ESKUALDAKETAK: ERRENTAMENDUA Dokumentu publikoan etxebizitzarako ez den higiezinaren errentamendua

Errentamendua eta erosketa-aukera BEZaren araberakoak eta salbuetsi gabekoak dira. Beraz, EJDengatik zerga ordaindu behar dute eskritura publikoan dokumentatzen badira.

Zerga-oinarria eta zerga-tasa:

• Errentamenduak EJDengatik zerga ordaindu behar du osatzean (hileko batez besteko errentaren % 0,5).
• Erosketa-aukerak ere % 0,5eko zerga ordainduko du hurrengoetatik balio handiena duena hartuta: erosketa-aukera eta higiezinaren prezioaren % 5 (bidezkoa bada).

Eman beharreko urratsak:

1. Bete 600 eredua eta emaitza ordaintzea bada, ordaindu finantza-erakunde kolaboratzailean.
2. Bilboko Bizkaiko Foru Ogasunean edo hipoteka-erregistroaren likidazio-bulegoetan aurkezpen-tokia eredua betea (eta ordainketa egina dagoela egiaztatuta) entregatzea, honako dokumentazioarekin batera:
   • Eskritura publikoaren originala eta fotokopia, eragiketa dokumentatzeko.
   • Subjektu pasiboaren eta pertsona partaideen IFZren fotokopia.

Aurkezteko epea: Autolikidazioa, agiriekin batera, 30 egun baliodunen epean aurkeztuko da, egintza edo kontratua egiten denetik zenbatzen hasita. Dokumentu judizialak direnean, egintza edo kontratua ebazpen judiziala irmoa den egunean gauzatuko da.

Estekak:

• Informazio osoa
• 600 eredua

Derrigortasun telematikoa

• Jarraibide harturik bere xedapen gehigarri bakarraren lehen apartatuan ezartzen duena BFAren azaroaren 24ko 100/2020 Foru Dekretuak, zeinaren bidez aldatzen baita, Administrazio Elektronikoaren arloan, BLHko Zergak Kudeatzeko Erregelamendua, gestoriek eta notariotzek telematikoki aurkeztu beharko dute, nahitaez, poliza-agirien eta eskritura publikoen kasuan eta 2021eko urtarrilaren 1etik sortutako zerga-egitateei dagokienez, OE eta EJD zergaren 600 eredua.
• Halaber, nahitaezkoa izango da partikularren arteko mailegu-kontratuak telematikoki aurkeztea ("Giltza" atalean identifikatu ondoren, zuzenean sartuko da izapidea egin daitekeen orrian).