Errenta: ondasunen salmenta eta transferentzia. Sariak

Sozietate zibilak (nortasun juridikoa izan zein ez), jaraunspen jasogabeak, ondasun-komunitateak eta ZFAOko 34. artikuluko 3. idatz-zatiak aipatzen dituen gainerako entitateak eta, bereziki, atzerrian eratutako entitateak, haien izaera juridikoa eta Espainiako legeen arabera eratu diren errenta-esleipeneko araubideko entitateena berdina edo antzekoa bada.

EEAEei dagozkien errentak bazkide, jaraunsle, erkide edo partaideei esleituko zaizkie, jardueraren izaeraren edo jatorri duten iturriaren arabera.

Erakundeak jarduera ekonomiko bat garatzen badu, jarduera horren etekinek kalifikazio bera izango dute jardueran modu pertsonal eta zuzenean esku hartu ohi duten erakundeko bazkide, jaraunsle, erkide edo partaideentzat.

Erakundeko bazkide, jaraunsle, erkide edo partaideen esku-hartzea kapital -ekarpenera mugatzen bada, gehienez egotz daitekeen etekina jarritako kapitalaren % 15 izango da.

Errentak eratxikitzeko araubidea ezin zaie aplikatu testamentu-ahalordea baliatzeko zain dauden ekitaldiko jarauntsiei.

Gozamendunik izanez gero, errentak gozamendunari esleituko zaizkio, eta, gozamendunik ez badago, jarauntsiak berak tributatzen du.