Lineaz kanpo zaude. Orriaren bertsio hau irakurtzeko soilik da.
Gozamenaren datuak
Adieraz ezazu, egokia bada, ondorengo baten heriotza-data; dohaintzaren edo uko-egitearen data, gozamena horrek eragin badu. Jatorria beste bat bada, adierazi jabaria banatzea eragin zuen negozio juridikoaren data.
Aukera ezazu Oinordetza, Dohaintza edo beste batzuk.
Aukera ezazu Aldi baterako edo biziarteko gozamena.
Gozamen-motan, aldi baterako gozamena aukeratu bada, urte-kopurua adierazi beharko da.
Adieraz ezazu gozamenaren iraungitze-data.
Aukera ezazu Heriotza, dohaintza edo epe-betetzea.
| 2. Gozamendunaren eta jabe soilaren datuak: |
|
Jabe soila eta gozamendunaren datuak beteko dira. Sortzapen-data: Adieraz ezazu gozamenaren iraungitze-data.
|
Gozamena azkentzearen ondorioz jabaria finkatzen duten jabe soilak, betiere hura Bizkaiko Lurralde Historikoan eratutakoa bada.
653 eredua eta eredu hori betetzeko laguntza programa bat ere, eskura esteka honetan:
Gozamenduna hiltzen bada, epea urtebetekoa izango da, heriotzaren egunetik zenbatzen hasita.
Gainerako kasuetan, hogeita hamar egun baliodun, egintza edo kontratua egin eta hurrengo egunetik zenbatzen hasita.
Gozamena azkentzean ondasun higiezinak duen balio errealaren arabera baloratu behar da ondasun hori. Balio errealak merkatuko balio arrunta izan behar du, hau da, lehia askeko egoeran merkatua ordaintzeko prest dagoen prezioa.
Aldi baterako gozamenaren balioa guztizko balio osoaren proportzioan kalkulatuko da, urtebeteko epealdiko %2, baina %70 gainditu gabe.
Biziarteko gozamenen balioa ondasunen balio osoaren %70 dela joko da, gozamendunak hogei urte baino gutxiago baditu. Zenbat eta zaharragoa izan, orduan eta txikiagoa izango da balioa, hain zuzen ere, %1 gutxiago urte bakoitzeko. Gutxieneko muga, betiere, balio osoaren %10 izango da. Jabetza soileko eskubidearen balioa gozamenaren balioaren eta ondasunen balio osoaren arteko kendura izango da.
Administrazioak balio hori egiaztatu ahal izango du, eta berak ezartzen duen balioa lehenetsiko da interesdunek ezarritakoaren gainetik, nahiz eta azken hori handiagoa izan.
Baina ez da bidezkoa izango balioak egiaztatzea horiek bat badatoz Bizkaiko Foru Ogasunak hiri ondasun higiezinetarako onetsitako gutxieneko balio eratxikigarriarekin.
Azkendutako gozamenetik jabe soilari dagokion banakako zatia.
Jabetza soila eskuratzeko moduak zehaztuko ditu jabe soilak gozamena azkentzerakoan aplikatu ahal izango dituen zerga-oinarriaren murrizketak: ahaidetasunagatik, minusbaliotasunagatik edo ohiko etxebizitzan bizitzeagatik, ohikoenak dira.
Gainera, eskuratzailea Errentaren gaineko Zergan kenkarirako eskubidea duen minusbaliotasun fisiko, psikiko edo sentsoriala duen pertsona bat bada, 100.000 euroko murrizketa aplikatuko da, jaraunsleak edo legatu-hartzaileak kausatzailearekin duen ahaidetasun-mailaren arabera legokiokeena alde batera utzita.
Gozamena azkentzeko orduan, kontuan hartu beharko dira jabetza soila eskuratu zenean aplikatutako murrizketak; hau da, jabe soilak soilik murriztu ahal izango du jabetza soila eskuratu zuenean aplikatu ez zen murrizketaren zenbatekoa. Adibidez, 400.000 € murrizteko eskubidea duen seme edo alaba bat jabetza soila eskuratu zuenean 350.000 € murriztu bazen, gozamena azkentzean 50.000 € baino ez dira murriztuko, eta murrizteko eskubidea duen 400.000 €-ra arte.
Garrantzitsua da azpimarratzea murrizketa horiek eskualdatzailearen eta jabe soilaren arteko harremanean oinarritzen direla, ez jabe soilaren eta gozamendunaren artean.
Likidazio-oinarria karga-eskalara eramaten da, eta likidazio-oinarria eta eskualdatzailearen eta eskuratzailearen arteko ahaidetasun-maila kontuan hartuta ateratzen da zerga-tasa. I. taldeari (ezkontidea, izatezko bikotea -2/2003 legez osatutakoa-, odol-ahaidetasun zuzeneko aurreko edo ondorengo, gurasotzako edo umeordea) 100eko 1,5eko tasa finkoa aplikatuko zaio.
| Oinarri likidakorra (€) | Kuota osoa (€) | Likidazio oinarriaren gainerakoa(€) | Tasa % |
|---|---|---|---|
| 0,00 | 0,00 | 9.230,00 | 5,70 |
| 9.230,00 | 526,11 | 18.450,00 | 7,98 |
| 27.680,00 | 1.998,42 | 18.450,00 | 10,26 |
| 46.130,00 | 3.891,39 | 46.110,00 | 12,54 |
| 92.240,00 | 9.673,58 | 92.220,,00 | 15,58 |
| 184.460,00 | 24.041,46 | 276.650,00 | 19,38 |
| 461.110,00 | 77.756,23 | 461.080,00 | 23,18 |
| 922.190,00 | 184.534,57 | 1.383.230,00 | 28,50 |
| 2.305.420,00 | 578.755,12 | Hortik aurrera | 34,58 |
| Oinarri likidakorra (€) | Kuota osoa (€) | Likidazio oinarriaren gainerakoa(€) | Tasa % |
|---|---|---|---|
| 0,00 | 0,00 | 9.230,00 | 7,60 |
| 9.230,00 | 701,48 | 18.450,00 | 10,64 |
| 27.680,00 | 2.664,56 | 18.450,00 | 13,68 |
| 46.130,00 | 5.188,52 | 46.110,00 | 16,72 |
| 92.240,00 | 12.898,11 | 92.220,00 | 20,52 |
| 184.460,00 | 31.821,66 | 276.650,00 | 25,08 |
| 461.110,00 | 101.205,48 | 461.080,00 | 29,64 |
| 922.190,00 | 237.869,59 | 1.383.230,00 | 35,72 |
| 2.305.420,00 | 731.969,34 | Hortik aurrera | 42,56 |
- Eskaera pribatua edo agiria, Foru Ogasun honi zergaren likidazioa eskatzeko eta erregistratzaileari gozamenaren azkentzea eta jabariaren finkapena eskatzeko.
- Gozamendunaren eta jabe soilaren nortasun agiri nazionalak.
- Gozamena zein tituluren bidez eskuratu zen (jaraunspena, dohaintza) erakusten duen agiria.
- Heriotzaren ziurtagiria (gozamenduna hil bada).
Eskerrik asko zure balorazioa partekatzeagatik, honek zure esperientzia hobetzen laguntzen digu.
Maiz egiten diren galderak
Laguntza gehiago behar duzu?
