Biziarteko errentak aldez aurretik finkatutako eperik ez duten errentak dira, pertsona baten bizitzaren arabera eratzen direnak.
Aurrezpenaren zerga oinarrian integratuko dira kapital higigarrien etekin gisa.
Etekina zehazteko, ehuneko bat aplikatzen zaio jasotako urterokoari, berehalako errenten kasuan. Errenta geroratuen kasuan arretik esandakoari errenta eratu arte lortutako errentagarritasuna gehituko zaio.
Ehuneko hori errentatzaileak errenta eratzeko unean duen adinaren araberakoa da, iraunaldi osoan zehar ez da aldaketarik izango.
Hauek dira aplikatu beharreko ehunekoak:
- %40, jasotzaileak 40 urte baino gutxiago dituenean.
- %35, jasotzaileak 40 -49 urte dituenean.
- %28, jasotzaileak 50 - 59 urte dituenean.
- %24, jasotzaileak 60 - 65 urte dituenean.
- %20, jasotzaileak 66 -69 urte dituenean.
- %8, jasotzaileak 70 urte edo gehiago dituenean.
Errenta eratu arte lortutako errentagarritasuna (errenta geroratuetarako) honela kalkulatzen da:
(Egungo balio finantzario aktuariala– ordaindutako primak)/10 urte.
