Artikulua

Nola tributatzen da erabaki judizial bat dela-bide konpentsazio-pentsio gisa kobratutako zenbatekoak?

Erabaki judizial baten ondorioz konpentsazio-pentsio gisa kobratutako zenbatekoak lan-etekintzat hartuko dira hartzailearentzat, eta zirriborroan sartu beharko dira.

Pertsona batek, dibortzio-epai bat dela-bide, bizi den etxebizitza zergapetzen duen hipoteka-kredituaren kuotak kobratzen ditu hilero, konpentsazio-pentsioaren ordez. Zer tratamendu dute hilekoek?

Maileguaren amortizazioa konpentsazio-pentsio gisa egiten bada judizialki onartutako hitzarmen arauemailean hala ezarrita dagoelako, edo, kasu honetan bezala, dibortzio-epai bat dela-bide, kobratutako zenbatekoa lan-etekintzat hartuko da ezkontide hartzailearentzat.

15.000 € kobratu ditut urtean, judizialki ezarritako eta nire ezkontide ohiak ordaindutako konpentsazio-pentsio bat dela eta. Aitorpena aurkeztu behar al dut?

Bai. Aitorpena aurkezteko betebeharra dago konpentsazio-pentsioaren zenbatekoa 14,000 eurokoa edo handiagoa denean. Hala ere, 14.000 eta 20,000 euro arteko zenbatekoen artean, aitorpen laburtua aurkezteko aukera dago, zergadunarentzat mesedegarriagoa bada.

10.000,00 €-ko saria jaso dut enpresan 40 urtez lanean egoteagatik, eta ez dut jaso bi urte baino gehiagotan sortutako lan-etekin gehiago. Hura dela-eta nola tributatzen da?

Lan-etekin pertsonala da. % 50ean egozten da, 5 urtetik gorako sortze-aldia baitu.

Lanarekin eta jarduera ekonomikoekin lotutako sariak

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

Erabaki judizial baten ondorioz konpentsazio-pentsio gisa kobratutako zenbatekoak lan-etekintzat hartuko dira hartzailearentzat, eta zirriborroan sartu beharko dira.

Beharrezko dokumentazioa

Saria behar bezala egotzitako 190 edo 10T ereduan agertzen ez bada, enpresa ordaintzailearen ziurtagiria aurkeztu beharko da, saria ordaintzeko arrazoia egiaztatzen duena.

Egiaztagiriak gorde eta aurkeztu egin beharko dituzu, eskatzen zaizkizunean. Dena dela, aitorpena aurkeztean erantsi ahal izango dituzu, edo, ondoren, Bizkaiko Foru Aldundiaren egoitza elektronikoaren bidez.

NOLA ERANTSI DATUAK...	ERANTSI DOKUMENTAZIOA...	AURKEZTU AITORPENA...	IKUSI NIRE AITORPENA PDF FORMATUAN ?

Deitu, eta zure zalantzak argituko ditugu

946 125 500

Errenta webgunerako sarbidea

Aurrez aurreko arreta nahiago baduzu

Aurretiko hitzordua

ERRENTA: SOLDATAK, PENTSIOAK ETA ANTZEKOAK; BESTE LAN-ETEKIN BATZUK Kobratutako konpentsazio-pentsioa, sariak eta beste lan-etekin batzuk

NOLA ERANTSI DATUAK...

ERANTSI DOKUMENTAZIOA...

AURKEZTU AITORPENA...

IKUSI NIRE AITORPENA PDF FORMATUAN ?

Lagundu hobetzen

Nola baloratzen duzu artikuluaren erabilgarritasuna?