Artikulua

Zein kasutan aplikatzen da langileek enpresan duten parte hartzeagatiko kenkaria?

Zergadunek kenkari hau zergaldian besteren konturako langile gisa lan egiten duten erakundean akzioak edo partaidetzak erosteko ordaindutako kopuruen gainean aplikatuko dute.

Betekizunak:

Baloreek ez dute negoziaziorako onartuta egon behar
Erakundeek mikroenpresak edo ETEak izan behar dute
Eskuraketa edo harpidetza langile guztiei egindako eskaintza batetik eratorri behar da, baldintza berberetan guztiontzat.
Langile bakoitzak, bere ezkontideak eta senideek ez dute izan behar % 5etik gorako partaidetzarik.
Baloreek gutxienez 5 urtez eduki behar dira zergadunaren ondarean.

Zeintzuk dira langileek enpresan parte hartzeagatiko kenkariaren ehunekoak eta mugak?

Zergadunak eskudirutan ordaindutako zenbatekoen % 10 kendu ahal izango du, zenbateko horiek lan egiten duen entitateko edo sozietate-taldeko beste edozein entitateko akzio edo partaidetzak erosi edo harpidetzeko badira. Oro har, kenkariaren zenbatekoaren gehieneko muga 1.200 € izango da. Inbertitutako zenbatekoak euskal administrazio publikoak eratutako funtsen maileguetatik badatoz, muga 6.000 €-koa izango da.

Handitu ahal daiteke langileek baterako aitorpenean parte hartzeagatiko kenkaria?

Kenkari horren urteko gehieneko kopurua ez da gehitzen baterako aitorpenaren kasuan, eta ez dira hainbanatzen, zergaldia urtea baino laburragoa bada.

Artikulu honetan jasotako informazioak 2024ko ekitaldiko errenta-aitorpenerako balio du. Hala ere, arau-aldaketak onartu dira, eta 2025eko edo 2026ko aitorpenean jarriko dira indarrean. Xehetasunak hurrengo estekan kontsulta ditzakezu: 2/2025 Foru Arauak sartutako aldaketak.

Informazio hori aldez aurretik berrikustea gomendatzen dizugu, nobedadeen berri izateko.

ERRENTAREN ZIRRIBORROA ALDATU BEHAR DUZU?

"Langileek enpresan parte hartzeagatiko kenkaria" atalean, besteren konturako langile gisa zerbitzuak ematen dituzun enpresaren akzioak edo partaidetzak eskuratzeko edo harpidetzeko bideratutako zenbatekoa islatu ahal izango duzu.

Beharrezko dokumentazioa

Akzioak edo partaidetzak eskuratu edo harpidetu diren entitateak emandako ziurtagiria, PFEZren 13/2013 FAren 89.2 artikuluko baldintzak betetzen direla egiaztatzen duena.
Egindako erosketaren edo harpidetzaren ordainagiria

Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, ondoren, Bizkaiko Foru Aldundiaren egoitza elektronikoaren bidez.

NOLA ERANTSI DATUAK...	ERANTSI DOKUMENTAZIOA...	AURKEZTU AITORPENA...	IKUSI NIRE AITORPENA PDF FORMATUAN ?

Deitu, eta zure zalantzak argituko ditugu

946 125 500

Errenta webgunerako sarbidea

Aurrez aurreko arreta nahiago baduzu

Aurretiko hitzordua

GALDETZEN ARI DIRA...

Enpresako partaidetzak

ERRENTA: KENKARIAK Kenkaria langileek enpresan parte hartzeagatik

NOLA ERANTSI DATUAK...

ERANTSI DOKUMENTAZIOA...

AURKEZTU AITORPENA...

IKUSI NIRE AITORPENA PDF FORMATUAN ?

Lagundu hobetzen

Nola baloratzen duzu artikuluaren erabilgarritasuna?