak betetzen badituzu.
Nire bankua 200.000 euroko aseguru baten onuradun izan da; istripu baten ondorioz ezintasun iraunkor osoa eman didate, eta mailegutik geratzen den saldoa amortizatu du. Nola aitortu behar dut errenta-aitorpenean?
Bizi-aseguruko kontratu bat daukat, hipoteka-mailegu bati lotua (mailegua amortizatzeko asegurua). Hori dela-eta, istripu baten ziozko ezintasun iraunkor osoa eman didatenez, nire bankua 200.000 euroko onuraduna izan da. 200.000 euroko kalte-ordainarekin, bankuak ezereztu egin du eman zidan hipoteka-maileguan amortizatzeke zegoen saldoa. Nola aitortu behar dut errenta-aitorpenean?

Istripu batek eragindako ezintasun iraunkor osoagatiko kalte-ordaina jaso duzunez, PFEZri buruzko 13/2013 FSren 9.7 artikuluko salbuespena aplikatu dezakezu; ezintasun iraunkor osoaren kasuan,150.000 € da. Beraz, aurrizkiaren zerga-oinarrian kapital higigarriaren kapital gisa tributatu beharreko kopurua 50.000 € da, hau da, kalte-ordainaren zenbatekoaren eta salbuespenaren aldea (200.000€-150.000€).
  • “Eragiketaren zenbatekoa” laukitxoan, aseguru-etxeari guztira ordaindutako zenbatekoa jarri behar da, kasu honetan, 200.000 €.
  • “Salbuetsi gabeko sarrerak” laukitxoan tributatu behar duen zenbatekoa jarri behar duzu (behin salbuetsitako kopua kenduta, PFEZri buruzko 13/2013 FSren 9.7 artikuluko salbuespenerako baldintzak betez gero), kasu honetan 50.000 €.
Nire bankua 200.000 euroko aseguru baten onuradun izan da; gaixotasun baten ondorioz ezintasun iraunkor osoa eman didate, eta mailegutik geratzen den saldoa amortizatu du bankuak. Nola aitortu behar dut errenta-aitorpenean?
Bizi-aseguruko kontratu bat daukat, hipoteka-mailegu bati lotua (mailegua amortizatzeko asegurua). Hori dela-eta, gaixotasun baten ziozko ezintasun iraunkor osoa eman didatenez, nire bankua 200.000 euroko onuraduna izan da. 200.000 euroko kalte-ordainarekin, bankuak ezereztu egin du eman zidan hipoteka-maileguan amortizatzeke zegoen saldoa. Nola aitortu behar dut errenta-aitorpenean?

Gaixotasun baten ondoriozko ezintasun iraunkor osoagatiko kalte-ordaina jaso duzunez, ezin duzu aplikatu PFEZri buruzko 13/2013 FSren 9.7 artikuluko salbuespena; beraz, aurrizkiaren zerga-oinarrian kapital higigarriaren kapital gisa tributatu beharreko kopurua 200.000 € da.
  • “Eragiketaren zenbatekoa” laukitxoan, aseguru-etxeari guztira ordaindutako zenbatekoa jarri behar da, kasu honetan, 200.000 €.
  • “Salbuetsi gabeko sarrerak” laukitxoan ere aseguru-etxeak guztira ordaindutako zenbatekoa jarri behar duzu, PFEZri buruzko 13/2013 FSren 9.7 artikuluko salbuespenerako baldintzak ez betetzeagatik.
Nire bankua 100.000 euroko aseguru baten onuradun izan da; istripu baten ondorioz ezintasun iraunkor osoa eman didate, eta mailegutik geratzen den saldoa amortizatu du bankuak. Nola aitortu behar dut errenta-aitorpenean?
Bizi-aseguruko kontratu bat daukat, hipoteka-mailegu bati lotua (mailegua amortizatzeko asegurua). Hori dela-eta, istripu baten ziozko ezintasun iraunkor osoa eman didatenez, nire bankua 100.000 euroko onuraduna izan da. 100.000 euroko kalte-ordainarekin, bankuak ezereztu egin du eman zidan hipoteka-maileguan amortizatzeke zegoen saldoa. Nola aitortu behar dut errenta-aitorpenean?

Istripu batek eragindako ezintasun iraunkor osoagatiko kalte-ordaina jaso duzunez, PFEZri buruzko 13/2013 FSren 9.7 artikuluko salbuespena aplikatu dezakezu; ezintasun iraunkor osoaren kasuan,150.000 € da.

Beraz, jasotako zenbatekoa dela-eta, ez zenuke tributatu beharko, kalte-ordainaren zenbatekoa (100.000€) salbuespenarena (150.000€) baino txikiagoa baita.

Errentaren aitorpenaren zirriborroan, zenbateko hauek adierazi behar dituzu:
  • “Eragiketaren zenbatekoa” laukitxoan, aseguru-etxeak guztira ordaindutakoa jarri behar duzu, 100.000 €.
  • “Salbuetsi gabeko sarrerak” laukitxoan, 0,00 €, kalte-ordain guztia salbuetsita baitago (PFEZri buruzko 13/2013 FSren 9.7 artikuluko salbuespena aplikatzeko baldintzak betetzen ditu).
Maileguak amortizatzeko asegurua
ERRENTAREN ZIRRIBORROA ALDATU BEHAR DUZU?
 
Atal honetan, "Hipoteka ematen duena onuraduna den asegurua: errendimenduak" izenekoan,  hipoteka-hartzekoduna polizen onuradun bezela duten aseguruen errendimenduei buruzko datuak jasotzen dira.
Beharrezko dokumentazioa
  • Maileguaren amortizazio-aseguruaren poliza.
  • Kalte-ordainaren zenbatekoaren egiaztagiria.
  • Mailegua kitatu eta amortizatu izanaren egiaztagiria.
  • Baliaezintasunaren arrazoia egiaztatzen duen egiaztagiria: istripua, gaixotasuna.
Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.
NOLA ERANTSI DATUAK...
ERANTSI DOKUMENTAZIOA...
AURKEZTU AITORPENA...
IKUSI NIRE AITORPENA PDF  FORMATUAN ?
¿Cómo introducir o modificar los datos? ¿Cómo adjuntar documentación? ¿Cómo adjuntar documentación? ¿Cómo adjuntar documentación?
Deitu, eta zure zalantzak argituko ditugu
946 125 500
Errenta webgunerako sarbidea
 
Aurrez aurreko arreta nahiago baduzu 

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?