web
Lineaz kanpo zaude. Orriaren bertsio hau irakurtzeko soilik da.
close

ERRENTA: HIGIEZINAK ETA ANTZEKOAK ALOKATZEAGATIKO DIRU-SARRERAK Beste onura batzuk (gozamenaren eraketa edo lagapena eta beste batzuk)

Nola tributatzen da pertsona baten aldeko gozamen bat eratu ondoren jasotako zenbatekoa dela-eta?
Etxebizitza baten gaineko aldi baterako gozamen bat eratu dut, 6 urterako, pertsona baten alde, 30.000 €-ko zenbatekoan. Nola tributatu behar da jasotako zenbatekoa dela eta?

Ondasun higiezinen gaineko eskubide errealak eratzearen ondoriozko etekinak direla-eta zerga kapital higiezinaren etekin gisa tributatzen da zerga-oinarri orokorrean, eta 2 edo 5 urtetik gorako aldian sortzen badira ere, kasu guztietan % 100ean konputatzen dira; beraz, 30.000 euroak.

PFEZari buruzko 13/2013 FAren 30.1 eta 30.3 art.
Nola tributatuko da nire jabetzako orube baten azalera-eskubidea elektrizitate-konpainia bati egindako lagapena dela eta?
Zergadun batek bere jabetzako orube baten azalera-eskubidea laga dio elektrizitate-enpresa bati. Lagapena 20 urterako da, eta 20.000 € jasoko ditu zergadunak. Nola tributatzen da?

Azalera-eskubidea ondasun higiezin baten gaineko eskubide erreala da; beraz, eskubide hori eratzetik eratorritako etekinak, zerga ordaintzeari dagokionez, kapital higiezinaren etekinak izango dira, eta % 100ean integratuko dira zerga-oinarri orokorrean, sortze-aldia 10 urte bada ere.

PFEZari buruzko 13/2013 FAren 30.1 eta 30.3 art.
Kalte-ordaina jaso dut desjabetze batengatik: hau da kalte-ordaina: bide-zorra edo lursailak aldi baterako okupatzea. Hura dela-eta nola tributatzen da?
Bide-zorraren eskubidea ondasun higiezin baten gaineko eskubide erreala da; beraz, eskubide hori eratzetik eratorritako etekinak, zerga ordaintzeari dagokionez, kapital higiezinaren etekinak izango dira, eta % 100ean integratuko dira zerga-oinarri orokorrean.

PFEZari buruzko 13/2013 FAren 30.1 eta 30.3 art.
Lokalaren errentamendu-kontratua formalizatzean nire alde eratu zen fidantzaren zenbatekoarekin geratu naiz. Nola tributatu behar dut kopuru hori dela-eta?
Lokal bat errentamenduan eduki dut, eta errentamendu-kontratua formalizatzean nire alde eratu zen 4.000 euroko fidantzaren zenbatekoarekin geratu naiz, errentamendu-kontratua amaitzean. Fidantzatik kobratutako 4.000 euroak lokalean sortutako kalteengatiko kalte-ordain gisa jaso ditut. Zenbateko hori dela-eta nola tributatu behar dut?

Lokalean sortutako kalteengatik errentariak (maizterra) errentatzaileari ordaindu dion zenbatekoa, zerga ordaintzeari dagokionez, kapital higiezinaren etekintzat hartuko da, eta nabarmen modu irregularrean lortutako etekin bat edenez, % 50ean sartuko da zerga-oinarri orokorrean , kontuan hartuta zer mugaren gainean (300.000€) aplikatu daitekeen integrazio-ehunekoa.

Kapital higiezinaren diru-sarrera osoak: 4.000€.

Honela sartuko dira erga-oinarri orokorrean: :
  • 4.000€ % 50ean = 2.000€.
Nola tributatu behar dut nire jabetzakoa den merkataritza-lokal bateko maizterrak lokala eskualdatzeagatik jasotako zenbatekoa dela eta?
Alokatuta dagoen merkataritza-lokal baten jabea naiz, eta nire aurreko maizterrak, 2021eko abenduan, lokala eskualdatzen zuen. Eskualdatze horrengatik 375.000 € jaso ditut. Zenbateko hori dela-eta nola tributatu behar dut?

Lokalaren eskualdatzea dela eta errentatzaileak jasotako zenbatekoa, zerga ordaintzeari dagokionez, kapital higiezinaren etekintzat hartuko da, eta nabarmen modu irregularrean lortutako etekin bat denez, % 50ean sartuko da zerga-oinarri orokorrean , kontuan hartuta zer mugaren gainean (300.000€) aplikatu daitekeen integrazio-ehunekoa.

Kapital higiezinaren diru-sarrera osoak: 375.000 €.

Honela sartuko dira zerga-oinarri orokorrean:
  • 300.000 € % 50ean=150.000€.
  • 75.000€ % 100ean (375.000€-300.000€ integrazio-mugagatik).
Guztira sartu beharrekoa: 225.000€ = 150.000€ + 75.000€.

PFEZari buruzko 13/2013 FAren 30 art.,
PFEZaren Erregelamenduaren 47/2014 FDaren 39. art.

ERRENTA ZIRRIBORROA ALDATU BEHAR DUZU?

Atal honetan higiezinei (etxebizitzak barne) buruzko erabilera- edo gozamen-eskubide errealak (Usufruktua, zortasunak, etab.) eratzetik edo lagatzetik datozen etekinei buruzko datuak jasotzen dira, baita beste batzuei buruzkoak ere, hala nola: errentariak, azpierrentariak edo lagapen-hartzaileak higiezinean izandako kalte edo kalteengatik jasotako kalte-ordainak, edo negozio-lokalaren errentamendu-eskubidea eskualdatzeagatik edo lagatzeagatik lortutako zenbatekoak.

Etekin horiek zerga-oinarri orokorrean sartuko dira.

Beharrezko dokumentazioa
  • Diru-sarrerak lortu direla egiaztatzen duen agiria: errentamendu-kontratua, aurretik aurkeztu ez badu, gozamena, zortasuna eta abar eratzea.
  • Errendimenduak kobratu izanaren frogagiriak.
  • Gastuen frogagiriak eta, hala badagokio, alokairua jaisteko akordioa.
Egiaztagiriak gorde eta aurkeztu egin beharko dituzu, eskatzen zaizkizunean. Hala ere, aitorpena aurkeztean erantsi ahal izango dituzu, edo, gero, Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola ikusi dokumentu bakar batean nire adierazpen osoa?
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Deitu, eta zure zalantzak argituko ditugu
946 125 500
Errenta webgunerako sarbidea
 
Aurrez aurreko arreta nahiago baduzu 

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?