Artikulua

2024ko eta 2025eko borondatezko pizgarrien aldia

2024ko urtarrilaren 1etik aurrera.
2024. eta 2025. urteetan Batuz sistemari borondatez,baldin eta derrigortasun-data baino SEI HILABETE lehenago gutxienez atxikitzen zaizkion, pertsona fisikoek, mikroenpresek , ETEek, eta zati batean salbuetsita dauden eta irabazi-asmorik ez duten erakundeek, konpentsazio bat izango dute dagozkien zergaldien PFEZaren jardueren errendimenduan eta SZren aitorpenetan.

Konpentsazioa izateko, Batuz sistemaren betebeharrak bete beharko dira, jakinarazpenaren ondorioen datatik aurrera.

Zer gertatzen da 2024ko urtarrilaren 1a baino lehen neure borondatez atxiki banaiz? Badut konpentsaziorik?

2024ko urtarrilaren 1a baino lehen borondatezko aplikazioa aukeratu duten zergadunek 2024. eta, hala badagokio, 2025. urteetan aplikatu ahal izango dute konpentsazioa, Batuz-i atxikitzeko derrigortasun-dataren arabera, beste eskaera berri bat egin beharrik gabe.

2024. eta, hala badagokio, 2025. urteetan aplikatuko den ehunekoa 100eko 10ekoa izango da, 2022. eta 2023. urteetan, borondatezko aplikazioaren eskaera-dataren arabera ezartzen zen konpentsazio-ehunekoa alde batera utzita.

Adibidea:

2024/07/1ean Batuz-i atxikitzeko derrigortasun-data duen pertsona fisiko edo juridikoa, eta borondatezko aplikazioaren aukera 2022/01/01ean gauzatu zuena.

PFEZ /IS-en konpentsazio ehunekoa :

2022 eta 2023an, %15a izan zen.
2024an %10a izango da.

Eta nire nahitaezko atxikipen-data 2025/07/1 bada? edo 2026/01/01 bada?

Kasu horretan, 2024an eta 2025ean % 10eko konpentsazioa aplikatu ahal izango dut, 2024ko urtarrilaren 1a baino lehen atxiki nintzelako (derrigortasun-data baino gutxienez 6 hilabete lehenago).

2026an jada ez da konpentsaziorik egongo, Batuzi atxikita egon behar baitut nahitaez.

Nola kalkulatzen da konpentsazio-eskubidea izateko behar den 6 hilabeteko aldia?

2024ko urtarrilaren 1a baino lehen atxiki ez diren zergadunentzat 2024an eta/edo 2025ean borondatezko aplikazioa eskatzeko epeak honako hauek dira:

borondatez hasteko data 2024/01/01 bada, eskaera egiteko epea 2023/12/15 arte izango da.
borondatez hasteko data 2024/07/01 bada, eskaera egiteko epea 2024/01/01 eta 2024/06/15 artekoa izango da.
borondatez hasteko data 2025/01/01 bada, eskaera egiteko epea 2024/07/01 eta 2024/12/15 artekoa izango da.
borondatez hasteko data 2025/07/01 bada, eskaera egiteko epea 2025/01/01 eta 2025/06/15 artekoa izango da.

Nola kalkulatzen da konpentsazioaren zenbatekoa?

Pertsona fisikoek konpentsazioa aplikatuko dute:

Egiten duten jarduera bakoitzaren etekin garbi positiboaren gainean, jarduera ekonomikoari lotutako elementuen transmisioengatiko ondare-irabazi eta -galeren aurretik.
Errendimendua kalkulatzen badute zuzeneko zenbatespen sinplifikatuaren metodoaren bidez, koefizientea aplikatu aurreko errendimenduari aplikatuko zaio konpentsazioa, amortizazio, narriaduragatiko galera eta justifikatzen zailak diren gastuen kontzeptuan.

Pertsona juridikoek konpentsazioa aplikatuko dute:

Emaitza aplikatzeari eta mikroenpresen konpentsazioari buruzko zuzenketak aplikatu aurreko zerga-oinarriaren gainean.
Konpentsazioa aplikatzen den zerga-oinarrian ez dira sartuko ABEE edo AIEk, SZren subjektu pasiboak diren sozietate zibilek edo nazioarteko gardentasun fiskala aplikatzeak egotzitako errenta positiboak.

Zein alditan dut konpentsazioa jasotzeko eskubidea?

2024/01/01etik aurrera, Batuz-i nahitaez atxiki behar zaio, arian-arian, egutegi jakin baten arabera.
Zergadun batek konpentsazio-eskubidea zein alditan duen jakiteko, erabakigarria da Batuz-en NAHITAEZ SARTZEKO DATA ezagutzea; izan ere, Batuz-en GUTXIENEZ 6 HILABETE LEHENAGO BORONDATEZ sartzen direnek baino ez dute hura aplikatzeko eskubidea.

- Batuz-i borondatez atxikitzen bazaio 2024/01/01etik edo lehenago:

Betebeharraren data	2024ko konpentsazioa	2025ko konpentsazioa
2024/07/01	10%	EZ
2025/01/01	10%	EZ
2025/07/01	10%	10%
2026/01/01	10%	10%

- Batuz-i borondatez atxikitzen bazaio 2024/07/01etik aurrera:

Betebeharraren data	2024ko konpentsazioa	2025ko konpentsazioa
2025/01/01	10%	EZ
2025/07/01	10%	10%
2026/01/01	10%	10%

- Batuz-i borondatez atxikitzen bazaio 2025/01/01etik aurrera:

Betebeharraren data	2024ko konpentsazioa	2025ko konpentsazioa
2025/07/01	EZ	10%
2026/01/01	EZ	10%

- Batuz-i borondatez atxikitzen bazaio 2025/07/01etik aurrera:

Betebeharraren data	2024ko konpentsazioa	2025ko konpentsazioa
2026/01/01	EZ	10%

BATUZ Zer abantaila ditu BATUZ sisteman nahitaezko epea baino lehen sartzeak?

2024ko eta 2025eko borondatezko pizgarrien aldia

Lagundu hobetzen

Nola baloratzen duzu artikuluaren erabilgarritasuna?