web
Lineaz kanpo zaude. Orriaren bertsio hau irakurtzeko soilik da.
close

ERRENTA: JARDUERA EKONOMIKOAK

Zergadunak Eragiketa Ekonomikoen Erregistro Liburuan aurkeztu dituen datuekin beteta agertuko da atal hau.

Jarduera ekonomikoen etekinei buruzko informazioa
Jarduera ekonomikoaren kontzeptua

Jarduera ekonomikoen etekin osoen kontzeptua

Jarduera ekonomikoen etekin osotzat hartuko dira lan pertsonaletik eta kapitaletik batera, edo horietako bakarretik datozenak, baldin eta zergadunak bere kontura ekoizpen‑baliabideen eta giza baliabideen antolaketa egiten badu, edo bietako baten antolaketa, ondasun edo zerbitzuen ekoizpenean edo banaketan esku hartzeko helburuarekin.

Bereziki, kontzeptu horren barruan sartzen dira erauzketa‑jardueren, fabrikazioaren, merkataritzaren edo zerbitzu‑prestazioaren etekinak, artisautzakoak, nekazaritzakoak, basogintzakoak, abeltzaintzakoak, arrantzakoak, eraikuntzakoak, meatzaritzakoak eta profesionalak barne.

Jarduera profesionaltzat soilik Jarduera Ekonomikoen gaineko Zergaren tarifetako bigarren eta hirugarren ataletan sailkatutakoak hartuko dira.

Ondasun higiezinen errentamenduari edo salerosketari dagokionez, jarduera ekonomikotzat hartuko da soilik lanaldi osoko pertsona bat kontratatuta dagoenean, ahaidetasun‑harreman jakin batzuk baztertuta. Ez da gehiago eskatzen jarduera garatzeko gutxienez jarduera horren kudeaketara soilik bideratutako lokal bat izatea.

2014/01/01etik aurrera aplikagarria den araudia

13/2013 Foru Araua, PFEZren gainekoa. 24. artikulua. Jarduera ekonomikoen etekin osoen kontzeptua (563 KB)

Errendimenduaren kalkulua: diru-sarrerak, gastuak, amortizazioa, etab.

ZUZENEKO ZENBATESPEN NORMALA: Etekin garbiaren kalkulua

Zuzeneko zenbatespenaren modalitate normalaren bidez, jardueren etekin garbia urtean zehar lortutako diru‑sarreren (inola ere ez dira jardueraren diru‑sarrerak kontu korronteetako interesak, eperako ezarpenak, dibidenduak, akzioak, inbertsio‑funtsak…) eta horiek lortzeko egindako gastuen arteko diferentziaren bidez kalkulatzen da, Sozietateen gaineko Zergan ezarritako arauen arabera.

Etekin garbia = Diru‑sarrerak – Gastuak ± Ondare‑aldaketak

Kalkulua egiteko, diru‑sarreren eta gastuen aitorpenetik abiatzen da, nahitaezko kontabilitateko eta erregistroko liburu eta agirietan oinarrituta. Horrez gain, indarrean dagoen araudian ezarritako arau berezi batzuk hartu behar dira kontuan.

ZUZENEKO ZENBATESPEN SINPLIFIKATUA: Etekin garbiaren kalkulua

Zuzeneko zenbatespenaren metodoaren modalitate sinplifikatuaren bidez etekin garbia zehazteko, honela jardungo da:

  • Diru‑sarreren eta gastuen arteko diferentzia kalkulatuko da, baina gastutzat hartu gabe: hornidurak, amortizazioak eta jarduerari atxikitako ondare‑elementuen irabaziak eta galerak, Sozietateen gaineko Zergaren Foru Arauak eta PFEZrenak ezarritakoaren arabera.
  • Aurreko letran aipatutako diru‑sarreren eta gastuen arteko diferentzia kalkulatuko da, eta lortutako zenbatekoa gutxituko da, amortizazioen, horniduren eta justifikazio zailko gastuen kontzeptuan, honela:
    • 2025eko ekitalditik aurrera:
      • %20an, aurreko ekitaldiko diferentzia 35.000 €‑tik gorakoa ez bada
      • %15ean, aurreko ekitaldiko diferentzia 35.000 €‑tik gorakoa eta 85.000 €‑tik gorakoa ez bada
      • %10ean, aurreko ekitaldiko diferentzia 85.000 €‑tik gorakoa bada
  • 2022, 2023 eta 2024ko zergaldietan, %15ekoa zen.

Emaitzari jarduerari atxikitako ondare‑elementuen irabaziak gehituko zaizkio edo galerak kenduko zaizkio, PFEZren Foru Arauak ezarritakoaren arabera.

Aurreko ekitaldietako galeren eta/edo etekin negatiboen konpentsazioa Ordainketa zatikatuak
2025eko ekitaldiko jarduera ekonomikoen errendimenduari buruzko berrikuntzak
Jarduera ekonomikoa hasteagatiko murrizketa

2025eko ekitaldiko berrikuntzak

Jarduera ekonomikoa hasteagatik aplikatu beharreko murrizketa (13/2013 FAko 25. artikulua)
  • Etekin garbi positiboaren %10eko murrizketa mantentzen da, etekin positiboa dagoen lehen zergaldian eta hurrengoan.
  • Emakumeentzako hobekuntza bat sartzen da; izan ere, %15eko murrizketa aplikatu ahal izango dute.
  • Murrizketa ezingo da aplikatu diru‑sarreren %50 baino gehiago aurreko urtean zergadunak lan egin zuen entitate batetik badatoz.

2024arekiko aldaketak

  • Murrizketa %10ekoa zen pertsona guztientzat, emakumeentzako %15eko igoerarik gabe.
  • Baldintzak antzekoak ziren, baina ez zegoen generoaren araberako tratamendu bereizturik.
Ibilgailuei lotutako gastu kengarriak Bizkaian, zuzeneko zenbatespen normalean
Zuzeneko zenbatespenaren metodoaren modalitate normalean etekin garbia zehazteko (13/2013 FAko 27. art.), ibilgailuei lotutako gastu kengarriei dagokienez: mugak handitzen dira, eta are gehiago ibilgailu elektrikoen kasuan.

1. Jarduerarako garrantzitsua den ibilgailua (erabilera EZ esklusiboa)

a) Amortizazioa, errentamendua edo balio‑galera
  • Ibilgailu arruntak: gehienez 3.000 € edo 30.000 €‑ri amortizazio‑portzentajea aplikatzearen emaitzaren %50 (kalkulu hori txikiagoa bada).
  • BEV, REEV, FCV eta FCHV ibilgailu elektrikoak / teknologia garbiak: gehienez 4.000 € edo 40.000 €‑ri amortizazio‑portzentajea aplikatzearen emaitzaren %50 (kalkulu hori txikiagoa bada)
b) Erosketaren finantza‑gastuak
  • Ibilgailuak 30.000 € baino gehiago balio badu (edo 40.000 € ibilgailu elektrikoetan), finantza‑gastuen %50 baino ez da kenkaria izango, 30.000/40.000 € horiei proportzionalki dagokien zatian.
c) Erabilerari lotutako beste gastu batzuk
  • Gehienez 3.600 € urtean.

2. Jarduerarako erabilera ESKLUSIBOA duen ibilgailua

a) Amortizazioa, errentamendua edo balio‑galera
  • Ibilgailu arruntak: gehienez 6.000 €, edo 30.000 €‑ri amortizazio‑portzentajea aplikatzearen emaitza (txikiagoa bada).
  • Ibilgailu elektrikoak edo teknologia garbietakoak: gehienez 8.000 €, edo 40.000 €‑ri amortizazio‑portzentajea aplikatzearen emaitza (txikiagoa bada).
b) Finantza‑gastuak
  • Finantza‑gastuen %100, baina soilik 30.000 € edo 40.000 €‑ri dagokion zatian, ibilgailuak gehiago balio badu.
c) Erabilerari lotutako beste gastu batzuk
  • Gehienez 7.200 € urtean.

2024arekiko aldaketak

  • Muga txikiagoak: lehen 25.000 € ibilgailuentzat, eta ez zegoen muga bereizi alturik ibilgailu elektrikoentzat.
  • Gehieneko kenkari‑zenbatekoak txikiagoak ziren (2.500 €, 3.000 €, 6.000 €…).
Errendimendu garbiaren zehaztapena modalitate sinplifikatuan
13/2013 FAko 28. artikuluaren bidez, aurreko urteko etekin garbiaren arabera justifikatu gabeko gastuetarako, amortizazioetarako eta narriaduretarako aplikatu beharreko portzentajea aldatzen da:
  • 35.000 € edo txikiagoa bada: 20% 
  • 35.000 € baino handiagoa eta 85.000 € edo txikiagoa bada: 15% 
  • 85.000 € baino handiagoa bada; 10%
2024arekiko aldaketak
  • Zergadun guztientzat 10%eko portzentaje bakarra zegoen.
  • Ez zegoen tarte progresiboen sistemarik.
Nekazaritza- eta abeltzaintza-jarduerak (modalitate sinplifikatua)
(33. artikulua, 47/2014 FD)
  • Justifikazio zailko gastuetarako, amortizazioetarako eta narriadurarako 70% ko portzentajea sendotzen da.
  • Abeltzaintza independentean, lotutako zerbitzuetan eta BEZaren araubide berezitik kanpo geratzen diren nekazaritza/abeltzaintza lanetan aplikagarria.
  • 55 urtetik gorakoek 2021ean ezarritako portzentajea (35% ) aplikatzea aukeratu ahal izango dute.
2024arekiko aldaketak 
  • Ez zegoen nekazaritza- edo abeltzaintza-jardueretarako portzentaje indarturik.
Xedapen Iragankor Bakarra, 59/2025 FD – Modalitate sinplifikatuaren aukera berezia (nekazaritza eta abeltzaintza)
  • 2025eko PFEZaren aitorpenean bertan modalitate sinplifikatua aukeratu edo ezeztatu ahal izatea onartzen da.
  • Salbuespenezko aplikazioa, soilik nekazaritza- eta abeltzaintza-jardueretarako.

2024arekiko aldaketak

  • Aukera araudian aurreikusitako ohiko epeetan egin behar zen.
  • Ez zegoen aukera ekitaldiko aitorpenean bertan ondoren gauzatzeko.
Salgaien errepideko garraioa
(35. artikulua, 47/2014 FD)
  • Justifikazio zailko gastuetarako, amortizazioetarako eta narriadurarako 70% ko portzentajea sendotzen da.
  • IAEko 722 epigrafeko jarduerei aplikatzen zaie.
Jarduera artistikoak
(35bis artikulua, 47/2014 FD)
  • Jarduera artistikoetarako berariazko artikulu berria.
  • Justifikazio zailko gastuetarako, amortizazioetarako eta narriadurarako 40% ko portzentajearen aplikazioa.
  • Jarduera artistikoen zerrenda zabala definitzen da: sorkuntza bisuala/plastikoa, zuzeneko arteak, ikus-entzunezkoa, musika, zirkua, laguntzaile teknikoak eta jarduera osagarriak.
  • X gisa kalifikatutako jarduerak edo oinarrizko eskubideak urratzen dituztenak baztertzen dira.
2024arekiko aldaketak
  • Artikulua ez zegoen.
  • Jarduera artistikoak %10eko erregimen orokorrean sartzen ziren.
  • 40%aren sarrerak tratamendu fiskal bereiziagoa eta onuragarriagoa dakar.

ERRENTA ZIRRIBORROA ALDATU BEHAR DUZU?

Gorabehera edo zalantza ohikoenak
Ez dut Eragiketa Ekonomikoen Erregistro Liburua (EEEL) aurkeztu eta ez zaizkit datuak Jarduera Ekonomikoen atalean agertzen. Nola egin dezaket aitorpena?
Zerga-egoitza Bizkaian duten pertsona fisiko eta errentak esleitzeko araubidean dauden erakunde guztiek Eragiketa Ekonomikoen Erregistro Liburua  aurkeztu behar dute, jarduera ekonomikoen erregistro-liburuko datuak jasotzen dituena.
EEEL aurkeztu beharko duzu errenta-aitorpena aurkeztu aurretik.
Ondoren, jarduera ekonomikoen ataleko laukitxoak bete beharko dituzu, datu ekonomikorik gabe egongo baitira.
Eragiketa Ekonomikoen Erregistro Liburuko (EEEL) daturen bat aldatu nahi baduzu
Errenta-aitorpena aurkeztu aurretik, zure EEELa zuzendu edota 140 ereduaren ordezko aitorpena egin behar duzu. Halaber, zure errenta-aitorpenaren zirriborroa zuzendu beharko duzu.

Beraz, ekitaldi berean 140 eredua eta EEELa aurkeztu badituzu eta datuak bikoiztu badituzu, EEELaren datuak zuzendu, 140 ereduaren ordezko aitorpena egin eta errenta-aitorpenaren zirriborroa zuzendu behar duzu.
Basogintzako jarduerak. Mendi bat moztu du

Zure zirriborroan zure baso-jarduerari dagozkion diru-sarrerak eta atxikipenak ( % 2) irauliko dira.

Jarduera ekonomikoen atalean hautatutako metodoa zuzeneko zenbatespen normala bada, aldatu egin beharko duzu Zuzeneko zenbatespen sinplifikatua, epigrafearen kodea 45300 (Baso-ustiapena) da.

Gastuei dagozkien laukiak itzalatu egingo dira.

Aukeratu bai ala ez "Birpopulatze" laukitxoan dagokion gastu-koefizientea aplikatzeko ( % 65 edo % 80).

Adibidea: Pertsona batek 70.438 €jaso ditu pinu batzuk mozteagatik, eta % 2ko atxikipena egin diote: 1.408,76 €.



   




   
Ikastaroak eta hitzaldiak

Hitzaldiak, ikastaroak edo lankidetzak, lan- edo estatutu-harremanik ez badute, jarduera ekonomikoaren errendimendu-izaera izango dute, zergaduna EJZn alta emanda ez badago ere.
 

EJZn alta emanda nago, baina aurten ez dut jarduerarik egin. Nola helarazi aitorpenera?

«Jarduerarik gabe» laukia markatu beharko duzu, eta jardueraren identifikazio-datuak beteta daudela egiaztatu.

 

Beharrezko dokumentazioa
Zure errenta zirriborroan agertzen diren datuekin desadostasunik badago, datu berriak justifikatzen dituzten egiaztagirien arabera aldatu ahal izango dituzu.

Egiaztagiriak gorde eta aurkeztu egin beharko dituzu, eskatzen zaizkizunean. Dena dela, aitorpena aurkeztean erantsi ahal izango dituzu, edo ondoren Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Berrikusi simulazioa
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
24. errenta kanpaina 2026ko apirilaren 15etik ekainaren 30ra
Aitorpena gure BULEGOETAN aurkeztu, astelehenetik ostiralera, 08:30etik 19:00etara
94 406 6600
Emaitza kontsultatu eta aitorpena aurkeztu TELEFONO bidez
94 608 3000
Emaitza kontsultatu eta aitorpena bide ELEKTRONIKOaz aurkeztu

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?