web
Lineaz kanpo zaude. Orriaren bertsio hau irakurtzeko soilik da.
close

ERRENTA: AURREKO URTEAN ORDAINTZEKE ZEUDEN GALERAK Aurrezkiaren oinarriko galeren konpentsazioa eta integrazioa

Aurrezkiaren oinarriko galeren konpentsazioari eta integrazioari buruzko zerga-informazioa
Aurrezkiaren oinarria osatzen duten ondare-galerak
Honako hauen ondoriozko errentak:
  • higiezinen eskualdaketa
  • akzioak edo partaidetzak eskualdatzea
  • inbertsio-funtsen itzulketak, harpidetza-eskubideak, kriptomonetak
Oro har, ondare-elementuen eskualdaketetatik eratorritako guztiak aurrezkiaren oinarria osatzen duten ondare-irabazi edo -galeratzat jotzen dira; eskualdaketa batetik eratortzen ez diren ondare-aldaketak, aldiz, oinarri orokorraren parte dira.
Irabazien eta galeren konpentsazioa aurrezkiaren oinarrian
Oro har, ondare-galerak oinarri bera osatzen duten ondare-irabaziekin soilik konpentsatuko dira; hau da, aurrezki-oinarriaren ondare-irabaziak eta -galerak elkarren artean bakarrik konpentsatu ahal izango dira, eta ezingo dira konpentsatu oinarri orokorraren irabaziekin. Era berean, aurrezkiaren oinarriko kapital higigarriaren etekinak elkarren artean konpentsatuko dira soilik.

Lehenik eta behin, ekitaldi/urte berean agertzen diren irabaziak eta galerak konpentsatuko dira, eta konpentsazioak saldo negatiboa ematen badu, saldo hori konpentsatu ahal izango da hurrengo lau urteetan modu berean eta irabazi eta galera mota berarekin agertzen den saldo positiboarekin.

Arau orokorraren salbuespena (aurrezki-oinarriaren galerak oinarri orokorraren irabaziekin konpentsa daitezke):
  • Konpentsazio-araubide malgua MFEei, lehentasunezko partaidetzei eta mendeko zorrari dagokienez (13/2013 Foru Arauaren 28. xedapen gehigarrian ezarritakoa).
  • Mikroenpresa sortu berri edo berritzaileetan inbertitzeagatiko kenkaria aplikatzeko eskubidea ematen duten enpresen akzioak eta/edo partaidetzak eskualdatzeagatiko galeretarako ezarritako salbuespena ( PFEZren 13/2013 Foru Arauaren 90. artikulua), hartzekodunen konkurtso baten edo erakundearen beste likidazio-kasu batzuen ondoriozkoak (PFEZren 13/2013 Foru Arauaren 47.5 artikuluak ezarritakoa).
Galeren konpentsazioa lehentasunezko partaidetzengatik eta mendeko zorragatik
Titulu horiek eskualdatu, itzulti, trukatu edo bihurtzearen ondoriozko kapital higigarri negatiboaren errendimendua aurrezkiaren oinarriaren etekin positiboekin konpentsatzen da. Saldoa negatiboa sortzen bada, hurrengo lau ekitaldietan konpentsatu ahal izango da, edo, bestela, uneko ekitaldiko aurrezkiaren oinarriaren ondare-irabaziekin konpentsatu.

Titulu horien harpidetzaren deuseztasun-deklarazioaren epai bat betearaztearen ondoriozko ondare-galera aurrezki-oinarriaren ondare-irabaziekin konpentsatuko da. Saldoa negatiboa bada, hurrengo lau ekitaldietan konpentsatu ahal izango da, edo ekitaldi honetako aurrezki-oinarriaren etekin positiboekin konpentsatu.
Galerak konpentsatzea kenkarirako eskubidea ematen duten mikroenpresa berritzaileen edo sortu berrien partaidetzak saltzeagatik
Salbuespen gisa, 2022/01/01etik aurrera, enpresen akzioak edo partaidetzak saltzeagatik izandako galerak, mikroenpresa sortu berri edo berritzaileetan egindako inbertsioagatiko kenkaria aplikatzeko eskubidea ematen badute ( PFEZren 13/2013 Foru Arauaren 90. artikulua), hartzekodunen konkurtso batetik edo erakundearen beste likidazio-kasu batzuetatik eratorritakoak, aurrezki-oinarriaren irabazi eta etekinekin konpentsatu ondoren saldo negatiboa ateratzen jarraitzen bazuten, horien zenbatekoa oinarri orokorraren etekinen baturaren ondoriozko saldo positiboarekin konpentsatu ahal izango da, zerga-aldi berean lortutakoak, saldo positibo horren % 25eko mugarekin. Konpentsazio horien ondoren ondare-galerari dagokion saldo negatiboa geratzen bada, zenbatekoa hurrengo lau urteetan konpentsatuko da, aipatutako hurrenkerari jarraituz.       
Oinarri orokorreko galeren konpentsazioa eta integrazioa

ERRENTA ZIRRIBORROA ALDATU BEHAR DUZU?

Gorabehera edo zalantza ohikoenak

"Aurreko urtean konpentsatu gabeko kantitateak" atalean, aurreko ekitaldiko aurrezkiaren oinarriko ondare-galerak agertzen dira.

  • Aurreko ekitaldietan galerak badituzu eta horiek konpentsatu nahi badituzu, dagozkien ekialdieten laukietan sartu beharko dituzu.
  • Ekitaldi honetako edo aurreko lau ekitaldietako lehentasunezko partaidetzen eta/edo mendeko zorraren etekin negatiboak badituzu eta ekitaldi honetako galerekin konpentsatu nahi badituzu, klikatu dagokion laukian.
 
Nola konpentsatu eta integratu aurreko ekitaldietako galerak errentaren zirriborroan?
Beharrezko dokumentazioa
  • Zure autolikidazioak Bizkaitik kanpo aurkeztu bazenituen, likidazio(ar)en kopia, non jasota egon behar diren aurreko urteetako konpentsatu beharreko saldo negatiboak. ​
  • Ekitaldiko galerak jada ez badaude jasota zure datu fiskaletan, konpentsatu nahi dituzun galerak egiaztatzeko frogagiriak. 
Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Berrikusi simulazioa
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
24. errenta kanpaina 2026ko apirilaren 15etik ekainaren 30ra
Aitorpena gure BULEGOETAN aurkeztu, astelehenetik ostiralera, 08:30etik 19:00etara
94 406 6600
Emaitza kontsultatu eta aitorpena aurkeztu TELEFONO bidez
94 608 3000
Emaitza kontsultatu eta aitorpena bide ELEKTRONIKOaz aurkeztu

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?