ERRENTA: KALTE PERTSONALENGATIKO ASEGURUA KOBRATZEA

4/2024 Foru Arauak idazketa berria ematen dio 13/2013 Foru Arauaren 9.7 artikuluak ezartzen du edozein arrazoirengatiko kalte fisiko, psikiko eta moralengatiko aseguru-kontratuetatik eratorritako ordainsariak 150.000 euroraino salbuetsita daudela. Zenbateko hori 200.000 eurokoa izango da, baldin eta lesioak hartzailea edozein okupazio edo jarduera egiteko desgaitzen badu, eta 300.000 eurokoa, baldin eta, horrez gain, hartzaileak beste pertsona baten laguntza behar badu eguneroko bizitzako ekintza funtsezkoenetarako. Ez zaie salbuespen hau aplikatuko aseguru-kontratuetatik eratorritako hartzekoei, baldin eta haien primek edo ordaindutako kopuruek zerga-oinarri orokorra murrizteko eskubidea ematen badute.
Beraz, gertakari edo istripu baten ondorioz sortu ez den gaixotasunaren ondorioz pertsonei eragindako kalteengatiko indennizazioak ere salbuetsita daude, aurreko mugekin.
Muga salbuetsiak gainditzen dituzten jasotako zenbatekoek aurrezkiaren oinarriaren ondare-irabazi gisa tributatuko dute, aseguru indibidual edo kolektibo baten bidez kobratu den kontuan hartu gabe.