Artikulua · Autoservicio de clientes

Zerga-oinarri orokorraren etekinak beren artean integratu eta konpentsatzen dira, mugarik gabe, jarduera ekonomikoen ondoriozkoak izan ezik.
Konpentsazio horren emaitza positiboa edo negatiboa izan daiteke.
Negatiboa bada, lanaren edo kapital higigarriaren etekin negatiboak daudelako izango da (ez jarduera ekonomikoen etekinak direla eta; horiek negatiboak badira, aurreko ekitaldietako izaera bereko etekinekin konpentsatzen dira).
Saldo negatibo horiek osatzen dute likidazio-oinarri orokor negatiboa, eta haren zenbatekoa ondorengo lau urteetan lortzen diren likidazio-oinarri orokor positiboekin konpentsatu daiteke.

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Atal honetan, ekitaldi honetako eta aurreko ekitaldietako zerga-oinarri orokorraren eta likidazio-oinarri orokorraren etekin negatiboak ikusi, aldatu edo islatu ahal izango dituzu.