Errentaren zirriborroari datuak eman aurretik, honako balio hau kalkulatu behar dugu:
Bestelako gastu kengarriak
Maileguaren interesak
Kalkuluak egin ondoren, ErrentaWeb aplikazioan sartuko gara, eta datuak emango ditugu erregistro bat erantsita, kontzeptu honekin: beste higiezin batzuen alokairuagatiko diru-sarrerak.
Pertsona batek baino gehiagok errentamenduengatik etekinak jasotzen baditu, zergadunari dagozkion diru-sarrerak eta gastuak adierazi beharko dira; adibidez, alokairuagatiko diru-sarrerak 8.000 €badira eta higiezinaren jabeak% 50 badira, bakoitzak 4.000 €adierazi beharko ditu diru-sarrera gisa. Gauza bera gastuekin.
Adibidea: Ikerrek (errentatzailea), maiatzaren 1etik aurrera, merkataritza-lokal bat errentan eman dio Carmeni (maizterra), zeinak berttan ostalaritzako jarduera ekonomiko bat garatzen duen. Hileko alokairuaren zenbatekoa 1.000 € da.
Ikerrek 2015ean erosi zuen merkataritza-lokala, 200.000 € gehi BEZa ordainduta (ez dakigu eskuratze-balioaren zati bat lurzoruaren balioari dagokion). Finantzatzeko, 150.000 euroko mailegu bat eskatu zuen, eta, horren bidez, 3.000 euroko interesak ordaindu ditu.
Emandako adibiderako, honako hau kalkulatuko dugu:
Mailegu-interesak: urteko interesak x (alokatutako egun-kopurua/urteko egun-kopurua) = 3.000 €x (245 egun/366 egun) = 2.008,20 €
Bestelako gastu kengarriak: 2.108,61€
OHZ: 133,88€= 200 €x(245 egun/365 egun)Katastro-ziurtagiriaren arabera, katastro-balioa 60.000 €da; horietatik 35.000 €lurzoruaren balioari dagozkio.
Asegurua: 100,41€= 150 €x(245 egun/365 egun)
Komunitatea: 200,82€= 300 €x(245 egun/365 egun)
Lokalaren benetako balio-galeragatiko amortizazioa: eskuratze-balioaren% 3 (lokaleko lurzoruaren balioa kenduta*):1.673,50€
Balio-galeragatiko amortizazio-gastua = 0.03 x (Eraikuntza KB/ Guztira KB) x Eskuraketa-balioa x (245 egun/365 egun) = 1.673,50 €
*Lurzoruaren balioa ezagutzen ez denean, ordaindutako eskuratze-kostua urte bakoitzeko lurzoruaren eta eraikuntzaren katastro-balioen artean hainbanatuta kalkulatuko da.
Ikerrek honako hauek ere aurkeztu beharko ditu Errentaren zirriborroan:
Aitortu beharreko alokairuagatiko diru-sarrerak: 8.000 €= (1.000 € x 8 hilabete, BEZa kontuan hartu gabe, eta PFEZren atxikipena deskontatu gabe)
Konturako atxikipenak/sarrerak: 1.520 €= (190 € x 8 hilabete)
Tutoretza-bideo honetan erregistroa nola bete adieraziko dizugu.
OHARRA: bideoak eta/edo adibideak ekitaldi honetarako baliagarriak dira (nahiz eta batzuk aurreko ekitaldiei buruzkoak izan
