Profesionala: konturako ordainketa egiten duen BEZa duen jarduera Adibidea: arkitekto baten faktura proiektu bati dagokion konturako ordainketa egiteagatik

- IGORLEA: Zure identifikazio-datuak eta egin duzun azken fakturaren helbidea agertuko dira.
- HARTZAILEA: sartu zerbitzua jasotzen duen pertsonaren IFZ. Zure datuak goiko barrako HARTZAILEEN KUDEAKETA eremuan sartu badituzu, aukeratu besterik ez duzu egin behar.
- FAKTURAREN GOIBURUA: Aukeratu seriea (berri bat sor dezakezu behar baduzu).

Konturako ordainketak gehituz gero, BEZaren mende daudenez, "Subjektua" hautatu eta datu guztiak bete behar dira, eta egindako konturako ordainketa izango da zerga-oinarria. Eragiketa edo zerbitzua egin ondoren, beste faktura bat jaulki behar da, gainerako zenbatekoarekin eta dagokion BEZarekin. Bi fakturak hiruhileko desberdinetakoak badira, faktura bakoitzari dagokion hiruhilekoan sartu behar da BEZa

- Oina: "Jasandako atxikipenarekin" laukitxoa markatu behar duzu eta jasandako atxikipen-oinarriaren ikonoa sakatu (xehetasun-lerroan erregistratutako datuak kargatuz), baita dagokion atxikipen-ehunekoa hautatu ere. Atxikitako kantitatea zuzenean sartzeko aukera ere baduzu, "Sartu eskuz jasandako atxikipena" laukitxoa markatuz.. Gure adibidean, % 15eko atxikipena aplikatuko diogu konturako ordainketari (7.000) dagokion zerga-oinarriari, hau da, jasanarazitako BEZaren kuota kenduta dagoen zenbateko osoari. "Jasandako atxikipena" eremua bakarrik bete behar da; "Guztizko zenbatekoa" eta "Zenbateko garbia" eremuak automatikoki aldatzen dira, sartutako datuen arabera.

- Oharrak: adierazi zure ustez zer ohar diren. Adibidez: ordaintzeko modua jar dezakezu, edo, BEZik gabe balego, salbuespenaren arrazoia.
- PFEZari buruzko informazioa (LROE 140): klik egin konboan zure jarduera hautatuz (bat baino gehiago izanez gero).
PFEZn zenbatu beharreko diru-sarrera BEZarena ez bada, klikatu SIn eta adierazi zenbatekoa.
Erregistro-liburuan "kobrantza-irizpidea" aukeratu baduzu, klikatu atal honetako laukitxoan