ERRENTA: SOLDATAK, PENTSIOAK ETA ANTZEKOAK; KALERATZEAK, ERRETIROAK ETA ERRETIRO AURRERATUAK Aseguru kolektiboak

• Istripuaren ondorioz langilea hiltzen bada, Oinordetza eta Dohaintzen gaineko Zerga ordainduko da.
• Hiltzen ez bada, prestazioa PFEZean ordainduko da .

Kalte fisiko, psikiko edo moralen ondorioz jasotako kopuruak salbuetsita daude, 150.000 euroraino.
Kopuru hori 200.000 eurora handituko da, lesioak kalte-ordainaren jasotzailea gaitasunik gabe uzten badu edozein lan edo jardueratarako. Kopurua 300.000 euro izango da, baldin eta jasotzaileak beste norbaiten laguntza behar badu eguneroko jarduera oinarrizkoenak egiteko.

• Oro har, % 60an tributatuko dute.
• % 100ean honako hauek: Erretiroagatiko primak, urte bi edo gutxiago badituzte edo errenta gisa jasotako erretiro- eta baliaezintasun-prestazioak badira.
• % 25ean, baldin eta langileari egotzi bazaizkio eta honako primak badira:
  • Erretiroagatiko primak: jasotzen diren data baino 5 urte baino lehenago ordaindutako primei badagozkie. Ehuneko bera aplikatuko da, halaber, lehenengo prima ordaindu zenetik 8 urte baino gehiago igaro badira (1994ko abenduaren 31tik aurrera egindako aseguru-kontratuetarako).
  • Baliaezintasun iraunkor osoa, erabatekoagatiko eta baliaezintasun handiagatiko prestazioa edo 8 urte baino gehiagoko antzinatasuna duten kontratuetatik eratorritako baliaezintasunagatiko prestazioak(1994ko abenduaren 31tik aurrera egindako aseguru-kontratuetarako).

100eko 100etik beherako integrazio-ehunekoak aplikatuko zaizkien etekinak ezin izango dira 300.000 eurotik gorakoak. Zenbateko horretatik gorako soberakina % 100ean integratuko da.