web
Lineaz kanpo zaude. Orriaren bertsio hau irakurtzeko soilik da.
close

ERRENTA: OHIKO ETXEBIZITZAN INBERTITZEAGATIKO KENKARIA Birfinantzaketa

Birfinatzaketaren kontzeptua eta motak
Birfinantzaketaren kontzeptua eta motak
Birfinantzaketa lehendik dagoen zor baten terminoak birnegoziatzea da, baldintza onuragarriagoak lortzeko, hala nola interes tasa jaistea, ordaintzeko epea luzatzea edo hainbat zor kuota erabilgarriago bakar batean bateratzea, mailegua egungo finantza egoera erosoago batera egokituz eta hileko karga murriztuz.

Birfinantzaketa-motak:
  • Erakunde berarekin (Berritzea): jatorrizko mailegu-kontratua aldatzea edo ordeztea dakar, finantza-erakunde berarekin, baina baldintza desberdinekin.
  • Erakunde-aldaketa (Subrogazioa): Baldintza hobeak eskaintzen dituen beste finantzario bat bilatzen da, jatorrizko maileguaren indarraldiari eutsiz.
  • Kitatzea eta irekitzea: Aurreko zorra beste mailegu bat formalizatuz azkentzea. Mailegu hori jatorrizko mailegutik amortizatzeko dagoen saldoaren zenbateko berekoa edo handiagoa izan daiteke. Kasu horretan, mailegu berria % 100etik beherako portzentajean kengarria izango litzateke.
Ohiko etxebizitzaren jabe bakarra eta hipoteka-maileguaren titular batzuk, baina jabeak bakarrik ordaintzen ditu kuotak. Kuoten % 100 ken dezakezu?

Mailegu bat kitatzeak eta beste batekin ordezkatzeak (finantza-erakunde berarekin edo beste batekin kontratatuta), normalean baldintza onuragarriagoetan eta lehenengoa kitatuta, ez du eragozten amortizatutako kopuruaengatik eta mailegu berriaren interesengatik kenkaria aplikatzen jarraitzea.

Nire ohiko etxebizitza finantzatzen duen mailegu bat ezeztatzen dut, zati batean kengarria zena beste batekin ordezkatzeko. Nola kalkulatzen da kenkariaren ehuneko berria?
Demagun mailegua kengarria zela % 80an. Lehenik eta behin, mailegu berriaren nominala konparatu behar da birfinantzaketaren datan zaharretik falta den saldo kengarriarekin ( % 80 bakarrik da kengarria). 1.a 2.a baino handiagoa bada, mailegu berria kengarria izango da, mailegu zaharraren saldo kengarria mailegu berriaren saldo nagusiarekin zatitzeko proportzioan. Birfinantzaketa-gastuak guztiz kengarriak izango lirateke.
Mailegua ezeztatu eta beste batekin birfinantzatuko dut. Adibidea.
Etxebizitzaren erosketa finantzatzeko, Anek 120.0000 euroko mailegu nominala eskatu zion finantza-erakunde bati. Mailegu hori % 100ean kengarria zen, eta 2021eko ekitaldiaren hasieran amortizatzeko zegoen kapitala 78.000 eurokoa zen. 2021-05-31n, 75.000 € amortizatzeko geratzen zitzaizkionean, 100.000 € nominaleko beste mailegu bat eskatu zion beste finantza-erakunde bati, baldintza onuragarriagoetan. Mailegu berri honekin lehengo mailegua amortizatzeko geratzen zaion kapitala birfinantzatuko du eta sukaldea berrituko du. 2021-05-31ra arte 3.000 € amortizatu ditu eta 400 € interesak (mailegu zaharra) ordaindu ditu. Data horretatik aurrera, 2.000 € ordaindu ditu amortizazioan eta 500 € interesetan (mailegu berria). 

Kasu hontan, mailegu berriaren ehuneko kengarria kalkulatu beharko litzateke (programak automatikoki egiten du), eta zirriborroan hainbat balio erregistratu (horietako batzuk aitorpenean kargatuta etorriko dira):

Mailegu berriaren ehuneko kengarria:
(Mailegu zaharretik ordaintzeko dagoen saldoa birfinantzaketa-datan/mailegu berriaren nominala) x100= (75.000/100.000) x100=75%

Mailegu zaharraren amortizazioa eta interesak:
Amortizazioa = 3.000 € ; Interesak = 400 €

Mailegu berriaren amortizazioa eta interesak:
Mailegu berriaren amortizazioa = 2.000 ( % 75eko kengarria)
Mailegu berriaren interesak = 500 ( % 75eko kengarria)

Datu horiek sartzeko, Anek bi erregistro gehitu beharko ditu, honako balio hauekin:

Mailegu-gakoa duen lehen erregistroa:
Maileguaren nominala: 120.000 €//Ekitaldiaren hasierako saldoa: 78.000/// mailegu kengarria %: %100// Maileguaren amortizazioa: 3.000 €/// Maileguaren interesak: 400 €
Birfinantzaketa klabea duen bigarren erregistroa:
Maileguaren nominala: 100.000 €//Ekitaldiaren hasierako saldoa: 75.000/// mailegu kengarria %: % 75 (programak kalkulatzen du)// Maileguaren amortizazioa: 2.000 €/// Maileguaren interesak: 500 €
 
Kenkariaren ehunekoak eta mugak
36 urtetik beherakoak
  • Ehuneko kengarria: % 23
  • Kenkariaren muga: 1.955 € (8.500 €-ko inbertsioaren baliokidea).
  • Baterako aitorpena aukeratzen bada eta batek tasa gehitua jasotzeko eskubidea badu eta beste batek ez, gehitutako tasa inbertitutako guztizkoari aplikatuko zaio.
Familia ugariak, guraso bakarrekoak, genero-indarkeriaren biktimak edo arrazoi horrengatik adingabe bat hartu dutenak, edo % 65eko desgaitasuna edo handiagoa duten pertsonak, edo azken horien mendekoak eta bizikideak.
  • Kenkariaren ehunekoa: % 23
  • Kenkariaren muga: 1.955 € (8.500 €-ko inbertsioaren baliokidea).
  • Baterako aitorpena aukeratzen bada eta batek tasa gehitua jasotzeko eskubidea badu eta beste batek ez, gehitutako tasa inbertitutako guztizkoari aplikatuko zaio.
  • Honako pertsona hauek aplikatu ahal izango dute tasa gehitua (36 urtetik beherakoez gain):
    • Familia ugariaren titularrak direnak.
    • 13/2013 Foru Arauaren 98.1 artikuluaren B) eta C) letretan aipatzen den familia-unitate bateko kide direnak:
      • Guraso bakarra dagoenean (ordezkaritza-ahalmenak dituzten kuradoretzapean dauden edo modu iraunkorrean harreran hartutako seme-alaba adingabe edo nagusiekin batera)
      • Zergadunak edo zergadunek eta aurreko puntuan aipatutako pertsonek osatutakoa, baldin eta haien zaintza etxeko indarkeria edo genero-indarkeria egiaztatuagatik eman bazaio.
    • Autonomia pertsonala sustatzeari eta mendetasun-egoeran dauden pertsonak zaintzeari buruzko abenduaren 14ko 39/2006 Legeak ezarritako mendetasun-egoeraren balorazio-baremoa onartzen duen otsailaren 11ko 174/2011 Errege Dekretuan aurreikusitakoaren arabera % 65eko edo gehiagoko desgaitasuna aitortuta dutenak edo mendetasun-graduren bat aitortuta dutenak, bai eta aurrekoekin bizi direnak ere.
    • Erregelamendu bidez ezarritako moduan egiaztatutako etxeko indarkeriaren edo genero-indarkeriaren biktimatzat hartzen direnak.
Gainerako kasuak
  • Kenkariaren ehunekoa: % 18
  • Kenkariaren muga: 1.530 € (8.500 €-ko inbertsioaren baliokidea).
Oinarri likidagarriagatiko murrizketa (2026-01-01etik aurrera erositako etxebizitzetarako)
  • Ezin izango da aplikatu etxebizitza erosteagatiko kenkaria, erosketarekin parekatuagatikoa (birgaitzea, konturako ordainketak, handitzea, obrak...) edo alokairuagatikoa, baldin eta zergadunak 68.000 euroko edo gehiagoko oinarri likidagarri orokorra edo, hala badagokio, aurrezkiaren oinarri likidagarria badu.
  • Hala ere, etxebizitza-kontu bat irekita eta kenduta bazenuen eta/edo eraikitzen ari zen etxebizitzaren konturako ordainketa bat egin eta kendu bazenuen 2026-01-01a baino lehen, konturako ordainketak eta etxebizitzaren erosketa kendu ahal izango dira eskura dagoen oinarri likidagarritik.

ERRENTA ZIRRIBORROA ALDATU BEHAR DUZU?

Gertakari edo zalantza ohikoenak

Aurreko urteetako beste etxebizitza-mailegu bat ordaintzeko edo ordezteko mailegu berria eskatu baduzu, informazio hori eguneratu behar duzu aitorpenean.

Zer egin behar duzu?

  • Sartu zaitez «Etxebizitzako inbertsioa» pantailan.
  • Hautatu «Birfinantzaketa» gakoa.
  • Aldatu maileguaren datuak, informazio berriarekin bat etor daitezen.
Zer egin behar dut hipoteka birfinantzatu badut beste gastu batzuk taldekatzeko?
  1. Sartu zure etxebizitzari dagokion atalean. Idatzi ETXEBIZITZAKO INBERTSIOA bilatzailean.
  2. Egiaztatu lehengo finantza-erakundearen maileguaren erregistroa eta kitapen-egunera arte egindako ordainketak jasota daudela ziurtatu.
  3. Kalkula ezazu birfinantzatutako saldoaren zenbatekoa.
  4. Alda ezazu bigarren erregistroa, mailegu berriari dagokiona, «Birfinantzaketa deritzon gakoan.

Ikus dezagun adibide bat erabiliz: Anek 2015ean erosi zuen bere etxea, 250.000 euroren truke. Martxoan, bankuz aldatzea erabaki zuen interesak hobetzeko eta, bide batez, autoa erosteko diru gehiago eskatu zuen.

  • Mailegu zaharra:
    • Jatorrizko mailegutik ordaintzeke dagoen saldoa: 150.000 €(hau da, etxebizitzakoa).
    • itapenaren aurretik amortizatutako kapitala: 5.000 € eta 1.250 € interesetan.
  • Mailegu berria:
    • Eskatutako kapitala:175.000 € (150.000 € etxea ordaintzekoa eta 25.000 € autoa erosteko).
    • Kapital amortizatua eta interesak: 4.000 € eta 1.000 € interesetan.

Datuak Errentaren zirriborroan adierazi aurretik, honako hauek kalkulatu behar dira:

  • Birfinantzaketa-saldoa: Jatorrizko maileguaren 01-01 saldoa – Jatorrizko maileguaren amortizazio-kapitala = 150.000 – 5000 = 145.000 €.

Jarraian, informazio hori Errentaren zirriborroan nola sartu behar duzun azalduko dizugu.

  1. Sartu zure etxebizitzari dagokion atalean. Idatzi ETXEBIZITZAKO INBERTSIOA bilatzailean.
  2. Aurkitu jatorrizko maileguaren erregistroa; sakatu «Ekintzak» zutabeko «hiru puntuen» gainean eta gero «Editatu».
    1. Adierazi «01-01 saldoa/birfinantzaketaren saldoa» delakoaren zenbatekoa. Gure adibidean: 150.000 €, jatorrizko mailegutik urtarrilaren 1ean amortizatzeko dagoen kapitalari dagokiona.
    2. Egiaztatu «Maileguaren amortizazioa» eta «Maileguaren interesak» laukien zenbatekoak zuzenak direla. Maileguaren amortizazioan ageri den zenbatekoa idatziz jaso behar duzu.captura de pantalla indicativa de las casillas de las cuales obtener el dato
  3. Kalkula ezazu birfinantzatutako saldoaren zenbatekoa.
    1. Birfinantzatutako saldoa = Jatorrizko maileguaren 01-01 saldoa - Ekitaldi honetako maileguaren amortizazioa = 150.000 – 5.000 = 145.000 €.
  4. Aurki ezazu mailegu berriaren erregistroa:
    1. Aldatu gakoa eta jarri «Birfinantzaketa».
    2. Saldoa: 01-01/Birfinantzaketaren saldoa: idatzi kalkulatutako balioa: 145.000 €. Datu hori emanda, programak mailegu berriaren ehuneko kengarria kalkulatuko du (% 82.86).
    3. Egiaztatu mailegu honen zenbateko amortizatua eta interesak zuzenak direla. Guztizko zenbatekoak agertu behar dira lauki horietan. Programak proportzio kengarria aplikatuko du.captura de pantalla indicativa de las casillas a tener en cuenta para el prestamo refinanciado
    4. Gorde egizu informazioa.

Hurrengo bideoa beste ariketa bati dagokio, baina kasu honetarako ere balio du. Bi erregistroak nola adierazi jasotzen da bideoan, hau da, jatorrizko maileguaren eta birfinantzatutakoaren informazio guztia zelan adierazi.

Beharrezko dokumentazioa
  • Mailegu zaharraren banku-egiaztagiria, honako bi kontzeptu hauek egiaztatzen dituena:
    • Birfinantzaketa-egunera arte maileguaren kuota arrunt gisa ordaindutako interesak eta amortizatutako zenbatekoak.
    • Maileguaren kitapen-data eta amortizatzeko dagoen saldoa birfinantzaketa-datan.
  • Informazio fiskalean agertzen ez bada: Lehengo mailegua birfinantzatzeko erabilitako mailegu berriaren eskriturak eta ekitaldian ordaindutako kuoten (amortizazioa eta interesak) banku-egiaztagiria.
Egiaztagiriak gorde beharko dituzu, eta eskatzen zaizkizunean aurkeztu. Hala ere, zure aitorpena aurkeztean erantsi ahal izango dituzu, edo geroago Bizkaiko Foru Aldundiaren egoitza elektronikoaren bidez.
Kontsultatu zure zirriborroa, zuzendu datuak eta deskargatu zure errentaren laburpen osoa
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Berrikusi simulazioa
Zure aitorpena dokumentu bakar batean ikusi nahi baduzu, likidazioaren simulazioa erabili ahal izango duzu. Hasierako pantailan, interesatzen zaizun aukeran (aitorpen indibiduala edo bateratua), Datu fiskalak, aitortutako datuak eta kalkuluak hautatuta, koadro bat irekiko da. Bertan, nabigatzailearen fitxa berri batean likidazioaren simulazioa ikusi ahal izango dugu; dokumentua bistaratu, gorde edo inprimatu ahal izango duzu.
 

Zure aitorpen osoa eta horren kontzeptu guztiak ikusiko dituzu, baita sistemak azken emaitzara iristeko egindako barne-kalkuluak ere (oinarriak, kuotak...). Gainera, aitorpenean identifikatutako atal bakoitzaren xehetasuna bistaratu ahal izango duzu, azpimarratutako elementuetan klik eginez.

 

Nola bistaratu edo aldatu daturen bat?
Sar zaitez zure adierazpenaren zirriborrora; egiaztatu zure datuak eta, hala badagokio, alda itzazu modu errazean. Gogoratu atal bakoitzean, laguntza-botoia duzula;
Botón de ayuda

¿Laguntza behar duzu?

Erantsi edo aldatu nahi duzun gaiari buruzko informazio zehatza aurkituko duzu.

Daturen bat zuzena ez dela ikusten baduzu, erraz alda dezakezu:

  1. Sar zaitez egoitza elektronikotik zure adierazpenean: Identifikatu zaitez zure gako edo ziurtagiri digitalarekin.

  2. Bilatu datu okerra duen atala: Nabigatu menuan dagokion atala aurkitu arte (adibidez, diru-sarrerak, kenkariak, etab.).

  3. Klikatu "Ekintzak" eta "Editatu" ikonoetan: Aldatu nahi duzun datuaren ondoan agertuko da.

  4. Sartu balio zuzena eremu honetan: Egiaztatu datua dagokiona dela.

  5. Gorde aldaketak: Sakatu "Gorde" botoia informazioa eguneratzeko.

  6. Berrikusi likidazioaren simulazioa: Egiaztatu kalkuluak behar bezala eguneratu direla aitorpena aurkeztu aurretik.

Amaitu aurretik, berrikusi datu guztiak, akatsak eta ondorengo izapideak saihesteko.


OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola lortu errenta aitorpenaren kopia?
Aurkeztu eta hurrengo egunetik aurrera, adierazpena behar bezala aurkeztu dela egiaztatu nahi bada, sortutako espedientearen jarraipena egin nahi bada edo, besteak beste, aurkeztutako adierazpena deskargatu nahi bada, egoitza elektronikora jo beharko da eta NIRE ESPEDIENTEAK atalean sartu. Hemen, zure aitorpenarekin egin diren jardueren kronograma bat eta espedienteari erantsitako dokumentazioa aurkitu ahal izango dituzu, eta, beharrezkoa izanez gero, espedienteari dagozkion izapide berriak hasi ahal izango dituzu.
Kontsultatu zure zirriborroa, zuzendu datuak eta deskargatu zure errentaren laburpen osoa

Lotutako edukirik gabe.

Nola erantsi dokumentazioa?

Datuak jasota ez daudenean edo datuak aldatu behar direnean soilik aurkeztu behar dituzu egiaztagiriak.

Zure adierazpenean dokumentuak aurkeztu behar badituzu, erraz egin dezakezu aplikaziotik:

  1. Sar zaitez zure adierazpenean egoitza elektronikotik: Identifikatu zaitez zure gako edo ziurtagiri digitalarekin.
  2. Aurkitu "Erantsi dokumentazioa" aukera: menu nagusian agertzen da, eta klip baten ikonoa du, erraz identifika dezazun.
  3. Aukeratu adierazpen-egilea eta atala: Leiho bat irekiko da fitxategia hautatzeko.
  4. Aukeratu fitxategia zure ordenagailutik edo gailutik: Ziurtatu formatua baliozkoa dela (PDF, JPG, etab.).
  5. Dokumentuaren igoera berretsi: Sakatu "Dokumentuak erantsi" botoia prozesua osatzeko.
  6. Egiaztatu dokumentua behar bezala kargatu dela: Fitxategiaren izena erantsitako dokumentuen zerrendan ikusiko duzu.
  OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 

Zergadunak behartuta egongo dira egiaztagiriak gordetzera eta Zerga Administrazioko organo eskudunen aurrean erakustera, hala eskatzen zaienean. Hala ere, aitorpenak aurkezten dituzten bitartean aurkeztu ahal izango dituzte, edo, ondoren, Bizkaiko Foru Aldundiaren egoitza elektronikoaren bidez.

Nola aurkeztu aitorpenarekin batera aurkeztu ez den dokumentazioa?

Errenta-aitorpena aurkeztu ondoren, agiriak egoitza elektronikotik bidal ditzakezu:

  1. Sartu egoitza elektronikoan.
  2. Sakatu "Nire izapideak" goiko botoia "Nire espedienteak" atalean.
  3. Aukeratu zure adierazpenari dagokion espedientea.
  4. Klikatu "Tributu dokumentazioaren ekarpena" aukeran.
  5. Aurkeztu nahi den dokumentazioaren deskribapena adierazi.
  6. Sakatu "Erantsi" botoia.
  7. Hautatu fitxategia: Egiaztatu formatua baliozkoa dela (PDF edo irudia).
  8. Egiaztatu dokumentua behar bezala kargatu dela, eta sakatu "Bidali".

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
Nola aurkeztu aitorpena?

Zure aitorpena aurkeztea erraza eta segurua da. Urrats hauek baino ez dituzu egin behar:

  1. Sartu zure gako edo ziurtagiri digitalarekin.
  2. Berrikusi simulazioa: Aurkeztu aurretik, likidazioaren simulazioa ikus dezakezu. Sakatu "Datu gehiago ikusi" eta "Likidazioaren simulazioa", deskargatu eta bildutako datuak egiaztatu ahal izateko.
  3. Aukeratu aitorpen mota: Erabaki aurkezpen banakakoa edo bateratua izango den: Baterako aitorpena aurkeztu nahi izatekoan; sartu zure ezkontidearen edo izatezko bikotekidearen ordezkaritza-gakoa.
  4. Sakatu "Aurkeztu" botoia zure aitorpena bidaltzeko; eta egiaztatu bankuko kontua eta helbide fiskala zuzenak direla.
  5. Agiria eta aurkezpen-frogagiria deskargatu eta gorde. Dokumentu honek egiaztatzen du zure adierazpena behar bezala bidali dela.

Ordezko aitorpenak
Zure aitorpena aurkeztu ondoren daturen bat zuzendu behar baduzu, ordezko aitorpen baten bidez egin dezakezu.

  • Aitorpena aurkeztu duzun eguneko 23:59ak arte aurkez dezakezu ordezko aitorpena, eta edozein datu, identifikazio-datu edo datu ekonomiko alda dezakezu.
  • Ordezko aitorpen bat baino gehiago aurkezten baditu, aurkeztutako azkena bakarrik hartuko da kontuan.

OHARRA: Nahiz eta aurreko ekitaldiei buruzkoak izan, bideoak eta/edo adibideak baliagarriak dira ariketa honetarako.
 
24. errenta kanpaina 2026ko apirilaren 15etik ekainaren 30ra
Aitorpena gure BULEGOETAN aurkeztu, astelehenetik ostiralera, 08:30etik 19:00etara
94 406 6600
Emaitza kontsultatu eta aitorpena aurkeztu TELEFONO bidez
94 608 3000
Emaitza kontsultatu eta aitorpena bide ELEKTRONIKOaz aurkeztu

Lagundu hobetzen

Nola baloratzen duzu artikuluaren erabilgarritasuna?

Gogobetetze-maila

Eskerrik asko zure balorazioa partekatzeagatik, honek zure esperientzia hobetzen laguntzen digu.

Maiz egiten diren galderak

Laguntza gehiago behar duzu?