Artikulua · Autoservicio de clientes

Ondorengoak aurrekoarekin bizi behar du, eta baldintza batzuk bete behar ditu urte bakoitzeko abenduaren 31n, edo heriotza-egunean, lehenagokoa bada.

30 urte baino gutxiago izatea salbu eta ondorengoak desgaitasunagatiko edo mendekotasunagatiko kenkarirako eskubidea sortzen duenean.
Lanbidearteko gutxieneko soldata baino txikiagoak diren urteko errentak izatea.
Ez aurkeztea errenta-aitorpena, eta ez egotea behartuta aurkeztera.

Ondorengoak aldi berean gradu bereko hainbat aurrekorekin bizi badira, kenkaria zati berdinetan aplikatuko da ( % 50).

Epailearen erabakiz ondorengoak ekonomikoki mantentzera behartuta badaude, kenkaria erdibana egingo da guraso bakoitzaren autolikidazioan.

Kenkaria osorik aplikatuko da ( % 100), ondorengoak guraso bakarra duenean, Erregistro Zibilean bakarra agertzen delako edo horietako bat hil delako.

Dagokion zenbateko osoarengatik kenkaria aplika daiteke, semea edo alaba jaio den hilabetea edozein izanda ere, inolako hainbanaketarik egin gabe.

Ondorengoengatiko kenkariaz gainera, 6 urtetik beherako ondorengoengatiko kenkari osagarria aplikatu ahal izango da.

Bi gurasoko familia-unitateen kasuan (ezkontzak edo izatezko bikoteak), "Ondorengoengatik kenkariaren %" laukitxoak aldatu ahal izateko, ezkontidearen edo izatezko bikotekidearen ordezkaritza-gakoa sartu behar da.

Noiz sortzen da zergaren sortzapena?

Urte bakoitzeko abenduaren 31n. edo
Zergaduna hiltzen den egunean, ez bada abenduaren 31n gertatzen.

Kenkarirako eskubidea sortzen duen pertsona zergaldiaren barruan hil bada, kenkariak aplikatzeko kontuan hartuko diren inguruabar familiarrak eta pertsonalak heriotzaren egunean dagoen egoera aintzat hartuz zehaztuko dira. Kenkarien zenbatekoa ez da proportzionalki murriztuko egun horretara arte.

Zergaren sortzapenari buruzko informazioa

ERRENTAREN ZIRRIBORROA ALDATU BEHAR DUZU?

Datu horiek DATU PERTSONALAK ETA FAMILIARENAK menuan edita ditzakezu. Horretarako ERLAZIONATUTAKO PERTSONAK botoia hautatu beharko duzu. Zure ondorengoen datuak aldatu nahi badituzu, PERTSONAREN DATUAK EDITATU botoia hautatu beharko duzu, eta nahi duzuna ondorengoak gehitzea bada, ERLAZIONATUTAKO PERTSONA GEHITU sakatu beharko duzu.

Familia-liburu edo ziurtagiri baliokideaaren fotokopia
Adopzio-ziurtagiria (hala ;badagokio), ez bada aurreko ekitaldietan aurkeztu.
Banantze edo dibortzio kasuetan, besteak beste: Bietako bati %100eko kenkaria egingo zaio, ez bada betetzen mantenurako urteko ordainketa, edo hauek aurkezten badira, ez ordaintzeagatik jarritako salaketa edo zinpeko deklarazioa, zeinaren bidez adierazten den ez dela mantenurako ekarpenik egiten.

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.