ERRENTA: Nola jardun nahi duzu?

Alargun bat badago 

Ezkontideetako edo izatezko bikotekideetako bat hiltzen bada, ezkontidearen edo bizirik dirauen izatezko bikotekidearen alde. Inskribatutako ordezkaritzak 5 urteko balioa izango du, heriotzaren datatik zenbatzen hasita.
Ezkontideak edo bizirik dirauen izatezko bikotekideak hirugarren bati ordezkaritza ematen dionean zerga-administrazioaren aurrean, ordezkaritza hori eman zaiola ulertuko da hildako zergadunari dagokionez, berariaz kontrakoa adierazten ez bada.
Hala ere, hildakoaren oinordekoek aurka egiteko eskubidea baliatu ahal izango dute, Ahalordetzeen erregistrotik, ordezkaritzaren ofiziozko inskripzioaren aurka, ezkontidearen edo bizirik dagoen izatezko bikotekidearen alde.
Horretarako, beren izaera egiaztatu beharko dute.
 

Alargunik ez badago

Ondorengoek beren izaera egiaztatu eta Ahalordetzeen erregistro elektroniko orokorrean inskribatzeko eskatu beharko dute, zerga-arloko legezko ordezkaritza gisa. Horretarako, honako agiri hauek aurkeztu beharko dituzte:

• Azken borondateen ziurtagiria
• Hildakoaren ziurtagiria edo abintestato jaraunslearen edo familia-liburuaren deklarazio-akta edo ziurtagiri baliokidea
• Jaraunspena onartzeko eta esleitzeko akta

• Ordezkari gisa inskribatu ondoren (eskaera egin ondoren, 24 orduko epean egun baliodunean), zure BAKarekin Errenta WEBean sartzen bazara, "Ordezkari" aukera izango duzu eta zuzenean aurkeztu ahal izango duzu aitorpena (hildakoaren edo ondorengoaren kontu bat jarrita).
• Hirugarren bati ere eman diezaioke ordezkaritza, bere izenean aurkez dezan. Horretarako, deskribatutako inskripzioa egiteaz gain, borondatezko ahalordetze bati alta eman beharko dio Ahalordetzeen Erregistrotik /erlaitzetik, ordezkari legal-oinordeko gisa jardunez/Gehitu ordezkaria/borondatezko emakida/Ogasun eta Finantza Sailean edozein administrazio-jarduera hautatu ahal izango du, edo soilik zerga-aitorpenak/PFEZ/Pertsona Fisikoen Errentaren gaineko Zergaren aitorpena aurkeztea gaia.

Ordezkaritza 3. bati eman dakioke, adierazpena bere izenean aurkezteko. Horretarako, hildakoaren legezko ordezkari gisa inskribatu ondoren, borondatezko ahalordetze bati alta eman beharko diozu.

• Sar zaitez www.ebizkaia.eus egoitza elektronikoan eta identifika zaitez zure identifikazio elektronikorako bitartekoarekin.
• Sartu ahalordetzeen erregistroan; "Nire izapideak" menutik eta "Ordezkaritza" sakatuta.
• "Legezko ordezkari/oinordeko" gisa jardunez, sakatu "Ordezkatua erantsi" eta aukeratu "Borondatezko ahalordetzea ematea" aukera.
• Egiaztatu datuak zuzenak direla eta sakatu "Hurrengoa" botoia.
• Aurkezpena amaitzeko, "Sinatu" sakatu behar da.

Inskribatutako oinordekoak berak, hirugarren pertsonak, gaitutako ordezkariak, ordezkaritza eska dezake Ahalordetzeen Erregistroa ataletik:

• «Nik ordezkatzen dut» erlaitza
• Gehitu ordezkatutako pertsona
• Borondatezko emakida gaitua izateko eskabidea, aldez aurretik zerga-arloko legezko ordezkari gisa inskribatutako ondorengoa eskatzaile gisa adieraziz.