web
Lineaz kanpo zaude. Orriaren bertsio hau irakurtzeko soilik da.
close

ERRENTA: aurrezkia Negozio baten errentamendua

OHARRA: bideoak eta/edo adibideak ekitaldi honetarako baliagarriak dira (nahiz eta batzuk aurreko ekitaldiei buruzkoak izan
 
Zer zerga-kalifikazio du jardueran dagoen negozio baten errentamenduak (tabernak...)?
  1. Negozioaren errentamendua dela-eta sortutako zenbatekoek kapital higigarriaren etekin gisa ordaintzen dute zerga, eta Zerga Oinarri Orokorraren parte dira.
  2. Laguntza teknikoaren prestazioen, ondasun higigarri, negozio edo meategien errentamenduaren eta azpierrentamenduen ondoriozko etekin garbia zehazteko, behar diren gastu guztiak onartzen dira. Gastu horien baturak ezin du eragin aipatutako negozio juridiko bakoitzerako etekin garbi negatiborik.
  3. 2021eko ekitaldirako, gainera, “Alokairuaren beherapena”gatiko zerga-abantailak aplika ditzakezu, baldintza jakin batzuk betetzen badituzu.
  4. Aurreko 2. atalean aipatutako gastuak honako hauek izan daitezke:
  • Etekinen jatorri diren ondasunak eskuratu, birgaitu edo hobetzeko lortutako maileguen interesak eta gainerako finantza-gastuak.
  • Tributuak, tasak, administrazio-gastuak, zaintza, atezaintza edo antzekoak. Errentamenduak eta azpierrentamenduak formalizatzeagatiko gastuak.
  • Kontserbazio- eta konponketa-gastuak, aseguru-primen zenbatekoa, zerbitzu- edo hornidura-gastuak.
  • Higiezina eta harekin batera lagatako ondasunak amortizatzeko kopuruak, betiere benetako balio-galerari erantzuten badiote.
  • Kobrantza zalantzagarriko saldoak, honako egoera hauetako bat justifikatzen bada:
    • Zorduna konkurtso-egoeran egotea.
    • Zergadunak egindako lehenengo kobrantza-gestioaren unetik zergaldiaren amaiera bitartean 6 hilabete baino gehiago igarotzea, eta kredituaren berritzea ez gertatzea.
    • Zalantzazko saldo bat kenkaria egin ondoren kobratzen bada, sarrera gisa konputatuko da, kobrantza gertatu den ekitaldian.
Negozio bat daukat errentan, eta COVID-19 pandemiak sortutako egoera ekonomikoaren ondorioz, negozioaren errentariarekin alokairua jaistea adostu dut. Ba al dut onura fiskalik?
2021eko ekitaldian, edozein jarduera-sektoretara bideratutako negozio baten errentatzaileek, baldin eta alokairuaren prezioa jaistea adostu badute, zerga-gastu kengarri gisa sartu ahal izango dute alokairuaren beherapenaren zenbatekoa; horren ondorioz ezingo da sortu etekin negatiborik. Alokairuaren diru-sarrerek ezin badute alokairuaren beherapen osoa xurgatu, gastu gisa aplikatu ez den alokairuaren beherapenaren zenbatekoaren gainean kenkari bat aplikatuko da: kuotaren %15ekoa.
Kuota nahikoa ez izateagatik kendu ez diren zenbatekoak hurrengo urtean amaitzen den zergaldian aplikatu ahal izango dira.
Alokairua jaisteko betekizunak:
  •  Errentamendu-kontratu hauetarako:
    • Negozio-lokalak eta pabilioiak
    • Ekonomia-jarduerak egiten diren etxebizitzak.
    • Industria: negozio-arrendamentuak
  • Beherapena borondatez eta 2020ko martxoaren 14tik aurrera adostu behar da.
  • Beherapenak gutxienez 2021ko hiru hilabetez iraun behar du; eta ondoren ezin da, ez konpentsatu, ez berreskuratu..
  • Haren aplikazioa aitorpena aurkeztean hautatu behar da, eta ezingo da aldatu aitorpena aurkezteko borondatezko epea amaitu ondoren.
Ezin da aplikatu pertsona edo erakunde errentariak errentatzailearekin lotuta badaude egoera hauetako batean:
Negozio bat daukat errentan, eta errentariak (maizterrak) aurten ez dizkit ordaindu hileko kuota batzuk. Aitortu behar al dut kobratu gabeko hileko kuoten alokairua?
Negozio-alokairuen kasuan, kapital higigarriaren etekinak direnez, sortutako alokairuengatik ordaindu behar da zerga, nahiz eta ez dauden kobratuta.
Kobrantza zalantzagarriko saldoak gastu kengarri gisa aplika daitezke, baldin eta bi egoera hauetakoren bat justifikatzen bada:
  • Zorduna konkurtsoan egotea.
  • Zergadunak egindako lehenengo kobrantza-gestioaren unetik zergaldiaren amaiera bitartean 6 hilabete baino gehiago igarotzea, eta kredituaren berritzea ez gertatzea. Zalantzazko saldo bat kenkaria egin ondoren kobratzen bada, sarrera gisa konputatuko da, kobrantza gertatu den ekitaldian.
Nola aitortu behar dut negozio baten errentamendua?
Ikerrek (errentatzaileak), 2021. urte osoan, ostalaritza-negozio bat du errentamenduan. Hileko alokairuaren zenbatekoa 1.000 € da; baina, COVID-19 pandemiak sortutako egoera ekonomikoaren ondorioz, Ikerrek eta negozioaren errentariak erabaki zuten 2021-01-01etik 2021-06-30era hileko alokairuaren zenbatekoa 300 € jaistea. Ostalaritza-negozioa garatzen den lokalaren erosketa-balioa 200.000 € da (ez dakigu erosketa-balioaren zer zati dagokion lurzoruaren balioari). Bere garaian erosketa finantzatzeko 150.000 €-ko mailegua eskatu zuen; 2021ean 3.000 €-ko interesak ordaindu ditu. Ikerrek, negozioaren errentatzaile gisa, gastu hauek ere baditu:
- OHZ: 200 €. Katastroko egiaztagiriaren arabera, katastro-balioa 60.000 € da; haietatik 35.000 € lurzoruari dagozkio.
- Asegurua: 150 €.
- Jabekideen erkidegoa: 300 €.

Soluzioa:
  • Alokairuagatik sortutako sarrerak 10.200 € = (700€ x 6 hilabete + 1.000€ x 6 hilabete), BEZ gabe.
  • Ken ditzakeen gastuak:
    • Alokairua jaisteagatiko gastua 1.800 € = (300 € x 6 hilabete).
  • Gainerako gastuak: 5.650 € = (3.000 €+200 €+150 €+300 €+2.500 €).
    • Maileguaren interesak: 3.000 €,
    • OHZ; 200 €,
    • Asegurua; 150 €
    • Jabekideen erkidegoa; 300 €
    • Amortizazioa: 2.500 €.
(*) Lokalaren benetako balio-galeragatiko amortizazioa: erosketaren balioaren %3, lokalaren lurzoruaren balioa kenduta. (*)
(**) Lurzoruaren balioa zein den jakin ezean, ordaindutako eskuraketa-balioa lurzoruaren eta eraikuntzaren urteko katastro-balioen artean hainbanatuz kalkulatuko da. 

Katastroko balio osoa = lurzoruaren katastro-balioa + eraikuntzaren katastro-balioa.
Amortizazioa = (0.03 x eraikuntzaren balio katastrala x eskuraketaren Balioa) / Balio katastrala guztira

Lokalaren balio-galeragatiko amortizazio-gastuaren kalkulua,
Balio katastrala guztira 60.000 €; Lurzoruaren katastro-balioa: 35.000 €,
Eraikuntzaren katastro-balioa: 25.000 € (60.000 €-35.000 €).
Lokalaren erosketa-balioa: 200.000 €,
Balioa galtzeagatiko amortizazioa: 2.500 € =(% 3 x 25.000 € x 200.000 €)/60.000 €

Ohikoena da “Ordaintzailearen IFZ”, “Ordaintzailearen izena”, “Sarrera osoak" eta "Atxikipenak/Konturako Sarrera” laukitxoen datuak zure aitorpenaren zirriborroan jasota egotea, errentariak eman baititu. Zirriborroan ez badaude, gehitu egin behar dituzu.
“Mota” laukitxoan, goitibeherakoan, “Beste etekin batzuk” aukeratu behar duzu.
Sartu beharreko datuak lehenago kalkulatutako gastuen zenbatekoa da.
  • Gastu kengarriak: 5.650 €
  • Alokairuaren beherapena: 1.800 €
Ikerrek (errentatzaileak) eta HOSTELEROS SAk (errentariak) lotura badute SZaren 11/2013 FAren 42.3 artikuluan ezarritako moduan (adibidez: HOSTELEROS SAren kapital sozialean Ikerrek duen partaidetzaren ehunekoa % 25 edo handiagoa da), 'Mota' laukitxoan 'Lotutako eragiketetatik datozen etekinak' aukera hautatu behar da, eta 'Alokairuaren beherapena' laukia ezingo litzateke aktibatu, kasu honetan ezin baita aplikatu alokairu-beherapenaren onura fiskala.
Azpierrentamendua
Negozio baten errentamenduak
Oinarri orokorrean integratu beharreko kapital higigarriaren etekinak.
ERRENTAREN ZIRRIBORROA ALDATU BEHAR DUZU?
 
Atal honetan, "Negozio-errentamendua", negozio-errentamendu gisa jasotako errendimenduei dagozkien datuak islatzen dira.
Beharrezko dokumentazioa
  • Negozio-errentamenduko kontratuak, azpierrentamenduak.
  • Zergaldiko alokairua kobratu izanaren frogagiriak.
  • Gastuen frogagiriak.
  • Alokairua jaisteko akordioaren egiaztagiria, hala badagokio.
Egiaztagiriak gorde eta aurkeztu egin beharko dituzu, eskatzen zaizkizunean. Dena dela, aitorpena aurkeztean erantsi ahal izango dituzu, edo ondoren Bizkaiko Foru Aldundiaren egoitza elektronikoaren bidez.
NOLA ERANTSI DATUAK...
ERANTSI DOKUMENTAZIOA...
AURKEZTU AITORPENA...
IKUSI NIRE AITORPENA PDF  FORMATUAN ?
¿Cómo introducir o modificar los datos? ¿Cómo adjuntar documentación? ¿Cómo adjuntar documentación? ¿Cómo adjuntar documentación?
Deitu, eta zure zalantzak argituko ditugu
946 125 500
Errenta webgunerako sarbidea
 
Aurrez aurreko arreta nahiago baduzu 

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?