ERRENTA: BATERAKO TRIBUTAZIOA AUKERATZEA Ezkondua edo inskribatutako izatezko bikotea seme-alaba adingabeekin

Kasu horretan, baterako aitorpena egiteko, familia-unitatea izango dira senar-emazteak edo inskribatutako izatezko bikoteak eta emantzipatu gabeko seme-alaba adingabeak eta adin nagusikoak, baldin eta ordezkaritza-ahalmenak dituen kuradoretzapean badaude  (guraso-ahal luzatua edo birgaitua).

Ezkontide edo izatezko bikoteko kideetako batek aurreko harremanetako seme-alabarik badu, judizialki zaintza eta kustodia esleituta duenaren familia-unitatean sartuko dira seme-alaba horiek, salbu eta gurasoen artean sinatutako akordio batean kontrakoa ezartzen bada.

Ezin izango da aldi berean bi familia-unitatetako kide izan.

Urte bakoitzeko 12/31n zehazten da familia-unitateko kideak zeintzuk diren (zergaren sortzapen data), heriotza-kasuetan izan ezik; kasu horretan baterako aitorpena onartuko da nahiz eta familia-unitateko kideren bat ekitaldian zehar hil egin den.

Aitorpena banaka edo batera aurkezteko aukera aldatu daiteke urtero. Urte batean hautatutako aukera ez zaitu hurrengo urteetan modu berdinean aurkeztera behartzen.