Artikulua

Zer kenkari aplikatu dezaket nire sindikatuari ordaindutako kuota dela-eta?

Sindikatuari ordaindutako kuotaren % 20ko kenkari bat aplikatu ahal izango duzu, betiere sindikatua kengarria bada eta zure ekarpena zure datu fiskaletan edo Foru Ogasun honetan jasota badago.

Zer egin dezaket datu fiskaletan nire ekarpena jasota ez badago?

Kenkaria aplikatzeko, ekarpena zure datu fiskaletan jasota egon behar da. Zure datu fiskalak egiaztatu eta/edo Foru Ogasunean kontsulta egin ondoren, ordaindutako kuota jasota ez badago, dagokion sindikatuari eta/edo alderdi politikoari eskatu ahal izango diozu zure ekarpenaren berri eman diezaiola Foru Ogasunari.

Profesionalen elkargoei ordaindutako kuotak kengarriak al dira?

Elkargo profesionalei ordaindutako kuotak ez dira kengarriak, nahiz eta kuota ordaintzea nahitaezkoa izan.

Zer onura fiskal ditu alderdi politiko bati egindako ekarpenak?

Herri-hautapeneko edo izendapen askeko kargu politikoek beren antolaketa politikoari nahitaez emandako kopuruak badira:

Lan-etekinen gastu kengarriak izango dira, aipatutako kargu politikoa betetzean lortutako etekin osoen % 25eko mugarekin, baldin eta errenta-iturri nagusia badira. Errenta-iturri nagusia ez bada, ekarpen guztia lan-etekinetatik kengarria izango da.
Muga hori aplikatu ondoren soberan dauden zenbatekoak badaude, kuota osoari soberakin horren % 20ko kenkaria aplikatu ahal izango zaio.

Afiliazio-kuota bada, kuota horren % 20ko kenkaria aplikatu ahal izango da.

Nolanahi ere, ekarpena (nahitaezkoa edo ez) datu fiskaletan jaso beharko da.

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Alderdi politikoei egindako ekarpenak lan-etekinetatik kengarriak diren gastuak badira, zenbatekoa egiaztatu, editatu edo gehitu ahal izango duzu "alderdi politikoei ekarpenak" azpiatalean, "Soldatak, pentsioak eta antzekoak" atalean.

"Sindikatuen edo alderdi politikoen kuotengatiko kenkaria" atalean, sindikatuei eta/edo alderdi politikoei ordaindutako kuoten zenbatekoak egiaztatu, editatu edo gehitu ahal izango dituzu, bai eta kendu gabeko alderdi politikoei egindako nahitaezko ekarpenen soberakinak ere, lan-etekinen gastu gisa.

Laguntzarik behar duzu?

Nola sartu edo aldatu alderdi politikoei egindako ekarpenak?

Beharrezko dokumentazioa

Euskal Autonomia Erkidegoko sindikatuari ordaindutako kuoten ziurtagiria, hala dagokionean, bai eta (jasota ez badaude) afiliatuaren datuak 182 ereduan sartzeko sindikatuari emandako baimena ere.
Euskal Autonomia Erkidegotik kanpo erregistratutako sindikatuei ordaindutako kuoten kasuan, ordaindutako kuoten ziurtagiria baino ez da aurkeztu beharko.
Hala badagokio, alderdi politikoaren ziurtagiria, dagokion kontzeptuan ordaindutako zenbatekoa adierazten duena, bai eta zerga-ereduaren zuzenketa ere.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.